የሴኔጋል ፓርላማ አባላት እርስበርሳቸው ተደባደቡ

ሴኔጋል ከአንድ ወር በፊት ነበር የህዝብ ተወካዮች ምክር ቤት ምርጫ ያካሄደችው።

ገዥው ፓርቲ አብዛኛውን መቀመጫ በተቃዋሚ ፓርቲዎች በተነጠቀበት በዚህ ምርጫ ተመራጭ የሆኑ የምክር ቤት አባላት ዛሬ ስራቸው ጀምረዋል።

አባላቱ በዛሬው ስብሰባቸው የምክር ቤቱን ተጠሪ ፕሬዝዳንት መምረጥ የነበረባቸው ቢሆንም ወደ ስምምነት መምጣት አልቻሉም።

የምክር ቤቱ አባላት አለመስማማታቸው ተከትሎ በተፈጠረ አለመግባባት በወንበር እና ውሀ መያዣ ፕላስቲኮችን እርስ በርስ በመወራወር እንደተደባደቡ ሲጂቲኤን አፍሪካ ዘግቧል።

በምክር ቤቱ አባላት የተፈጠረውን ሁከት ተከትሎም የሀገሪቱ ፖሊስ ገብቶ ተደባዳቢዎቹን በቁጥጥር ስር በማዋል ክስተቱን ተቆጣጥሯል ተብሏል።