Category: Technology

“J-20” ተዋጊ ጄት ዡሃይ የቻይና የአየር ትርኢት ላይ ለእይታ ቀርበዋል

የቻይና “J-20” ተዋጊ ጄቶችን ምን የተለየ ያደርጋቸዋል…?

የ2022 የቻይና የአየር ትርኢት በደቡባዊ የሀገሪቱ ከተማ ዡሃይ መካሄድ ላይ ሲሆን፤ “J-20” ስውር ተዋጊ ጄት ለእይታ ቀርቧል።

የቻይና ሕዝብ ነፃ አውጪ ጦር ተብሎ የሚጠራው የቻይና ጦር የታጠቀው “J-20” ስውር ተዋጊ ጄቶች ዙሃይ ሰማይ ላይ መታየታቸው ለቻይና ኤር ሾው የበለጠ ድምቀትን ጨምሯል።

ለቻይና ኤር ሾው ላይ የቻይና አየር ሃይል ተዋጊዎች እና “የአየር ኤሮባቲክስ” ቡድን በዙሃይ ታላቅ የአየር ትርኢት ቢያቀርቡም አራት ጄ-20 ስውር ተዋጊዎች የተመልካችን አይን ስበዋ ነው የተባለው።

የቻይና “J-20” ተዋጊ ጄቶችን ምን የተለየ ያደርጋቸዋል…?

“J-20” ተዋጊ ጄቶች የመጀመሪያዎቹ ስሪቶች በሩሲያ የተመረቱ ሞተሮችን ይጠቀሙ የነበረ ሲሆን፤ በኋላ ላይ ግን ቻይና በራሷ ባመረተችው መንትያ ሞተር እንደተካች ይነገራል።

በችንግዱ ኤርክራፍት ግሩፕ የሚመረተው “J-20” ተዋጊ ጄት የመጀመሪያ በረራውን በፈረንጆቹ 2011 ያካሄደ ሲሆን፤ በ2017 በስራ ላይ እንደዋለም ተነግሯል።

በሰዓት እስከ 2 ሺህ 100 ኪሎ ሜትር ድረስ መብረር ይችላል የተባለለት “J-20” ተዋጊ ጄት፤ 19 ሺህ 390 ኪሎ ግራም ክብደት አለው ተብሏል።

 “J-20” ተዋጊ ጄት ቻይና የዓለማችን ቀዳሚ ስውር ተዋጊ ጄት ተብለው ለሚነገርላቸው የአሜሪካ ኤፍ-22 እና ኤፍ-35 ተዋጊ ጅቶች የሰጠችው ምለሽ መሆኑ ይነገራል።

በአሁኑ ወቅት 200 J-20 ተዋጊ ጄቶች የቻይና ህዝቦች ነጻነት ሰራዊት ተብሎ በሚጠራው የቻይና ጦር አየር ኃይል አገልግሎት እየሰጡ ነው።

የቻይና አየር ክልሏ ለሚጥሱ የማንኛውም ሀገር ተዋጊ ጄቶች ምለሽ የምትሰጠው በእነዚሁ “J-20” ተዋጊ ጄቶች መሆኑ ተገልጿል።

ሩሲያ ድሮኖቹን በመጠቀም የዩክሬን መሰረተ ልማቶች እያወደመች እንደሆነ ፕሬዝዳንት ዘለንስኪ ተናግረዋል

ዩክሬን ከኢራን ጋር ያላትን ግንኙነት ለማቋረጥ እያሰበችበት እንደሆነም ተገልጿል

ዩክሬን ከ230 በላይ የኢራን ሰራሽ ድሮኖችን መትታ መጣሏን አስታወቀች።

የሩሲያ ዩክሬን ጦርነት ከተጀመረ ስምንት ወራት የሞላው ሲሆን የጦርነቱ ሁኔታ በየጊዜው እየተቀያየረ አዳዲስ ክስተቶችን እያስተናገደ ቀጥሏል፡፡

የዩክሬን ፕሬዝዳንት ቮሎዶሚር ዘለንስኪ እንዳሉት ኢራን ሰራሽ የሆኑ ከ233 በላይ ለሩሲያ የተሰጡ ሰው አልባ አውሮፕላኖች ወይም ድሮኖች ተመተው መውደቃቸውን ተናግረዋል፡፡

ሩሲያ እነዚህን ኢራን ሰራሽድሮኖቹን በመጠቀም የዩክሬን መሰረተ ልማቶች እያወደመችበት እንደሆነ የተናገሩት ፕሬዝዳንት ዘለንስኪ በዛሬው ዕለት ብቻ 10 ድሮኖችን መትተው መጣላቸውን አክለዋል፡፡

ሩሲያ በተለይም የዩክሬን ዋና ዋና መሰረተ ልማቶችን እያወደመች እንደሆነ የገለጹት ፕሬዝዳንቱ በተለይም ከ30 በመቶ በላይ የሚሆነው የዩክሬን የሀይል ማመንጫ ጣቢያዎች ከጥቅም ውጪ መሆናቸው ተገልጿል፡፡

በዚህም መሰረት የዩክሬን ዋና ዋና ከተሞች ከሀይል አቅርቦት ውጪ ሆነዋል የተባለ ሲሆን ከተሞቹን መልሶ የሀይል አቅርቦት እንዲያገኙ ከፍተኛ ወጪ እየጠየቁ እንደሆነም ፕሬዝዳንቱ አክለዋል፡፡

ክሪሚያን ከተቀረው የሩሲያ ክፍል ጋር ለማስተሳሰር የሚውለው ድልድይ በዩክሬን ተመቶብኛል ያለችው ሞስኮ በ10 ቀናት ውስጥ ከ190 በላይ የአየር ላይ ጥቃቶችን በዩክሬን ላይ አድርሳለች ተብሏል፡፡

ሩሲያ በአጠቃላይ በ16 የዩክሬን ግዛቶች ላይ የሚሳኤል፣ የድሮን እና ሌሎች ጥቃቶችን ሰንዝራለች የተባለ ሲሆን ኢራን ሰራሽ ድሮኖች ዋነኛ የጥቃቱ መፈጸሚያ እንደሆኑ ዩክሬን አስታውቃለች፡፡

ዩክሬን ከመሰረተ ልማት ውድመት በተጨማሪ 70 ንጹሃን ዜጎቿ እንደተገደሉባት ያስታወቀች ሲሆን ኢራን ለሩሲያ የጦር መሳሪያ ድጋፍ አድርጋለች ስትልም ክስ አቅርባለች፡፡

ኢራን በበኩሏ ለሩሲያ ሰው አልባ አውሮፕላን እንዳልሰጠች ብትገልጽም በትናንትናው ዕለት ሚሳኤል ለመስጠት ከሩሲያ ጋር ስምምነት መፈጸሟን ዓለም አቀፍ ዘገባዎች ጠቁመዋል፡፡ 

የአሜሪካን ጨምሮ የ70 ሀገራት ወታደራዊ ተቋማት ለዩክሬን ድጋፍ እያደረጉ ነው

የሩሲያው “ታይገር” ብረተ እና አሜሪካው “ሀምቪ” ብረተ ለበስ ተሸከርካሪዎች በዩክሬን ጦርነት ላይ እየተፋለሙ ነው

በሩሲያ እና በዩክሬን መካከል ጦርነተ ከተጀም ሰባት ወራትን ያስቆጠረ ሲሆን፤ በርካታ ምእራባውያን ሀገራትም ለዩክሬን የመሳሪያ ድጋፍ በማድረግ ላይ ናቸው።

የሩሲያ መከላካያ ሚኒሰቴር በቅርቡ፤ የ70 ሀገራት ወታደራዊ ተቋማት ለዩክሬን ድጋፍ እያደረጉ እንደሆ እና ሩሲያ በዩክሬን ምድር ምዕራባውያን ጋር እየተዋጋች እንደሆነ መግለጹ ይታወሳል።

አሜሪካ ለሩሲያ በተለያየ ጊዜ የተለያየ መጠን ያለው የጦር መሳሪ ለዩክሬን የሰጠች ሲሆን፤ ከእነዚህም ውወስጥ “ሀምቪ” የተባለው ብረት ለበስ የጦር ተሽከርካሪ አንዱ ነው።

ሩሲያም በዩክሬን ካሰለፈቻቸው የጦር ተሸከርካሪዎች ውስጥ “ታይገር” ብረተ ለበስ ተሸከርካሪ ይገኛል የተባለ ሲሆን፤ በጦርነቱ ላይም የሩሲያው “ታይገር” የአሜሪካውን ሀመቪ ሲያሳድድ እንደታየ ዩሩሲያ መገናኛ ብዙሃ ምንጮች ገልጸዋል።

የሩሲያው “ታይገር” ብረት ለበስ ተሸከርካሪ እና አሜሪካው “ሀምቪ” ብረት ለበስ ተሸከርካሪዎች አቅም እና ጥንካሬ ምን ይመስላል?

የሩሲያ የሩሲያው “ታይገር” ብረት ለበስ ተሸከርካሪ

“ታይገር ኤም “ አርዛማስክ በተባለ የጦር ተሸከርካሪ አምራች ኩብንያ ነው የተመረተው

በውጊያ ወቅት ወታደሮችን ለማጓጓዘ እንዲሁም መሳሪያዎችን ለማቀበል ይውላል

ፍጥነት፤ በሰዓት ከ125 እስከ 140 ኪሎ ሜትር ድረስ ይጓዛል

በጨለማ ውስጥ ያለምንም ችግር እንዲጓዝ የሚያችል የእይታ መሳሪያ ተገጥሞለታል

ሙሉ በሙሉ የጥይት መከላከያ አካል እና መስታወት ተገጥሞለታል

የሚታጠቃቸው መሳሪያዎችም

“2A72” አውቶማቲክ ጠመንጃ ከ30 ሚሊ ሜትር ካሊበር ጋር

“AGS-30” አውቶማቲክ የእጅ ቦምብ እና የጭስ ቦምብ ማስወንጨፊያ

ኮርኔት-ዲ ፀረ-ታንክ ሚሳይል ስርዓት እና ተንቀሳቃሽ የአየር ክልል መከላከያዎችን ይገኙበታል

አሜሪካው “ሀምቪ” ብረት ለበስ ተሸከርካሪ

“ሀምቪ” ብረት ለበስ ተሸከርካሪ በውጊያ ወቅት ወታደሮችን ለማጓጓዘ እንዲሁም መሳሪያዎችን ለማቀበል ይውላል

ፍጥነት፤ በሰዓት ከ105 እስከ 113 ኪሎ ሜትር ድረስ ይጓዛል

ሙሉ በሙሉ የጥይት መከላከያ አካል እና መስታወት ተገጥሞለታል

በተጨማሪም ከጎን እና ከኋላ ሙሉ በሙሉ የጥይት መከላከያ ተለጥፎለታል

የሚታጠቃቸው መሳሪያዎችም

• M2፣ M240፣ እና M249 ካሊበር መሳሪያ

• 25 ሚሊ ሜትር ፀረ አውሮፕላን መሳሪያ

• Mk-19 ቦምብ እና የጭስ ቦምብ ማስወንጨፊያ ከ40 ሚሊ ሜትር ካበር ጋር

• ፀረ ታንክ እና AIM-120 ሚሳዔል ማስወንጨፊያዎች እንዲሁም 105 ሚሜ መድፍ ይገኙበታል

የዘርፉ ባለሙያዎች “አጓጊ ግን የከሸፈ የመርከብ ጽንሰ-ሀሳብ” ይሉታል

አሜሪካ ካላት ግዙፍ የጦር መሳሪያዎች ውስጥ “ዩ.ኤስ.ኤስ ዙምዋልት” የጦር መርከብ አንዱ እንደሆነ ይነገራል።

4 ነጥብ 4 ቢሊየን የአሜሪካ ዶላር እንደወጣበት የሚነገረው የጦር መርከቡ በርካታ ዘመናዊ ቴክኖሎጂዎቸን የጣጠቀ እንደሆነ ይነገርለታል።

በፈረንጆቹ 2008 ግንባታው የተጀመረው የጦር መርከቡ በ2013 ላይ ይፋ የተደረገ ሲሆን፤ በፈረንጆቹ 2016 ላይ በአሜሪካ ባህር ኃይል ስራ ላይ እንደዋለም መረጃዎች ያመለክታሉ።

አሁን ላይ አሜሪካ ሁለት ዙምዋልት አውዳሚ የጦር መርከቦችን ያላት ሲሆን፤ እነዚህ “ዩ.ኤስ.ኤስ ሞንሶር” እና “ዩ.ኤስ.ኤስ ላይደን ቢ ጆንሰን” የሚል መጠሪያ ያላቸው ናቸው።

አውዳሚ ነው የተባለው የጦር መርከቡ አሜሪካ ካላት ጦር መርከቦች የወጣበት ዋጋ በእጥፍ የሚበልጥ ነው ብለዋል።

የቢላዋ ቅርጽ ያለው የመርከቡ የፊት ክፍል በከባድ የባህር ክፍል ላይ በቀላሉ እንዲጓዝ የሚያስችለው መሆኑንም ድፌንስ ኒውስ በመረጃው አስታውቋል።

መርከቡ 158 የባህር ኃይል አባላትን አሳፍሮ የሚጓዝ ሲሆን፤ 16 ሺ ቶን ገደማ ክብደት በመያዝ በሰዓት እስከ 56 ኪሎ ሜትር መብረር ይችላል ተብሏል።

መርከቡ ባለብዙ ተግባር ራዳሮች የተገጠሙለት ሲሆን፤ ከውኃ አካል ላይ ወደ ላይ ሚሳዔል ለማስወንጨፍ የሚያስችሉ 80 ሴሎች እንዳሉትም ተነግሯል።

ሆኖም ግን መርከቡ የፀረ መርከብ፣ የፀረ ባሀር ስርጓጅ ፣ የአየር መከላከያ ሚሳዔሎችን ማስወንጨፊያ የሌለው መሆኑ እንደክፍተት ይነሳበታል።

የወታደራዊ ጉዳዮች ባለሙያ የሆኑት ሴባስቲያን ሮብሊን፣ የመርከቡ ጽንሰ ሀሳብ እጅግ አጓጊ ነገር ግን የከሸፈ ነው ሲሉ ይገልጹታል።

“CV-22 ኦስፕሬይ” ሄሊኮፕተር ለመንቀሳቀስ ሁለት አብራሪዎች ያስፈልጉታል

የተለያዩ የጦር መሳሪያ የሚተኩሰው ሄሊኮፕተሩ በሰዓት 445 ኪ.ሜ ይበራል

አሜሪካ ካሏት የጦር ሄሊኮፕተሮች ውስጥ “አይበገሬው” የሚል መጠሪያ የተሰጠው “CV-22 ኦስፕሬይ” ሄሊኮፕተር አንዱ ነው።

ቦይንግ እና ሄል ሄሊኮፕተር ቴክስትሮን ኩባንያዎች በጥምረት ያመረቱት ሄሊኮፕተሩ በፈረንጆቹ በ2006 ለመጀመሪያ ጊዜ የተሰማራ ሲሆን፤ የተለያዩ ተልእኮዎችንም መፈጸም እንደቻለ ይነገርለታል።

ሄሊኮፕተሩ ከተሳተፈባቸው ዉጊያዎች ውስጥም ቀዳሚ እና ግዙፉ አሜሪካ በኢራቅ ያካሄደችው ዘመቻ እንደሆነም ነው መረጃዎች የሚጠቁሙት።

በውጊያ ወቅት የጦር መሳሪያዎችን ለመተኮስ እና ወታደሮችን ለማጓጓዝ የሚውለው ሄሊኮፕተሩ፤ በአንድ ጊዜ ተቀምጠው ከሆነ 24 ወታደሮችን ቆመው ከሆነ ደግሞ 32 ወታደሮችን ጭኖ መጓዝ ይችላል ተብሏል።

CV-22 ኦስፕሬይ ሄሊኮፕተር ምን የተለየ ያደርገዋል?

ሮልስ ሮይስ አሊሰን AE1107C ሞተር የተገጠመለት ሄሊኮፕተሩ ለመነሳትም ይሁን ለማረፍ መደርደሪያ አያስፈልገውም የተባለ ሲሆን፤ ቀጥ ብሎ ወደላይ የሚነሳ እና ባለበት ተወዳች እየተምዘገዘገ ማረፍ ይችላል።

የረቀቁ ቴክኖሎጂዎች የተገጠሙለት CV-22 ኦስፕሬይ ሄሊኮፕተር ዲጂታል ካርታ፣ ዲጂታል ሙሉ በሙሉ ዲጂታል የሆነ የአብራሪዎች ክፍል (ኮክፒት) እንዲሁም ራስን የመከላከል ስርዓቶች ተገጥመውለታል።

ሄሊኮፕተሩ ከባባድ ሮኬቶችን ጨምሮ ኒውክሌርን መቋቋም ይችላል የተባለ ሲሆን፤ “አይበገሬው” የተባለውም ከዚሁ በመነሳት ነው።

ሄሊኮፕተሩን ለማብረር ሁለት አብራሪዎች እና ሁለት የበረራ ኢንጂነሮች (መሃንዲሶች) የግድ ያስፈልጉታል ነው የተባለው።

CV-22 ኦስፕሬይ ሄሊኮፕተር በሰዓት 445 ኪሎ ሜትር የሚበር ሲሆን፤ በአንድ ጊዜ ነዳጅ ብቻ ከ925 ኪሎ ሜትሮች በላይ መብረር የሚችል ይችላል።

አየር ላይ ነዳጅ ከተሞላለት ደግሞ በየትኛውም የአየር ሁኔታ ውስጥ ከ3300 በላይ ኪሎ ሜትር ያለማቋረጥ መጓዝ እንደሚችል ተነግሯል።

ሄሊኮፕተሩ ላይ ወደላይ መተኮስን የሚያስችላቸው 7.62 ሚሊ ሜትር ሚኒገን ተገጠመለት ሲሆን፤ በመወጣጫው ላይ ደግሞ ካሊበር ማችን ገን ተገጥሞለተል።

ሮኬቱ ላይ ነዳጅ መፍሰስ በማጋጠሙ ማስወንጨፉ ለሁለተኛ ጊዜ ተቋርጧል

የአሜሪካው ናሳ “አርቴሚስ 1” ሮኬት

አሜሪካ ከ50 ዓመታት በኋላ ተመራማሪዎችንና መሳሪያዎቻቸውን ወደ ጨረቃ ለመላክ እየሰራች ነው

የአሜሪካው ናሳ “አርቴሚስ 1” የተባለ ሮኬትን ወደ ጨረቃ ለማስወንጨፍ ያደረገው ሙከራ ለሁለተኛ ጊዜ መክሸፉ ተሰምቷል።

የናሳ ተመራማሪዎች በትናትናው እለት ሮኬቱን ለማስወንጨፍ የሚረዳውን የጠፈር ማስወንጨፊያ ስርዓት ለማስጀምር በተደጋጋሚ ቢሞክሩም ለሁለተኛ ጊዜ ሳይሳካቸው ቀርቷል።

የሮኬቱ ማስወንጨፍ ለሁለተኛ ጊዜ ሳይሳካ የቀረው በማስወንጨፊያው ላይ ባጋጠመው የነዳጅ መፍሰስ እንደሆነም ታውቋል።

ይህንን ተከትሎም የዘርፉ ባለሙያ ኢንጂነሮች በሮኬቱ ላይ ድጋሚ ፍተሻ ያደርጋሉ የተባለ ሲሆን፤ ይህም ጊዜ ሉወስድ ይችላል ተብሏል።

ፍተሸው ከማስወንጨፊያ ስፍራ ይልቅ በመስሪያ ቦታው ላይ ተወስዶ ሊካሄድ እንደሚችል እና ይህም የሮኬቱን የማስወንጨፊያ ጊዜ እስከ ጥቅምት ወር ሊያዘገየው ይችላል ነው የተባለው።

ናሳ ሮኬቱን ባሳለፍነው ሰኞ ወደ ጨረቃ ለማስወንጨፍ ሞክሮ የነበረ ሲሆን፤ ሆኖም ግን አራቱ ትላልቅ ሞተሮች በትክክለኛ የሥራ ሙቀት ላይ መሆናቸውን ተቆጣጣሪዎች ማረጋገጥ ባለማቻላቸው ተቋርጦ ነበር።

ሮኬቱን የማስወንጨፍ ሙከራ ከትናትናው ጋር ለሁለተኛ ጊዜ የተካሄደ ሲሆን፤ መሳካት ግን አልቻለም።

አሜሪካ ከ50 ዓመታት በኋላ ተመራማሪዎችንና መሳሪያዎቻቸውን ወደ ጨረቃ ለመላክ እየሰራች ሲሆን፤ ይህም የአፖሎ ፕሮጀክት እአአ በ1972 ካበቃ በኋላ የተሰራ ነው።

6100 ሜትር የሚረዝመው ሮኬት አላማው ኦሪዮን የተባለውን ካፕሱል ወደ ጨረቃ ለማድረስ አላማ ኖሮት የተሰራ መሆኑንም ከናሳ የተገኘው መረጃ ያመለክታል።

አፕል ለስፖርተኞች የሚሆን “አልትራ” ስማርት ሰዓትም አስተዋውቋል

አፕል የመኪና አደጋ ቀደሞ መለየት የሚያችል ቴክኖሊጂ የተገጠመለት ስማርት ስልክም አስተዋውቋል

የአሜሪካው የቴክኖሎጂ ኩባያ አፕል በትናትናው ምሽት በበርካቶች ዘንድ ሲጠበቅ የነበረውን አይፎን 14 ስማርት ስልክን ጨምሮ ሌሎችም አዳዲስ የቴክኖለጂ ምርቶችን አስተዋውቋል።

አፕል ኩባያ በትናትናው እለት ባዘጋጀው መርሃ ግብር ላይ በቴክኖሎጂ የረቀቁ የአይፎን 14 ስማርት ስልኮች፣ ስማርት ሰዓት እንዲሁም የማዳመጫ ምርቶቹን ይፋ አድርጓል።

ክባያው ሁለት የአይፎን 14 ስማርክ ስልክ አይነቶችን ያስተዋወቀ ሲሆን፤ እነዚህም አይፎን 14 እና አይፎን 14 ፕላስ ናቸው።

ስማርት ስልኮቹ በቴክኖሎጂ የረቀቁ ናቸው የተባለ ሲሆን፤ ከዚህም ውስጥ በአደጋ ጊዜ ኔትዎርክ በሌለበት አካባቢ ላይ ስንሆን ከሳተላይት ጋር በመገናኘት መልእክት ለመላክ የሚያስችል ቴክኖሎጂ ተገጥሞለታል።

ስማርት ስልኩ ያለ ሞባይል ኔዎርክ ከሳተላይት ጋር ተገናኝቶ መልእክት ለመላክ ዝቅተኛው 15 ሰከንድ ከፍ ካለ ደግሞ ጥቂት ደቂቃዎችን ሊፈጅበት ይችላል።

አዲሱ አይፎን 14 ከጀርባው ላይ ሶስት 12 ሜጋ ፒክስል ጥራት ያላቸው ካራዎች የተገጠሙ ሲሆን፤ የፊትለፊት (ሰልፊ) ካሜራውም 12 ሜጋ ፒከስል መሆኑ እና ለመጀመሪያ ጊዜ ራሱን የማስካከል ቴክኖሎጂም ተገጥሞለታል።

የአይፎን 14 ካሜራዎች ፈጣን እንቅስቃሴ ያላቸውን ቁሶች ፎቶ ማንሳት ጨምሮ በዝቅተኛ ብርሃን ፎቶ በማንሳት ረገድ 49 በመቶ ማሻሻያ እንደተረገም ኩባያው አስታውቋል።

ለስማርት ስልቹ የመሸጫ ዋጋ የተቆረጠላቸው ሲሆን፤ በዚህ የአይፎን 14 ዋጋ 799 የአሜሪካ ዶላር፣ የአይፎን 14 ፕላስ ደግሞ 999 ዶላር መሆኑም ታውቋል።

አፕል ኩባንያ ትናንት ካስተዋወቃቸው የቴክኖሎጂ ምርቶች ውስጥ ሲሪየስ 8 የተሰኘው ስማርት ሰዓትም ይገኝበታል።

ሲሪየስ 8 የተሰኘው ስማርት ሰዓት የመኪና አደጋ ቀደሞ መለየት የሚያስችል ቴክኖሊጂ የተገጠመለት ሲሆን፤ አደጋ ከደረሰ በኋላም የአደጋው የደረሰበትን አካባቢ የሚጠቁም መልእክት መላክ ይችላል ተብሏል።

ስማርት ሰዓቱ በተጨማሪም ለሴቶች የወር አበባን መከታተል እንዲሁም የሰውነትን ሙቀት በመለካት ክትትል ማድረግን ጨምሮ በርካታ አዳዲስ ቴክኖሎጂዎችን በውስጡ ይዟል።

አልትራ የተባለው ስማርት ሰዓትም አፕል ትናንት ካስተዋወቃቸው ውስጥ ሲሆን፤ በተለይም ለስፖርተኞች የሚያለግል ነው ተብሏል።

አልትራ ስማርት ሰዓት ውሃ የማያስገባ በመሆኑ ለዋነተኞች እንዲሁም በቀላሉ የማይሰበር እና አቧሯ የማያስገባ መሆኑ ደግሞ ለአትሌቶች እና ለሌሎችም ስፖርተኞች ያገለግላል።

ቻይና ግለሰቦችን ወደ ጠፈር ለማጓጓ ሶስት አይነት የጉዞ አይነቶችን አዘጋጅታለች
የቻይና የጠፈር ጉዞ
የአንድ ሰው የጠፈር የጉዞ ትኬት ዋጋም ከ287 ሺህ እስከ 430 ሺህ የአሜሪካ ዶላር ይሆናል ተብሏል

ቻይና በፈረንጆቹ 2025 የግል ተጓዦችን በክፍያ ወደ ጠፈር ለማጓጓዘ እየሰራች መሆኑ ተገለፀ።

አንድ የቻይና የሮኬት ተመራማሪ እንዳስታወቁት ከሆነ የአንድ ሰው የጉዞ ዋጋ 2 እና 3 ሚሊየን የቻይና ዩዋን (ከ287 ሺህ እስከ 430 ሺህ የአሜሪካ ዶላር) ሊሆን እንደሚችል አስታውቀዋል።

ለጥቂት ደቂቃዎች ወደ ጠፈር ለመጓዝ የአንድ ወንበር የጨረታ ዋጋ ከ2 ነጥበ 4 ሚሊዮን ዶላር አለፈ
በፈረንጆቹ በ2018 የተመሰረተው የሎንግ ማርች ሮክት ዋና ዳይሬክተር እና መቀመጫውን ቤጂንግ ያደረገው ሲ.ኤ.ኤስ ስፔስ ኤጀንሲ መስራች የሆኑት የሮክት ተመራማሪው ያንግ ዪክያንግ፤ ግለሰቦችን ወደ ጠፈር ለማጓጓ ሶስት አይነት የመጓጓዣ ዘዴዎች መዘጋጀታቸውን አስታውቀዋል።

የመጀመሪያው ወደ ዓለም አቀፍ የጠፈር ማዕከል መግባት የሚያስችል ሲሆን፤ ይህም ለቱሪስቶች ጥብቅ የሆነ የአካላዊ እና የስነ ልቦናዊ ቅድመ ሁኔታዎችን የሚያሰቀምጥ ነው ተብሏል።

ጃፓናዊው ቢሊየነር የ12 ቀናት የጠፈር ቆይታውን አጠናቆ ተመለሰ
ሁለተኛው የጉዞ አይነት ቱሪስቶች መንኮራኩር ውስጥ እንዲገቡ በማድረግ በሌላ በካርጎ መንኮራኩር ወደ ጠፈር እንዲሄዱ ማድረግ የሚያስችል ሲሆን፤ ይህኛው ጉዞ በአንድ መቀመጫ 450 ሺህ ዶላር እንደሚያስከፍል ሲ.ጂ.ቲ.ኤን ዘግቧል።

ሶስተኛው የጉዞ አይነት ሰብ ኦርቢታል የሚባል ሲሆን፤ ይህኛው የጉዞ አይነት ለአብዛኞቹ ጎብኚዎች የተመቸ እንደመሆን የሮክት ተመራማሪው ያንግ ዪክያንግ ገልፀዋል

ሰርጓጅ ድሮኑ ሱናሚዎችን በማስነሳት የጠላት ኢላማን የማጥፋት አቅም አለው

ከባህር ስር 1 ሺህ ሜትር ጥልቀት ላይ የሚጓዘው ድሮኑ፤ እስከ 10 ሺህ ኪ.ሜ ድረስ መሸፈን ይችላል

ሩሲያ በያዝነው የፈረንጆቹ 2022 ይፋ ካደረገቻቸው አውዳሚ የጦር መሳሪያዎች ውስጥ “ፖሲዶን” የባህር ሰርጓጅ ድሮን አንዱ ነው።

“ፖሲዶን” ሰርጓጅ ድሮን የምጽአት ቀን የሚል መጠሪያ በተሰጠው የሩሲያው ቤልግሮድ ሰርጓጅ መርከብ ላይ የሚገጠሙ ሲሆን፤ ከሰርጓጅ መርከቡ ላይ የሚወነጨፉ መሆኑም ታውቋል።

“ፖሲዶን” የሩሲያ ኒውክሌር ድሮን ምን የተለየ ያደርገዋል?

“ፖሲዶን” በባህር ስር የሚጓዝ ድሮን ሲሆን፤ የኒውክሌር አረር የሚሸከም ግዙፍ የሆነ የባህር ሰርጓጅ ድሮን ነው።

የውሃ ስር ድሮን ፕሮጀክቱ መሰራት እንደተጀመረ የሚያሳየው መረጃ በ2015 ላይ እንደወጣ የዘገበው ኢውሮ ኒውስ፤ የድሮኑ ዋነኛ ዓላማም የባህር ዳርቻ ላይ የሚገኙ የጠላትን ወታራዊ እና ኢኮኖሚያዊ ጠቀሜታ ያላቸውን ስፍራዎችን ለማውደም ነው።

“ፖሲዶን” የኒውክሌር የባህር ሰርጓጅ ድሮን 20 ሜትር ርዝመት ያለው ሲሆን፤ ከባህር ስር እስከ 1000 ሜትር ጠልቆ መጓዝ እንደሚችልም ተመላክቷል።

የባህር ስር ድሮኑ እስከ 10 ሺህ ኪሎ ሜትር ድረስ የማካለል እና የጠላትን ኢላማ የመምታት አቅም ያለመው መሆኑም ተመላክቷል።

አብዛኛው የባህር ስር ድሮኑ ዝርዝር መረጃዎች እስካሁን በሚስጥር የተያዙ ሲሆን፤ ካለው ፍጥነት የተነሳ መከላከልም ሆነ ለማስቆም አዳጋች እንደሆነ ግን ተነግሯል።

የባህር ስር ድሮኑ ሰው ሰራሽ ሱናሚ ማእበሎችን ማስነሳት ይችላል የተባለ ሲሆን፤ እስከ 500 ሜትር ርዝመት ያለው ሱናሚ በማስነሳትም የባህር ዳርቻ ከተሞችን እንዳልነበሩ አድርጎ ሙሉ በሙሉ ማውደም ይችላል ተብሏል።

የብሪታኒያው ዴይሊ ሜይል ጋዜጣ እንዳስነበበው እነዚህን ድሮኖች የተሸከመው ቤልግሮድ ሰርጓጅ መርከብ ባሳለፍነው ሰኔ ወር ላይ በነጭ ባህር ላይ መታየቱን እና በወቅቱም ዲሚትሪ ዶንስኮይ የተባለ ሌላ የጦር መርከብ አብሮት እንደበረ ይታወሳል።

ሮቦቱን ሳቅ ያስተማሩት የጃፓን ክዮቶ ዩኒቨርሲቲ ተመራማሪዎች ናቸው

የሚስቀው ሮቦት ፕሮጀክት ሮቦቶችን ከሰው ልጅ ጋር የማመሳሰል እቅድ አንዱ ካል ነው

የጃፓን ተመራማሪዎች ከዚህ በፊት ያልተመለደ “በሰዎች ቀልድ የሚስቅ ሮቦት” መስራታቸውን ከሰሞኑ አስታውቀዋል።

ሮቦቱን ሳቅ ያስተማሩት የጃፓን ክዮቶ ዩኒቨርሲቲ ተመራማሪዎች ሲሆኑ፤ ዋና አላማዉም ሮቦቶች የበለጠ ከሰው ልጆች ጋር ለማመሳሰል እንደሆነም ተነግሯል።

ክዮቶ ዩኒቨርሲቲ ተመራማሪዎች ሮቦቱ ትክክለኛ የሰው ልጆችን ሳቅ እንዲስቅ ለማለማመድም ሰው ሰራሽ ክህሎት (አርቴፊሻል ኢንተለጀንስ) መጠቀማቸውን አስታውቀዋል።

ተመራማሪዎቹ ኤሪካ የሚል ስያሜ ባለው ሮቦት ላይ ሳቅን የማስተማር ስራውን እየሰሩ ሲሆን፤ ይህ ስራም በሰዎች እና በሮቦቶች መካከል ያለው ንግግሮች የበለጠ ተፈጥሯዊ እንዲመስሉ እንደሚያደርግ ተስፋ ሰንቀዋል።

ርዝመታቸው ከሁለት እስከ ሶሰስተ ደቂቃ የሚቆዩ ንግግሮች በሰዎች እና በኤሪካ ሮቦት መካከል የተደረገ ሲሆን፤ ይህም አዲሱን ሲሰተም ለመመኮር እንደተካሄደ እና ስራውም በጎ ውጤት እንደተገኘበት አስታውቀዋል።

ሮቦቶቹ የበለጠ ከሰዎች ጋር እንዲግባቡ እና በቀልዶች የምር እንዲስቁ ለማስቻል አሁንም ቀሪ ስራች እንደሚቀሩ አስታውቀዋል።

በሰዎች እና በሮቦቶች መካከል ልክ ንደጓደኛ መደበኛ ንግግሮች እንዲኖሩ ለማስቻል እየሰሩ መሆኑን ያስታወቁት ተመራማሪዎቹ፤ ይህንን እውን ለማድረግ እን ከ10 እስከ 20 ዓመት ሊያስፈልገን ይችላል ብላዋል።

የኤሌክትሪክ ተሽከርካሪዎች ላይ የሚጣለው የጉምሩክ ታሪፍ ዝቅተኛ እንደሚሆንም ሚኒስቴሩ አስታውቋል

የኤሌክትሪክ ተሽከርካሪዎች ከተጨማሪ እሴት ታክስ፣ ከኤክሳይዝ ታክስና ከሱር ታክስ ነፃ እንደሚደረጉ ተገለፀ

የኤሌክትሪክ ተሽከርካሪ ኢንቨስትመንትንና አስመጪዎችን የሚያበረታታ እንዲሁም ህብረተሰቡን ተጠቃሚ የሚያደርግ የታክስ ማሻሻያ ተግባራዊ መደረጉን የገንዘብ ሚኒስቴር አስታወቀ።

በዚህም የታክስ ማሻሻያ ከውጭ የሚገቡም ሆነ በሀገር ውስጥ የሚመረቱ የኤሌክትሪክ የህዝብ ማመላለሻ ተሽከርካሪዎች፣ የቤት አውቶሞቢሎች እና የእቃ መጫኛ ተሽከርካሪዎች ላይ ዝቅተኛ የጉምሩክ ታሪፍ የሚጣልባቸው መሆኑን ከሚኒስቴሩ ማህበራዊ ገጽ ያኘነው መረጃ ያመለክታል።

እንዲሁም የኤሌክትሪክ ተሽከርካሪዎች ከተጨማሪ እሴት ታክስ፣ ከኤክሳይዝ ታክስና ከሱር ታክስ ነፃ እንደሚደረጉም ሚኒስቴሩ አስታውቋል።

በታክስ ማሻሻያው መሰረት የኤሌክትሪክ የቤት አውቶሞቢሎችን በተመለከተም ሙሉ በሙሉ ተበትነው ወደ ሀገር ውስጥ ገብተው የሚገጣጠሙ አውቶሞቢሎች ከጉምሩክ ቀረጥ፣ ከኤክሳይዝ ታክስ፣ ከተጨማሪ እሴት ታክስና ከሱር ታክስ ሙሉ በሙሉ ነጻ እንዲሆኑ መደረጉን ሚኒስቴሩ ገልጿል

በከፊል ተበትነው ወደ ሀገር ውስጥ ገብተው የሚገጣጠሙ የኤሌክትሪክ የቤት አውቶ ሞቢሎችን በተመለከተም 5 በመቶ የጉምሩክ ቀረጥ ብቻ የሚጣልባቸው ሲሆን ከኤክሳይዝ ታክስ፣ ከተጨማሪ እሴት ታክስና ከሱር ታክስ ሙሉ በሙሉ ነጻ እንዲሆኑ ተደርጓል።

ሙሉ ለሙሉ ተገጣጥመው ያለቀላቸው የኤሌክትሪክ አውቶሞቢሎች ወደ ሀገር ሲገቡ ደግሞ 15 በመቶ የጉምሩክ ቀረጥ ብቻ የሚጣልባቸው ሲሆን፤ ከኤክሳይዝ ታክስ፣ ከተጨማሪ እሴት ታክስና ከሱር ታክስ ሙሉ በሙሉ ነጻ እንዲሆኑ መወሰኑንም የገንዘብ ሚኒስቴር አስታውቋል።

የኤሌክትሪክ መኪናዎችን በኢትዮጵያ ጎዳናዎች ላይ መታየት ከጀመሩ ዋል አደር ያሉ ሲሆን፤ ግሪን ቴክ አፍሪካ የተባለ ኩባያ የኤሌክትሪክ መኪናዎችን በኢትዮጵያ መገጣጠም ሊጀምር መሆኑን መግለጹ ይታወሳል።

የድርጅቱ ዋና ሥራ አስፈጻሚይ ኢንጅነር ቅደም ተስፋዬ ከወራ በፊት ከአል ዐይን አማርኛ ጋር ባደረጉት ቆይታ፤ አሁን ለይ ከ320 በላይ በኤሌትሪክ ኃይል የሚሰሩ ተሽከርካሪዎችን ወደ ኢትዮጵያ ማስገባት መቻሉን አስታውቀው ነበር።

የተሸከርካሪዎቹ ዋጋ በነዳጅ ከሚሰሩት መኪኖች ጋር ተቀራራቢና እኩል እንደሆነ ያነሱት ዋና ሥራ አስፈጻሚው፤ የጉምሩክ፣ ሱርታክስታና ተጨማሪ እሴት ታክስ ባይኖር ግን ዋጋቸው ከዚህ ይቀንስ እንደነበር መግለጻቸው ይታወሳል።

የጃፓኑ ዚቱሪስሞ ኩባንያ አዲስ በራሪ ሞተር ሳይክል ይፋ አድርጓል

በራሪው ሞተር ሳይክል በቀጣዩ 2023 ለገበያ ይቀርባል ተብሏል

የጃፓኑ ዚቱሪስሞ ኩባንያ የዓለማችን የመጀመሪያው በራሪ ሞተር ሳይክል ከሰሞበኑ ይፋ አድርጓል።

በአሜሪካ ዴትሮይት እየተካሄደ ያለው አውቶሞቲቭ ሾው ላይ የቀረበው በራሪው ሞተር ሳይክል የበርካቶችን ቀልብ ይዟል።

በራሪ ሞተር ሳይክሉን የጃፓኑ ዚቱሪስሞ ኩባንያ የሰራው ሲሆን፤ ሞተር ሳይክሉ ለ40 ደቂቃ ያክል አየር ላይ መብረር ይችላል።

ዚቱሪስሞ በራሪ ሞተር ሳይክሉ በሰዓት እስከ 100 ኪሎ ሜትር ፍጥነት መብረር የሚችል መሆኑንም ኩባንያው አስታውቋል።

የኩባንያው ስራ አስፈጻሚ ሹሄሂ ኮማስቱ፤ ኩባንያው ከበራሪ ሞተር ሳይክል በተጨማሪ ድሮኖች እና በራሪ መኪናዎችን እየሰራ ይገኛል ብለዋል።

አዲሱ በራሪ ሞተር ሳይክል አሁን ላይ በጃፓን መሸጥ ጀምሯል ያሉት ስራ አስፈጻሚው፤ በአሜሪካ እና በሌሎች የዓለም ሀገራት ከ2023 ጀምሮ ለገበያ ይቀርባል ብለዋል።

አዲሱ በራሪ ሞተር ሳይክል አሁን ላይ የተገመተለት ዋጋም 777 ሸህ ዶላር ነው።

8የኩባንያው ስራ አስፈጻሚ ሹሄሂ ኮማስቱ፤ እስከ ፈረንጆቹ 2025 ባለው ጊዜ በኤሌክትሪ የሚሰራውን በራሪ ሞተር ሳይክል ዋጋ ወደ 55 ሺህ ዶላር የመቀነስ ተስፋ እንዳለ አስታውቀዋል።

ሚኮያን MIG-35 ሩሲያ ካሏት አደገኛ የጦር ጄቶች ውስጥ አንዱ ነው

እስከ ከ300 ኪሎ ሜትሮች ርቀት ላይ የሚገኙ የባሀር ላይና የአየር ላይ ጠላት ኢላማዎችን መለየት ይችላል

ሚኮያን MIG-35 ተዋጊ ጄት ሩሲያ ካሏት ጦር የውጊያ ጄቶች ውስጥ በአደገኛነቱ እና በፈጣንነቱ ብዙ ይነገርለታል።

ሚኮያን MIG-35 ተዋጊ ጄት በፈረንጆቹ 2007 የተመረተ ሲሆን፤ ሩሲያ አሁን ላይ ከዩክሬን ጋር ከገጠመችው ጦርነትን ጨምሮ በተለያዩ አውደ ውጊያዎች ላይ እንተጠቀመችበት ኤር ፎርስ ቴክኖሎጂ ድረ ገጽ አስነብቧል።

ተዋጊ ጄቱ ክሊሞቭ አር ዲ 33 MK የሚል መጠሪያ ያለው ሁለት ሞተሮች የተገጠሙለት ሲሆን፤ ከመሬት ለመነሳት 122 ሜትር የመንደርደሪያ፤ ለማረፍ ደግሞ 137 ሜትር ርዝመት ቦታ ያስፈልገዋል።

በሰዓት ከ2 ሺህ ኪሎ ሜትር በላይ አየር ላይ የሚከንፈው ሚኮያን MIG-35 ተዋጊ ጄት፤ በአንድ ጊዜ በተሞላለት ነዳጅ ከ3 ሸህ ኪሎ ሜትሮች ባለይ፤ እዛው አየር ላይ ነዳጅ ተከሞላለት ደግሞ ከ5 ሺህ ኪሎ ሜትር በላይ መጓዝ እንደሚችል ታውቋል።

ተዋጊ ጄቱ ፀረ መርከብ እና ፀረ አውሮፕላን ሚሳዔሎችን ጨምሮ የተለያዩ ተተኳሽ ቦምቦችን የመታጠቅ አቅም ያለው እንደሆነ ይነገራል።

ሚኮያን MIG-35 ተዋጊ ጄት ከሚታጠቃቸው እና ከሚያስወነጭፋቸው መሳሪያዎች መካከልም ሚግ-35 Kh-29TE ሚሳኤል እና KAB-500Kr TV ቦምቦች ተጠቃሽ ናቸው።

ሚኮያን MIG-35 ተዋጊ ጄት አየር ክልልን ጦሶ የገባን የጠላት አውሮፕላን ከ160 ኪሎ ሜትር ርቀት ላይ መለየት እንደሚችልም ኤር ፎርስ ቴክኖሎጂ ድረ ገጽ መረጃ ያመለክታል።

ታዲያ ይህ የጦር ጄት የአየር ክልል ጥሶ የገባን የጠላት አውሮፕላን ሚግ-35 Kh-31P ፀረ-ራዳር ሚሳኤል በመጠቀም የሚያወድም መሆኑ ተነግሯል።

ሚኮያን MIG-35 ተዋጊ ጄት በተጨማሪም የሀገርን የውሃ ክልል ጥሶ የገባን መርከብ ከ300 ኪሎ ሜትር ላይ የመለየት ብቃት ያለው ሲሆን፤ አስፈላጊ ሆኖ ከገተኘ Kh-31A ፀረ-መርከብ ሚሳኤል በማስወንጨፍ መምታት ይችላል ተብሏል።