በፔሎሲ ጉብኝት የተቆጣችው ቻይና በታይዋን ዙሪያ ወታደራዊ ልምምድ እያደረገች ነው

ከዓለም ዙሪያ

 2022/8/4 15:12 GMT

በታይዋን ዙረያ ወታደራዊ ልምምድ እያደረገች ያለችው ቻይና ወደ ታይዋን ሚሳየል አስወንጭፋለች

የታይዋን ፕሬዝደንት ጻይ ኢንግ ዌን ሀገራቸው ማንንም እንደማትተነኩስና እና ነገርግን ራሷን እንደምትከላከል ተናግረዋል፡፡

የቻይና ወታደራዊ እንቅስቃሴ ለታይዋን ብቻ ሳይሆን ለመላው አለም ኃላፊነት የጎደለው ነው ሲሉ ተናግረዋል፡፡

 “የሀገራችንን ሰላም እና መረጋጋት ለመጠበቅ እራሳችንን እንሰጣለን” ያሉት ፕሬዝዳንቷ አለም አቀፉ ማህበረሰብ ፍትሃዊ ያልሆኑ ወታደራዊ እንቅስቃሴዎችን ለማስቆም እንዲተባበር ጠይቃለች።

እናም የታይዋን ፕሬዝዳንት በመቀጠል “የፀጥታው ሁኔታ እንዳይባባስ ከአጋሮቻችን ጋር እየተገናኘን ነው” ብለዋል።

ቻይና በሚቀጥሉት ጥቂት ቀናት ውስጥ በእኛ ላይ የምታደርገውን የመረጃ ጦርነት አጠናክራ ስለምትቀጥል የታይዋን ህዝብ በንቃት እንዲጠብቅ አሳስባለች።

 ፕሬዝደንት ጻይ ኢንግ ዌን “የፀጥታው ሁኔታ እንዳይባባስ ከአጋሮቻችን እየተነጋገርን ነው” ብለዋል፡፡

በአሜሪካዋ አፈጉባኤ ጉብኝት የታይዋን ጉብኝት የተበሳጨችው ቻይና በዛሬ እለት ጠዋት የባለስቲክ ሚሳየሎችን ወደ ታይዋን አስወንጭፋለች፡፡ የጃፓን መከላከያ ሚኒስትር አምስት የሚሆኑ የቻይና ሚሳየሎች በታይዋን ደሴት ላይ አልፈው በጃፓን በየኢኮኖሚ ዞን ማረፋቸውን ጠቅሷል፡፡

ሚኒስቴር በጃፓን ልዩ በሆነው የኢኮኖሚ ቀጠና ውስጥ የወደቁ ከሚመስሉት አምስት የቻይና ባሊስቲክ ሚሳኤሎች አራቱ “በዋናዋ የታይዋን ደሴት ላይ” መብረራቸው ጠቁሟል።

በፔሎሲ ጉብኝት የተቆጣችው ቻይና በታይዋን ዙሪያ ወታደራዊ ልምምድ እያደረገች ነው፡፡

አለምአቀፉ ማህበረሰብ የቻይናን ድርጊት እንዲያስቆም እየጠየቀች ያለችው ታይዋን፣ ቻይና ገፍታ ጦርነት የምትከፍት ከሆነ ግን ራሷን ለመከላከል እንደምትገደድ ገልጻለች፡፡

ፕሬዝደንት ፑቲን አሜሪካ የሩሲያ “ዋነኛ ስጋት” ነች ሲሉ ፈረጁ!!

ፕሬዝደንት ፑቲን ይህን ያሉት በሩሲያ በሴንት ፒተርስበርግ በተከበረው እና ታሪካዊ ነው በተባለው የባህር ቀን ላይ ነው፡፡ ባለፈው ቅዳሜ አዲስ የባህር ኃይል መተዳደሪያ ላይ ፊርማቸውን ያስቀመጡት ፕሬዝደንት ፑቲን አሜሪካ ዋነኛ የሩሲያ ተቀናቃኝ አድርገው አስቀምጠዋል፡፡

በአዲሱ የባህር ኃይል መተዳደሪያ በአርክቲክ እና በጥቁር ባህር ሊኖር የሚችለው የሩሲያ እቅድ መነደፉን ሮይተርስ ዘግቧል፡፡ በታላቁ ቄሳር ፒተር በተመሰረተችው የቀድሞዋ የንጉሠ ነገሥት ግዛት ሴንት ፒተርስበርግ በተከበረው የሩሲያ የባህር ኃይል ቀን ላይ ንግግር ያደረጉት ፑቲን ሩሲያን ታላቅ የባህር ሃይል እንዲኖራት የያደረጉትን ፒተርን አመስግነዋል፡፡

ፑቲን የባህር ሃይሉን ከጎበኙ በኋላ አጭር ንግግር ያደረጉት ሩሲያ ልዩ የሆነችው የዚርኮን ሃይፐርሶኒክ ክሩዝ ሚሳኤሎች በማሳየት ሩሲያ ወታደራዊ አቅም እንዳላት አስጠንቅቀዋል። ፕሬዝዳንቱ ንግግር ከማድረጋቸው ቀደም ብሎ የሩሲያን የባህር ኃይል ሰፊ ስትራቴጂካዊ አላማዎችን የያዘ ባለ55 ገጽ ሪፎርም ፈርመዋል፡፡

ከሩሲያ እና ዩክሬን ጦርነት በኋላ በሩሲያ እና በምእራባውያን መካከል ያለው ፍጥጫ አይሏል፡፡ሩሲያ የኔቶ ጦር ወደ ቀድሞ የሶቬት ሀገራት መስፋፋት ለደህንነቷ እንደማያሰጋት በመግለጽ ነበር በዩክሬን ላይ “ልዩ ወታደራዊ ዘመቻ” ያወጀችው። ከዚህ በተጨማሪም ዩክሬንን ትጥቅ ማስፈታት እና የናዚን አስተሳሰብ ማጥፋት የዘመቻው አላማ መሆኑን ሩሲያ መግለጿ ይታወሳል።

በሩሲያ ርምጃ የተቆጡት ምእራባውያን ሩሲያን ያዳክማል ያሉትን ሁሉ ማእቀብ በሩሲያ ላይ ጥለዋል። የዶምባስ ግዛትን ነጻ የማውጣት የወሰነቸው ሩሲያ አሁንም በደቡብ እና ምሰራቃዊ ዩክሬን ጦርነት እያካሄደች ትገኛለች፡

አሜሪካ፤ ሩሲያ የዩክሬን ግዛቶች ለመጠቅለል መሰረት እየጣለች ነው አለች

በኔቶ የአሜሪካ ተልዕኮ “የሩስያን ቀጣይ እርምጃ እናውቃለን” ብሏል

አሜሪካ፤ ሩሲያ የዩክሬን ግዛቶችን በጉልበት የመጠቅለል እቅዷን ከቀጠለችበት ፈጣን ምላሽ እንወስዳለን ስትልም ዝታለች

ሩሲያ የዩክሬንን ሉዓላዊነት በቀጥታ በመጣስ ግዛቶችን የምትቆጣጠረው በስሯ ያሉ ግዛቶችን ለመጠቅለል የሚያስችላት መሰረት ለመጣል መሆኑን በሰሜን አትላንቲክ ጦር ቃል ኪዳን ድርጅት (ኔቶ) የአሜረካ ተልዕኮ ገለጸ፡፡

ተልዕኮው በትዊተር ገጹ ላይ ባጋራው ጽሁፉ “የሩስያን ቀጣይ እርምጃ እናውቃለን”ም ብሏል ፡፡

ሩሲያ የዩክሬን ግዛቶች በጉልበት የመጠቅለል እቅዷን ከቀጠለችበት ከአጋሮቻችን ጋር በመሆን በፍጥነት እና በከፍተኛ ሁኔታ ምላሽ እንሰጣለን ሲል ተልዕኮው ዝቷል፡፡

ሩሲያ በዩክሬን ምድር እየሄደችበት ያለው ግዛቶችን የመጠቅለል ወታደራዊ እርምጃ ያሰጋውና አሜሪካና አጋሮቿን በአባልነት ያቀፈው ኔቶ የጦሩን ቁጥር ለማሳደግ እየሰራ መሆኑ በድርጅቱ ዋና ጸሃፊ ጄንስ ስቶልተንበርግ አማካኝነት በቅርቡ መግለጹ አይዘነጋም፡፡

ዋና ጸሃፊው “የኔቶን ኃይል እናጠናክረዋለን እንዲሁም የከፍተኛ ዝግጁነት ሀይላችንን ቁጥር ከ 40 ሺህ ወደ 300 ሺህ እናሳድጋለን” ነበር ያሉት፡፡

ሩሲያ በበኩሏ አሜሪካም ሆነ ኔቶ አጋሮቿ በዚህ ጉዳይ ላይ እጃቸው ካስገቡና ወደ እንደ ክሪሚያ ወደ መሳሰሉ ግዛቶች ከተጠጉ ሶስተኛው የዓለም ጦርነት ይጀመራል ስትል ማስጠንቀቋ የሚታወስ ነው፡፡

የቀድሞው የሩሲያ ፕሬዝዳንት ድሚትሪ ሜድቬዴቭ በቅርቡ እንደተናገሩት ኔቶ ወደ ክሪሚያ የሚያደርገው ማንኛውም እንቅስቃሴ “ሶስተኛውን የዓለም ጦርነት የሚያስነሳ ነው”ም ብለው ነበር፡፡ 

ቻይና የአውሮፓን ቴክኖሎጂ በመስረቅና ሩሲያን ትደግፋለች ሲሉ ሱናክ ከሰዋል

የብሪታንያ እጩ ጠቅላይ ሚንስትር ቻይናን በጠላትነት ፈረጁ።

የብሪታንያ ጠቅላይ ሚንስትር ቦሪስ ጆንሰን ከፓርቲያቸው እና ከስራ ባልደረቦቻቸው በደረሰባቸው ጫና ስልጣን እለቃለሁ ማለታቸው ይታወሳል።

ይሄንን ተከትሎም ቦሪስ ጆንሰንን ለመተካት 11 እጩዎች ቀርበው በመጨረሻም የህንድ ዝርያ ያላቸው ሪሺ ሱናክ እና ሊዝ ትሩስ የመጨረሻው ምዕራፍ ላይ ደርሰዋል።

ቻይና የእስያ ሀገራት የዓለማችን ኃያላን መጠቀሚያ ከመሆን እንዲቆጠቡ አስጠነቀቀች
የብሪታንያ ፋይናንስ ሚንስትር የሆኑት እና አሁን ላይ ቦሪስ ጆንሰንን ለመተካት በመጨረሻ ትንቅንቅ ላይ የሚገኙት ሪሺ ሱናክ ምርጫውን አሸንፈው የብሪታንያ ጠቅላይ ሚንስትር ከሆኑ በቻይና ላይ ማዕቀቦችን እንደሚጥሉ ተናግረዋል።

ቻይና የአውሮፓን እና የብሪታንያ ቴክኖሎጂዎችን እየሰረቀች ነው የሚሉት እጩ ጠቅላይ ሚንስትሩ በስልጣን ዘመናቸው ቻይና ለፋብሪካዎቿ ከብሪታንያ የምትገዛቸው የቴክኖሎጂ ውጤቶች እንዳይደርሷት አደርጋለሁ ሲሉም ተናግረዋል።

እጩ ጠቅላይ ሚንስትሩ አክለውም ቻይና ዩክሬንን ከወረረችው ሩሲያ ነዳጅ በገፍ በመግዛት ድጋፍ እያደረገች እንደሆነም ገልጸዋል።ቻይና ከዚህ በፊት እጩ ጠቅላይ ሚንስትር ሪሺ ሱናክ ከሌሎች እጩዎች ጋር ሲነጻጸሩ የተሻሉ መሪ እንደሆኑ ተናግራ ነበር።

እጩ ጠቅላይ ሚንስትር ሱናክ በምርጫው ካሸነፉ በብሪቴን ያሉ ከ30 በላይ የቻይና ባህል ማዕከላትን እንደሚዘጉም ዝተዋል።

ቻይና ከቴክኖሎጂ ወረራዎች ባለፈ በባህል እና ሌሎች ተያያዥ ዘርፎች ተጽዕኖ እየፈጠረች ነው የሚሉት ሱናክ ይህን በብሪታንያ ምድር እንዲከወን አልፈቅድም ሲሉም ተናግረዋል።

ቦሪስ ጆንሰንን የሚተኩት ጠቅላይ ሚንስትር በፈረንጆቹ መስከረም 5 ቀን 2022 የብሪታንያ ወግ አጥባቂ ፓርቲ ያሳውቃል ተብሏል።

የመካከለኛው ምስራቅ ሀገራት ወደ አውሮፓ የሚልኩት የነዳጅ መጠን በእጥፍ መጨመሩ ተገለጸ

ከመካከለኛው ምስራቅ ሀገራት ወደ አውሮፓ የሚላከው የድፍድፍ ነዳጅ መጠን ካሳለፍነው ጥር ወር ወዲህ በ90 በመቶ መጨመሩ ተገለፀ።

የነዳጅ ፍላጎቱ የጨመረው የሩሲያ ዩክሬን ጦርነትን ተከትሎ የአውሮፓ ሀገራት በሩሲያ ነዳጅ ላይ ማዕቀብ መጣላቸውን ተከትሎ ነው።

ብሉምበርግ ባወጣው ሪፖርት መሰረት ባሳለፍነው 20 ቀናት ብቻ 1 ሚሊየን በርሜል ነዳጅ ከሳዑዲ አረቢያ በግብጽ በኩል በሚያልፍ መስመር ወደ አውሮፓ የገባ ሲሆን፤ 1.2 ሚሊየን በርሜል ደግሞ በስዊዝ ካናል በኩል ወደ አውሮፓ ገብቷል።

የአሜሪካ ልዩ መልዕክተኛ ከህወሓት ጋር ስለሚደረገው ድርድርና ስለ ህዳሴ ግድብ ለመነገጋገር ወደ ኢትዮጵያ ይመጣሉ

ማይክ ሀመር በአዲስ አበባ ቆይታቸው የአፍሪካ ህብረት ጋርም የሚመክሩ ይሆናል

ልዩ መልእከተኛው ከኢትዮጵያ በተጨማሪ ወደ ግብጽና እና አረብ ኢሚሬትስ ያቀናሉ

የአሜሪካ የአፍሪካ ቀንድ ልዩ መልዕክተኛ ማይክ ሀመር በዛሬው እለት አዲስ አበባ ይገባሉ።

ማይክ ሀመር በኢትዮጵያ በሚኖራቸው ቆይታ በኢትዮጵያ መንግስት እና በህወሓት መካከል ይደረጋል የተባለውን የሰላም ድርድር ለማፋጠን የሚደረገውን ጥረት የመገምገም ዕድል እንደሚኖራቸውም ነው የተገለጸው።

የአሜሪካ የውጭ ጉዳይ ሚኒስቴር ትናንት ማምሻውን ባወጣው መገልጫ፤ የሰብዓዊ እርዳታ አቅርቦት ያለበትን ሁኔታ መገምገም እንዲሁም በጦርነቱ የሰብዓዊ መብት ጥሰት የፈጸሙ አካላት ተጠያቂ ማድረግን የተመከቱ ጉዳዮች ማይክ ሀመር በኢትዮጵያ ቆይታቸው ከሚመክሩባቸው አንኳር ጉዳዮች መሆናቸውን ጠቅሷል።

ልዩ መልዕክተኛው ከጦርነቱ በተጨማሪ ስለ ታላቁ ህዳሴ ግድብም ይነጋገራሉ ተብሏል።

ከታላቁ የኢትዮጵያ ህዳሴ ግድብ ጋር በተያያዘ ኢትዮጵያ፣ ግብጽ እና ሱዳን በሚወዛገቡበት ጉዳይ ላይ ዲፕሎማሲያዊ መፍትሔ ለማምጣት የአሜሪካ ድጋፍ እንደሚያደርጉ መግለጫው የጠቀሰ ሲሆን ይህም የሁሉንም አካላት ፍላጎት በሚያረካ መልኩ ነው ተብሏል።

ማይክ ሀመር በአዲስ አበባ ቆይታቸው የሶስትዮሹን ድርድር ሲመራ ከነበረው የአፍሪካ ህብረት ጋርም የሚመክሩ ይሆናል።

ከኢትዮጵያ በተጨማሪ ወደ ግብጽ እና የተባበሩት አረብ ኤምሬትስ እንደሚያቀኑም ነው የተገለጸው።

ዴቪድ ሳተርፊልድን በመተካት በአፍሪካ ቀንድ አዲስ ልዩ መልዕክተኛ ሆነው የተሾሙት ማይክ ሀመር ወደ ኢትዮጵያ ጉዞ ሲያደርጉ ለሁለተኛ ጊዜ ነው።

የውጭ ጉዳይ ሚኒስቴር መግለጫ “አሜሪካ በኢትዮጵያ ውስጥ ለሁሉም ህዝቦች ዘላቂ ሰላም፣ ደህንነት እና ብልጽግና ለማምጣት ያስችል ዘንድ ሁሉን አቀፍ የፖለቲካ ሂደትን መደገፍ እና ዲፕሎማሲያዊ ጥረቶችን ለማራመድ ቁርጠኛ ነች” ነች ብሏል፡፡

በሰሜን ኢትዮጵያ የተከሰተው ግጭት የተለያዩ አሳዛኝ ክስተቶች እያስተናገደና የዓለም አቀፉ ማህበረሰብ ዋና አጀንዳ ሆኖ ቆይቷል።አሁን ላይ የጦርነቱ ተዋናዮች ማለትም የፌዴራል መንግስት እና ህወሐት ወደ የድርድር ሃሳብ መምጣታቸው የሚታወቅ ነው።

በፌዴራል መንግስት እና ህወሐት መካከል ያለውን ቀውስ በሰለማዊ መንገድ የሚፈታበት መንገድ ካለ፤ አሳዘኝ ውድመት ያስከተለውንና በርካቶችን ለሞትና እንግልት የዳራገውን ጦርነት በድርድር ለመፍታት ዝግጁ መሆናቸውን ገልጸዋል።

ከሰሞኑ የህወሐት ተደራዳሪ ቡዱን ማዋቀሩን በቃል አቀባዩ ጌታቸው ረዳ በኩል ያስታወቀው ህወሐት በኬንያ መንግስት አሸማጋይነት በናይሮቢ የሚደረግ የሰላም ንግግር ካለ በድርድሩ የሚሳተፍ ከፍተኛ የልዑካን ቡድን ለመላክ መዘጋጀቱን አስታውቋል።

የፌዴራል መንግስት በበኩሉ የሀገር ብሄራዊ ጥቅምን ባስጠበቀ መልኩ በአፍሪካ ህብረት ጥላ ስር በሚካሄድ ድርድር ለመነጋገር ዝግጁ መሆኑና ስራ መጀመንሩ፤ በጠቅላይ ሚኒሰትር ዐቢይ እንዲሁም በሌሎች ባለስልጣናት አማካኝነት ሲገልጽ ቆይቷል።

ሁለቱ አካላት ለሰላም ድርድሩ ያላቸውን ፍላጎት ቢገልጹም ውይይቱ መቼ ይጀመር፣ የትስ ቦታ ነው በሚለው ላይ በግልጽ የተባለ ነገር የለም።

የሩሲያው ጋዝፕሮም ከኢራን ጋር የ40 ቢሊዮን ዶላር ንግድ ስምምነት ፈጸመ
በስምምነቱት መሰረት ጋዝፕሮም ኢራን በቀን 100 ሚሊዮን ኪዩቢክ ሜትር ጋዝ ማምረት የሚያስችላትን መሰረተ ልማት ይዘረጋል ተብሏል
የሩሲያ፣ ተርኪዬ እና ኢራን ፕሬዝዳንቶች በቴህራን እየተወያዩ ነው

የሩሲያው ጋዝፕሮም ከኢራን ጋር የ40 ቢሊዮን ዶላር ንግድ ስምምነት ተፈራረመ።

የሩሲያ ፕሬዝዳንት ቭላድሚር ፑቲን በኢራን ጉብኝት በማድረግ ላይ ናቸው።የፕሬዝዳንቱን ጉብኝት ተከትሎ ሁለቱ ሀገራት የንግድ እና ኢንቨስትመንት ስምምነቶችን ፈጽመዋል ተብሏል።

የሩሲያው ጋዝፕሮም የነዳጅ ኩባንያ ከኢራን አቻው ጋር የ40 ቢሊዮን ዶላር ስምምነት ተፈራርሟል ሲል አርቲ ዘግቧል።

ስምምነቱ ኢራን በሰሜናዊ የሀገሪቱ አካባቢ በቀን 100 ሚሊዮን ኪዩቢክ ሜትር ተጨማሪ ነዳጅ እንድታመርት የሚያስችል መሰረተ ልማት ጋዝፕሮም ኩባንያ ይፈጽማል ተብሏል።

ቴህራን የሩሲያ፣ ተርኪዬ እና ኢራን የሶስትዮሽ ውይይት መድረክን በማስተናገድ ላይ ስትሆን የሶስቱም ሀገራት መሪዎች በመድረኩ ላይ ተገኝተዋል።

የሶስቱ ሀገራት መሪዎች ላለፉት በርካታ ዓመታት በእርስ በርስ ጦርነት ውስጥ ላለችው ሶሪያ የተሻለ መፍትሄ መፈለግ በሚቻልበት ዙሪያ ይወያያሉ ተብሏል።

ከዚህ በተጨማሪም የሶስቱ ሀገራት መሪዎች በተናጠል ዲፕሎማሲያዊ እና በአካባቢያዊ አጀንዳዎች ዙሪያ እንደሚወያዩ ተገልጿል።

ዩክሬን የሰሜን አትላንቲክ ቃል ኪዳን ጦር ወይም ኔቶን እቀላቀላለሁ ማለቷን ተከትሎ ሩሲያ ጦሯን ወደ ዩክሬን የላከች ሲሆን ጦርነቱ ከተጀመረ አምስት ወራት ሊሞላው ጥቂት ቀናት ብቻ ቀርቶታል።

በዚህ ጦርነት ምክንያትም ከአሜሪካ እና ምዕራባውያን ሀገራት ከስድስት ሺህ በላይ ማዕቀቦች የተጣሉባት ሩሲያ የእስያ እና መካከለኛው ምስራቅ ሀገራት ጋር አዳዲስ የንግድ ስምምነቶችን በማድረግ ላይ ትገኛለች።

ኢራን፣ ህንድ፣ ቻይና እና በተለያዩ አህጉራት የሚገኙ ሌሎች ሀገራት ደግሞ ከሩሲያ ጋር አዲስ የንግድ ስምምነቶችን በመፈጸም ላይ ናቸው።

አምባሳደር ስለሺ በቀለ፤ ከአሜሪካ ልዩ መልዕክተኛ ጋር በድርድርና በአጎአ ዙሪያ መወያየታቸው ተገለፀ
ልዩ መልዕክተኛ በዚህ ሳምንት ወደ አፍሪካ ቀንድ አካባቢ እንደሚመጡ ይጠበቃል

በአሜሪካ የኢትዮጵያ አምባሳደር ስለሺ በቀለ በአፍሪካ ቀንድ ከአሜሪካ ልዩ መልዕክተኛ አምባሳደር ሚካኤል ሃመር ጋር መነጋገራቸውን የውጭ ጉዳይ ሚኒስቴር አስታወቀ።

አምባሳደር ስለሺ እና በኢትዮጵያ ዘላቂ ሰላም ለማምጣት በተጀመረው ጥረትና በሌሎች ጉዳዮች ዙሪያ ነው ውይይት ማድረጋቸው የተገለጸው።

አሜሪካ ማይክ ሀመርን በአፍሪካ ቀንድ ልዩ መልዕክተኛ አድርጋ ሾመች
ሁለቱ ዲፕሎማቶች ስለመንግስትና ህወሃት ድርድር፤ ስለሰብዓዊ ድጋፍ፣ ብሔራዊ ምክክር፣ የሕዳሴ ድርድር፣ አጉዋ እንዲሁም ኤአር 6600 እና S3199 መወያየታቸው ተገልጿል፡፡

አምባሳደር ስለሺ፤ የኢትዮጵያ መንግስት በሀገሪቱ ዘላቂ ሰላምና መረጋጋት እንዲመጣ ያልተቆጠበ ስራ እየሰራ መሆኑን ለዲፕሎማቱ መናገራቸው ተገልጿል፡፡

አሁን ላይ መንግስት በሀገሪቱ ሰላም ይመጣ ዘንድ የሥራ ሂደቶችን የጀመረ መሆኑን የገለጹት ዲፕሎማቱ፤ ይህንን ዕውን ለማድረግ ግን ሌኛው ወገንም ሊሰራ እንደሚገባ ነው ያነሱት።

በሌላኛው ወገን ያለው አካል ሰላም እንዲመጣ ቢሰራ መንግስት የጀመረው የሰላም ጥረት ዕውን እንደሚሆንም ነው የኢትዮጵያ ዲፕሎማት የገለጹት።

በአፍሪካ ቀንድ የአሜሪካ ልዩ መልዕክተኛ አምባሳደር ሚካኤል ሃመር በበኩላቸው የተጀመረው የሰላም ጥረት እንዲሳካ ሀገራቸው ድጋፍ እንደምታደርግ ገልጸዋል።

የአሜሪካ ዲፕሎማት ኢትዮጵያውያን ሰላም እንዲያገኙ ሀገራቸው ድጋፍ ለማድረግ መዘጋጀቷንም ለአምባሳደር ስለሺ ገልጸዋል ሲል የውጭ ጉዳይ ሚኒስቴር ገልጿል።

አምባሳደር ስለሺ መንግስት በግጭት እና በድርቅ ለተጎዱ ወገኖች የሰብዓዊ ድጋፍ የማድረሱ ስራ ያለእንቅፋት መቀጠሉን ማንሳታቸው ተገልጿል።

አሜሪካ የኢትዮጵያ መንግስት እየወሰዳቸው ላላቸው ጥረቶች አድናቆት እንዳለው መግለጹን የኢትዮጵያ መንግስት የውጭ ጉዳይ ሚኒስቴር ገልጿል።

የሕዳሴ ግድብን በሚመለከት ኢትዮጵያ የምትከተለው አቋም ሚዛናዊ መሆኑን የገለጹ ሲሆን አምባሳደር ሚካኤል ሃመር ደግሞ ሶስቱ ሀገሮች ሁሉንም ጠቃሚ የሚያደርግ መንገድ ላይ ይደርሳሉ የሚል ተስፋ እንዳላቸው ገልጸዋል።

አምባሳደር ስለሺ ኢትዮጵያ ከአግዋ ተጠቃሚነቷ የወጣችበት መንገድና ማዕቀብ ለመጣል የተዘጋጁት ኤአር 6600 እና S3199 ረቂቆችም ረጅም ጊዜ ላስቆጠረው የአዲስ አበባንና የዋሸንግተንን ግንኙነት የሚመጥን እንዳልሆነና መስተካከል እንዳለበት መጠየቃቸው ተገልጿል፡፡

“የሱዳን ሽግግር መንግስትን በኃይል መቀየር የአሜሪካን ድጋፍ ያሳጣል”- የአሜሪካ የአፍሪካ ቀንድ ልዩ መልዕክተኛ
የአሜሪካ ልዩ መልዕክተኛ በበኩላቸው ኢትዮጵያ ወደ አጉዋ ተጠቃሚነት እንዲትመለስ ቅድመ ሁኔታዎች መሟላታቸው ጠቃሚ መሆኑን መግለጻቸውን ነው የውጭ ጉዳይ ሚኒስቴር የገለጸው።

በአፍሪካ ቀንድ የአሜሪካ ልዩ መልዕክተኛ አምባሳደር ሚካኤል ሃመር በዚህ ሳምንት ወደ አፍሪካ ቀንድ አካባቢ እንደሚመጡ ይጠበቃል።

አውሮፓ ህብረት ሩሲያ የምግብ አቅርቦትን እንደ ‘ድብቅ ሚሳኤል’ እየተጠቀመችበት ነው የሚል ክስ ያቀርባል

የአውሮፓ ህብረት በዓለም አቀፍ የምግብ እና ማዳበሪያ ንግድ ላይ ያሉ ማነቆዎችን ለማቃለል በሞስኮ ባንኮች ላይ የጣለውን ማዕቀብ እንደሚያሻሽል አስታወቀ፡፡

ህብረቱ ማሻሻያወን ለማድረግ በሚያስችለው ረቂቅ ሰነድ ላይ በመምከረም ተሰምቷል፡፡

ህብረቱ በሩሲያ ባንኮች ላይ የወሰደውን እርምጃ ተከትሎ የዓለም የምግብ አቅርቦት ላይ ከፍተኛ ችግር መፈጠሩ አይዘነጋም፡፡

በተለይም ሩሲያ በጥቁር ባህር የሚገኙ ወደቦች ዝግ ማድረጓ፤ የምግብ እጥረቱ በተለይም እንደ አፍሪካ ባሉ ክፍለ አህጉራት ከፍተኛ ጫና መፍጠሩ የአፍሪካ ህብረትም ጭምር ሲገልጽ እንደነበር የሚታወስ ነው፡፡

እናም ችግሩን ከግምት ያስገባው የአውሮፓ ህብረት በሩሲያ የገንዘብ ተቋማት ላይ በጣለው ማዕቀብ ላይ ማሻሻያ አደርጋለሁ ብሏል፡፡

አንድ የአወሮፓ ህብረት ለሮይተርስ እንደተናገሩት ከሆነ፤ ረቂቅ ሰነዱ ረቡዕ የሚጸድቅ ይሆናል፡፡

አውሮፓ ህብረት ሩሲያ የምግብ አቅርቦትን እንደ ‘ድብቅ ሚሳኤል’ እየተጠቀመችበት ነው የሚል ክስ ሲያቀርብ መቆየቱ ይታወሳል፡፡

የአውሮፓ ህብረት ምክር ቤት ፕሬዝዳንት ቻርለስ ሚሸል ከአንድ ወር በፊት በኒውዮርክ በነበረው የተባበሩት መንግስታት የጸጥታው ምክር ቤት ስብሰባ እንደተናገሩት፤ ሩሲያ የምግብ አቅርቦትን እንድ ድብቅ ሚሳዔል በመጠቀም በማደግ ላይ የሚገኙ ሀገራትን ለከፋ ድህነት እየዳረገች ነው ሲሉ ከሰዋል፡፡

ሚሸል “የሚያሳዝነው ሩሲያ የጀመረችው ጦርነት በመላው ዓለም እየተዛመተ መሆኑ ነው፤ የምግብ ዋጋ እጅጉን እንዲንር በማድረግ የዓለም ህዝቦች ለድህነት እንዲዳረጉና የተለያዩ ቀጠናዎች እንዲታመሱ እያደረገ ነው ፤ለዚህ ሁሉ ቀውስ ተጠያቂ ሩሲያ መሆኗ ሊታወቅ ይገባል” ነበር ያሉት፡፡

ሩሲያ ግን በተወካይዋ አማካኝነት “መሰረተ ቢስ” ስትል በወቅቱ ክሱን ውድቅ ማድረጓ ይታወቃል፡፡

እኛ የሙስሊም ሀገር ነን። ባህሎች እና ወጎች አሉን እናም እስልምና እነዚህን ድርጊቶች (የተመሳሳይ ፆታ ግንኙነትን) ይከለክላል ” – አል ሃማሚ
ኢራቅ የተመሳሳይ ፆታ ግንኙነት ወንጀል እንዲሆን እና ከፍተኛ የሆነ ቅጣት እንዲጣል እየሰራች መሆኗን አሳውቃለች።
የኢራቅ መንግስት የተመሳሳይ ፆታ ግንኙነት የሚከለክል ህግ ለማፅደቅ ማቀዱን አስታውቋል።

ኢራቅ በመካከለኛው ምስራቅ ከሚገኙ ሶስት ብዙ አረቦች ከሚኖሩበት ሀገር መካከል አንዷና የተመሳሳይ ፆታ ግንኙነትን #በግልፅ ወንጀል እንደሆነ ካላወጁ ሀገራት የምትጠቀስ ናት ፤ ሌሎቹ ጆርዳን እና ባህሬን ናቸው። ምንም እንኳን በግልፅ ወንጀል ነው ተብሎ ባይገለፅም ድርጊቱ በማህበረሰቡ ዘንድ እጅግ በጣም የተወገዘ ነው።
አሁን ያለው ሁኔታ ያላማራት ኢራቅ የተመሳሳይ ፆታ ግንኙነትን ወንጀል እንደሆነ በህግ ለመደንገግ እየሰራች ሲሆን ህጉ ከወጣ ኢራቅ ሌሎች ድርጊቱን በህግ ወንጀል እንደሆነ ካፀደቁ ሀገራት ተርታ ትሆናለች።
አብዛኛዎቹ የመካከለኛው ምስራቅ ሀገራት የተመሳሳይ ፆታ ግንኙነትን በቀጥታ በግልፅ የሚከለክሉ ሲሆን ከገንዘብ ቅጣት እስከ እስራት ፤ ሳውዲ አረቢያ ደግሞ #የሞት_ቅጣት ትቀጣለች።

በኢራቅ ፓርላማ የህግ ኮሚቴ ውስጥ ያሉት የፓርላማ አባል አሬፍ አል ሃማሚ ለDW በሰጡት ቃላቸው ፥ ” አዲሱ ህግ የተመሳሳይ ፆታ ግንኙነት ያላቸውን በወንጀል ተጠያቂ ያደርጋል ፤ በእነሱ ላይም ከባድ ቅጣት ይጥላል ” ብለዋል።

ህጉ እስካሁን ድምጽ ያልተሰጠበት ሲሆን ድምፅ እንዲሰጥበት እየተሰራ ነው። አል ሃማሚ ከሀገር ውስጥ እና ከዓለም አቀፍ #የሰብአዊ_መብት_ተሟጋች_ድርጅቶች ትችት ቢሰነዘርም ህጉ ይፀድቃል ብለው እንደሚያምኑ ተናግረዋል።

” እኛ የሙስሊም ሀገር ነን። ባህሎች እና ወጎች አሉን እናም እስልምና እነዚህን ድርጊቶች (የተመሳሳይ ፆታ ግንኙነትን) ይከለክላል ” ሲሉም ገልፀዋል።

የተመሳሳይ ፆታ ግንኙነት ያላቸውን ሰዎች እስከ ሞት ድረስ የምትቀጣድ ሳዑዲ አረቢያ ከወራት በፊት ድርጊቱን ያስተዋውቃል ያለችውን ምልክት ያለባቸውን ቁሳቁሶች ከየመደብሩ ስትሰበስብ እንደነበር ይታወሳል፤ በተጨማሪ ሁለት የምዕራባውያን የልጆች ፊልሞችን በሀገሯ እንዳይታዩ ማገዷም አይዘነጋም።

ስምምነቱ ነዳጅን ጨምሮ የኃይል አማራጮችን በዘላቂነትና በተመጣጣኝ ዋጋ ለማቅረብ የሚያስችል ነው

የተባበሩት አረብ ኤምሬትስና ፈረንሳይ በኢነርጂ ዘርፍ ሁሉን አቀፍ የስትራቴጂክ አጋርነት ስምምነት መፈራረማቸው ተገለፀ።

የፊርማ ስነ ስርዓቱ የአረብ ኤሚሬትስ ፕሬዝዳንት ሼክ ሞሃመድ ቢን ዛይድ አል ናህያን እና የፈረንሳይ ፕሬዝዳንት ኢማኑኤል ማክሮን በተገኙነት ነው የተካሄደው።

ሼክ መሀመድ ቢን ዛይድ በመጀመሪያ ይፋዊ የስራ ጉብኝታቸው ፈረንሳይን ለምን መረጡ?
በኃይል ዘርፍ የተደረሰው አጠቃላይ ስትራቴጂካዊ አጋርነት ስምምነት በአረብ ኤምሬትስ እና በፈረንሳይ መካከል የመጀመሪያ ሲሆን፤ በአረብ ኢሚሬትሱ ኤዲኖክ እና በፈረንሳዩ ቶታል ኢነርጂ መካከል ሁለተኛው የስትራቴጂክ አጋርነት ስምምነት ነው።

የመጀመሪያው ስትራቴጂካዊ አጋርነት በአረብ ኤምሬትስ በ2023 ለሚካሄደው 28ኛው የአየር ንብረት ጉባዔ (COP28) ስብሰባ ለመዘጋጀት ውጤታማ የአየር ንብረት ርምጃዎችን ለማስፋት ልምድ ለመለዋወጥ ሲሆን፤ በተጨማሪም የነዳጅን ጨምሮ ኃይል አቅርቦት ደህንነት ለማረጋገጥ እና በተመጣጣኝ ዋጋ ለማቅረብ የሚያስችል ነው።

በአረብ ኢሚሬትስ በኩል ስምምነቱን የፈረሙት ዶ/ር ሱልጣን አህመድ አል ጃበር ፤ “አረብ ኢምሬትስ እንደ አስተማማኝ የሃይል አቅራቢነቷ የኃይል አቅርቦት ደህንነትን ለማረጋገጥ የሚጠበቅባትን እንደመትሰራ አስታውቀዋል

ስምምነቱ አረብ ኤሚሬትስ ለአጋሯ ፈረንሳይ በኃይል ዘርፍ ቀጣይነት ያለው እና ደህንነቱ የተጠበቀ ኃይል በተመጣጣኝ ዋጋ ለማቅረብ የሚያስችል እንዲሁም የሁለቱን ወዳጅ ሀገራት ኢኮኖሚ እድገት እና ብልጽግናን የሚያግዝ ነው ብለዋል።

ፈረንሳይ እና አረብ ኢሚሬትስ በኢነርጂ ልማት ዘርፍ ረጅም ጊዜ ያስቆጠረ ትብብር የነበራቸው ሲሆን የፈረንሳዩ ቶታል ኢነርጂ በአውሮፓውያኑ ከ1939 ጀምሮ በአቡዳቢ በነዳጅ እና ጋዝ ልማት ዘርፍ ተሰማርቶ እየሰራ ይገኛል።

አረብ ኢምሬትስ ካራካል የተሰኘ የኤርባስ ስሪት ሂልኮፕተሮችን ተረከበች
ከዚህ በተጨማሪም ሁለቱ ሀገራት የተለያዩ የንግድ ግንኙነቶችን ያላቸው ሲሆን፤ በፈረንጆቹ 2020 ብቻ የፈረንሳይ 3.1 ቢሊዮን ዩሮ ዋጋ ያለው ምርት ወደ አረብ ኤሚሬትስ ልካለች፤ በአንጻ ከአረብ ኢሚሬትስ 750 ሚሊዮን ዩሮ ግምት ያለው ምርት ወደ ሀገሯ አስገብታለች።

አረብ ኢሚሬትስ በመካከለኛው ምስራቅ ከሚገኙ ሀገራት ውስጥ በርካታ ቁጥር ያላቸው የፈረንሳይ ኩባንያዎችን ተቀብላ እያስተናገደች ሲሆን፤ በሀገሪቱ የሚገኝ 600 ኩባያዎች ከ30 ሺህ በላይ ሰራተኞችን መቅጠራቸው እና የሚቀጥሩት የሰው ሀይል መጠንም በየአመቱ በ10 በመቶ እድገት እንዳለው መረጃዎች ይጠቁማሉ

ሩሲያ በጎግል ኩባንያ ላይ የ366 ሚሊዮን ዶላር ቅጣት አስተላለፈች ሩሲያ ከዚህ በፊት 98 ቢሊዮን ዶላር እንዲከፍል መወሰኗ ይታወሳል

ሩሲያ ውሳኔውን በጎግል ላይ የወሰነችው ከዩክሬን ጋር በተያያዘ ከ 7 ሺህ በላይ ያልተገባ ምስል አሰራጭቷል በሚል ነው

ዩክሬን የሰሜን አትላንቲክ ቃል ኪዳን ጦር ወይም ኔቶን እቀላቀላለሁ ማለቷን ተከትሎ ነበር ከሩሲያ ጋር ወደ ይፋዊ ጦርነት ያመሩት።

ሩሲያ የአሜሪካዊያን ንብረት በሆነው ጎግል ኩባንያ ላይ 366 ሚሊዮን ዶላር እንዲከፍል ወስናለች።

በሞስኮ የሚገኘው ታጋንስኪ ግዛት ፍርድ ቤት ጎግል ኩባንያ ከዩክሬን ጦርነት ጋር በተያያዘ ሀሰተኛ ምስሎችን አሰራጭቷል በሚል የቅጣት ውሳኔ ማስተላለፉን አርቲ ዘግቧል።

ዘገባው አክሎም ጎግል ኩባንያ ስለ ዩክሬን ጦርነት ከሰባት ሺህ በላይ ሀሰተኛ ምስሎችን አስራጭቷል ብሏል።

ሩሲያ ሀሰተኛ ምስሎችን ማስተላለፍ በህግ የደነገገች ሲሆን ጎግል ኩባንያ ቅጣቱ የተላለፈበት ሀሰተኛ ምስል በማስተላለፍ እና ያስተላለፋቸውን ምስሎች ከድህረ ገጹ ላይ ለማጥፋት ፈቃደኛ ባለመሆኑ እንደሆነ ተጠቅሷል።

ሩሲያ ባሳለፍነው ታህሳስ ወር ላይ ይሄው ጎግል ኩባንያ ሆን ብሎ ሀሰተኛ ምስሎችን አሰራጭቷል በሚል 98 ቢሊዮን ዶላር እንዲከፍል ውሳኔ ማስተላለፏ ይታወሳል።

የሩሲያ ዩክሬን ጦርነትን ተከትሎም በሁለቱ ሀገራት እና በተቀረው ዓለም ላይ በርካታ ለውጦች የተመዘገቡ ሲሆን ከ15 ሚሊዮን በላይ ዩክሬናዊያን ከቤት ንብረታቸው ተፈናቅለዋል።

ይህ በዚህ እንዳለም የዓለም ምግብ እና ነዳጅ ዋጋ በእጅጉ አሻቅቧል።

በጦርነቱ ምክንያት በተከሰተው የዋጋ ግሽበት ምክንያትም በበርካታ ሀገራት ኑሮ ተወደደብን በሚል መንግስታት የኢኮኖሚ ማሻሻያዎች እንዲደርጉ በሰላማዊ ሰልፍ በመጠየቅ ላይ ናቸው።

አምስት ወራት የሆነው ይህ የሩሲያ እና ዩክሬን ጦርነት አሁንም የቀጠለ ሲሆን አሜሪካንን ጨምሮ ሌሎች የምዕራባዊያን ሀገራት ዩክሬንን በጦር መሳሪያ እና ሌሎች ወታደራዊ ድጋፎችን በመስጠት ላይ ናቸው።

ፕሬዝዳንት ፑቲን ከዩክሬን ጦርነት በኋላ ከቀድሞ ሶቬት ሀገራት ውጭ ባደረጉት የመጀመሪያ ጉዞ ኢራንን ጎበኙ

ፑቲን ከቱርኩ ፕሬዝደንት ኦርዶጋን ጋርም በኢራን ይመክሯሉ
ከኢራን ጋር “በአብዛኛዎቹ ጉዳዮች አቋማችን ተቀራራቢ ወይም ተመሳሳይ ነው” ብለዋል የፑቲን የውጭ ፖሊሲ አማካሪ

ፕሬዝዳንት ፑቲን ከዩክሬን ጦርነት በኋላ ከቀድሞ የሶቬት ሀገራት ውጭ ለመጀመሪያ ጊዜ ኢራንን በመጎብኘት የኢራኑን ጠቅላይ መሪ አያቶላህ አሊ ካሚኒን አግኝተዋል፡፡

ፑቲን ፊታቸውን ወደ ህንድ፣ ኢራን እና ቻይና በማዞር የምእራባውያን ሀገራት ሩሲያን በኢኮኖሚ የማሽመድመድ እቅድ ላይ ጥላ ማጥላቱን ሮይተርስ ዘግቧል፡፡ ሩሲያ በዩክሬን “ልዩ ወታደራዊ ዘመቻ” መጀመሯን ተከትሎ ይህን የሚቃወሙት ምእራባውያን ሀገራት በታሪክ ከባድ ነው የተባለውን ማእቀብ በሩሲያ ላይ ጥለዋል፤ እየጣሉም ነው፡፡

የአሜሪካው ፕሬዝደንት ጆ ባይደን የመካከለኛው ምስራቅ ጉብኝታቸው በሳኡዲ አረቢያ ካጠናቀቁ ሶስት ቀን በኋላ የሩሲያው ፕሬዝደንት ፑቲን ከኢራኑ ጠቅላይ መሪ እና በፈረንጆቹ በ1989 ወደ ስልጣን ከመጡት አሊ ካሚኒ ጋር ለመወያየት ኢራን ደርሰዋል፡፡

“ከካሜኔ ጋር ያለው ግንኙነት በጣም አስፈላጊ ነው” ሲሉ የፑቲን የውጭ ፖሊሲ አማካሪ ዩሪ ኡሻኮቭ በሞስኮ ለጋዜጠኞች ተናግረዋል፡፡ “በሁለትዮሽ እና በአለምአቀፍ አጀንዳዎች ላይ በጣም አስፈላጊ በሆኑ ጉዳዮች ላይ እምነት የሚጣልበት ውይይት በመካከላቸው ተፈጥሯል” ብለዋል አማካሪው፡፡

ከኢራን ጋር “በአብዛኛዎቹ ጉዳዮች አቋማችን ተቀራራቢ ወይም ተመሳሳይ ነው።” ብለዋል የፑቲን የውጭ ፖሊሲ አማካሪ

የፑቲን የኢራን ጉብኝት ከቱርክ ጣይብ ኤርዶጋን ጋር የሚገጣጠም ሲሆን ሁለቱ መሪዎች ቴህራን ላይ በመገናኘት የዩክሬን የጥቁር ባህር እህል ወደ ውጭ መላክን ለማስቀጠል ያለመ ስምምነት ያደርጋሉ ተብሎ ይጠበቃል፡፡

ቱርክ በሰሜን ሶሪያ ወታደራዊ ዘመቻ የመክፈት እቅድ አላት፤ ነገርግን ሩሲያ ይህን ትቃወማለች፡፡ ሁለቱ መሪዎች በዚህ ጉዳይም ይመክራሉ ተብሏል፡፡

ሩሲያ እና ኢራን ምእራባውያን ሀገራት የሶሪያ የእርስበእርስ ጦርነት ከተጀመረ ከፈረንጆቹ 2011 ጀምሮ ከስልጣን እንዲወገድ የሚፈልጉት የሶሪያ መሪ በሽር አላሳድን ይደግፋሉ፡፡

ፕሬዝዳንት ቭላድሚር ፑቲን የምዕራባውያንን ማዕቀብና የሀገራቸውን ዕድገት እንደሚያደናቅፍ ተናገሩ

የሩሲያ የቴክኖሎጂ ልማት በምዕራባውያን ማዕቀብ እንደማይቆም የሀገሪቱ ፕሬዝዳንት አስታወቁ።

ፕሬዝዳንት ቭላድሚር ፑቲን ዛሬ ባደረጉት ንግግር የምዕራባውያንን ማዕቀብና የሀገራቸውን ዕድገት የተመለከቱ ጉዳዮችን አንስተዋል።

ፑቲን በንግግራቸውም የሞስኮ ኢኮኖሚያዊ እና ማህበራዊ ዕድገት እንደሚቀጥል አስታውቀዋል።

ፑቲን በሩሲያ ያለው የድህነት ሁኔታ እየቀነሰ እንደሆነም ነው በንግግራቸው ያነሱት። የሀገሪቱ የቴክኖሎጂ ዕድገት ምዕራባውያን ማዕቀብ ስለጣሉ እንደማጠይቆምም ነው የገለጹት።

ምንም እንኳን ምዕራባውያን ማዕቀብ ቢጥሉም የሞስኮ እድገት ግን ቀጣይነቱ አይቀሬ እንደሆነ ነው ያነሱት፡፡ የሩሲያ ማሕበራዊ እና ኢኮኖሚያዊ ዕድገት አሁን ባለው መልኩ እንደሚቀጥልም ፑቲን ተናግረዋል፡፡

ፕሬዝዳንቱ ዛሬ በስትራቴጂክ ልማት ጉባዔ ላይ ባደረጉት ንግግር ስለኮሮና ቫይረስ ማንሳታቸውም ተጠቅሷል፡፡ ምንም እንኳን ዓለም አቀፍ ጫና ቢኖርም ኮሮና ካስከተለው ችግር ለመውጣት ሀገራቸው ጥሩ ሁኔታ ላይ መሆኗን ጠቅሰዋል፡፡

አሁን ላይ በሩሲያ ያለው የድህነት ደረጃ እንጅ በከፍተኛ ሁኔታ መቀነሱንም ፕሬዝዳንቱ ጠቅሰዋል፡፡ ከዚህ ባለፈም በሀገሪቱ የሞት ምጣኔ መቀነስ ማሳየቱን ጠቅሰዋል፡፡

የሩሲያ መገናኛ ብዙሃን የሆነው ሩሲያ ቱዴይ እስካሁን ፕሬዝዳንቱ ተናገሯቸው ካላቸው ነጥቦች መካከል የዩክሬን ጉዳይ አልተገለጸም፡፡

ባለሙያዎች እንዳሉት በኢንዱስትሪዎች ላይ ያለው ማዕቀብ ከሶስት እስከ አምስት ዓመታት ባሉት ጊዜያት እንደሚቀለበስ ገልጸዋልም ተብሏል፡፡

በሶማሊያ የመንገደኞች አውሮፕላን በማረፍ ላይ እያለ ባጋጠመው አደጋ ተገለበጠ፡፡

ሰበር አውሮፕላኑ በሞቃዲሾ አውሮፕላን ማረፊያ እያረፈ ባለበት ነው የመገልበጥ አደጋ ያጋጠመው

በጎረቤት ሀገር ሶማሊያ አንድ የመንገደኞች አውሮፕላን የመገልበጥ አደጋ ማስተናገዱን ቢቢሲ ዘግቧል፡፡

አደጋው ያጠመው የሀገር ውስጥ መንገደኞችን በማጓጓዝ ላይ የነበረ አውሮፕላን ሲሆን 33 መንገደኞችን ከባይደዋ ወደ ሀገሪቱ መዲና ሞቃዲሾ በማጓጓዝ ላይ ነበር፡፡

ይህ የመንገደኞች አውሮፕላን በሞቃዲሾ አውሮፕላን ማረፊያ በማረፍ ላይ ሳለ ባጋጠመው ግጭት ምክንያት የተገለበጠ ሲሆን በሁሉም ተሳፋሪዎች ላይ ያጋጠመ የጎላ ጉዳት እንደሌለ የሶማሊያ ባለስልጣናት ተናግረዋል፡፡

አውሮፕላኑ ጁባ አየር መንገድ እንደሚባል የተገለጸ ሲሆን ስለ አውሮፕላኑ አደጋ መንስኤ እስካሁን ምንም የወጣ መረጃ የለም፡፡

በሶማሊያ የአውሮፕላን አደጋ የተለመደ ሲሆን፤ ወደ ሞቃዲሾ የሚበሩ የተለያዩ ሀገራት አውሮፕላኖች ተደጋጋሚ የመከስከስ አደጋዎች ያጋጥማሉ፡፡

የአልሻባብ የሽብር ጥቃት ባዳከማት ሶማሊያ የአውሮፕላን በረራ ተመራጭ የትራንስፖርት መንገድ ቢሆንም ተደጋጋሚ የአውሮፕላን አደጋዎች መከሰት ሌላኛው የተጓዦች ስጋት ሆኗል።

ከዚህ በፊት የኬንያ የግል የመንገደኞች እና የጭነት አውሮፕላኖች በተደጋጋሚ አደጋዎችን በሶማሊያ ያስተናገዱ ሲሆን ከጥቂት አየር መንገዶች በስተቀር በርካታ አየር መንገዶች ወደ ሶማሊያ የሚያደርጉትን በረራዎች አቋርጠዋል።

በሱዳን ብሉናይል ግዛት በተፈጠረ ግጭት ከ65 በላይ ሰዎች ተገደሉ፡፡

 በሱዳን ብሉናይል ተብሎ በሚጠራው ግዛት በበርቲ እና ሀውሳ ጎሳዎች መበካከል በተፈጠረ የጎሳ ግጭት የሞቱ ሰዎች ቁጥር ከ65 በላይ የደረሰ ሲሆን ከ200 በላይ ሰዎች ደግሞ መቁሰላቸውን ቢቢሲ ዘግቧል፡፡

ከሰዎች መጎዳት ባለፈም ከ16 በላይ የንግድ ሱቆች በዚሁ የጎሳ ግጭት ምክንያት ሲወድሙ ሌሎች መሰረተ ልማቶችም እንደወደሙ ተገልጿል፡፡

ብሉናይል ግዛት ከደቡብ ሱዳን ጋር በሚዋሰኑ አካባቢዎች ያለ የሀገሪቱ ክፍል ሲሆን ከዚህ በፊት መሰል አደጋዎች ይከሰቱበታል፡፡

በደቡብ ሱዳንም ተመሳሳይ የጎሳ ግጭት ተከስቶ 65 ሰዎች የሞቱ ሲሆን ከ150 በላይ ሰዎች ደግሞ ቆስለው ነበር፡፡

የሱዳን ጤና ሚኒስትር ጀማል ናስር ኤል ሳያድ እንዳሉት ባሳለፍነው ቅዳሜ በተከሰተው በዚህ አደጋ የተጎዱ ሰዎች አብዛኞቹ ወጣቶች መሆናቸውን ተናግረዋል፡፡

ግጭቱ አሁንም የቀጠለ ሲሆን ዛሬ ጠዋት ላይ በብሉ ናይል ግዛት መቀመጫ ዳማዚን ከተማ ላይ በተከሰተው እና በቀጠለው በዚሁ አደጋ ከ16 በላይ የንግድ መገበያያዎች መውደማቸው ተገልጿል፡፡

ግጭቱ አሁንም የቀጠለ ሲሆን የሟቾች እና ተጎጂዎች ቁጥር ሊያሻቅብ እንደሚችል የግዛቲቱ ባለስልጣናት የተናገሩ ሲሆን ተጨማሪ ወታደሮች እንዲገቡላቸው ጠይቀዋል፡፡

በአል ሩሳሪስ ሆስፒታል ያለው የህክምና ቁሳቁሶች እያለቁ መሆናቸውን የተናገሩት ባለስልጣናቱ በግጭቱ ቆስለው ወደ ህክምና ተቋማት የሚመጡ ሰዎች ቁጥር ደግሞ እየጨመረ መሆኑንም አክለዋል፡፡

የግዛቲት ባለስልጣናት በብሉ ናይል ዋና ዋና ከተሞች ለአንድ ወር የሚቆይ የሰዓት እላፊ ቢጥሉም በርካቶች አሁንም ግጭቱ ሊቀጥል እንደሚችል ስጋት እንዳላቸው ተገልጿል፡፡

የአረብ ኢሚሬትስ ፕሬዝዳንት የፈረንሳይ ይፋዊ የስራ ጉብኝታቸውን ጀመሩ
ፕሬዝዳንት ሼክ መሀመድ ቢን ዛይድ በፈረንሳይ ፕሬዝዳንት ኢማኑኤል ማክሮን አቀባበል ተደርጎላቸዋል
አረብ ኢሚሬትስና ፈረንሳይ በኢነርጂና በትራንስፖርት መስኮች እንደሚፈራራሙ ይጠበቃል

የአረብ ኢሚሬትስ ፕሬዝዳንት መሀመድ ቢን ዛይድ የፈረንሳይ ይፋዊ የስራ ጉብኝታቸውን በይፋ ጀምረዋል።

በትናንትናው ለት ምሽት ፈረንሳይ ፓሪስ የደረሱት
ፕሬዝዳንት ሼክ መሀመድ ቢን ዛይድ ዛሬ በፈረንሳዩ ፕሬዝዳንት ኢማኑዔል ማክሮን በኤሊሴ ቤተ መንግስት ይፋዊ አቀባበል ተደርጎላቸዋል።0
ፕሬዝዳንት ሼክ መሀመድ ቢን ዛይድ በኤሊሴ ቤተመንግስት ከፈረንሳይ አቻቸው ኢማኑኤል ማክሮን ጋር ተገናኝተው ጠቅላይ ሚኒስትሩን ጨምሮ ሌሎች የፈረንሳይ ባለስልጣናትን ያነጋግራ።

ሼህ መሀመድ ቢን ዛይድ አልነሃያን በፈረንሳይ ቆይታቸው በኢነርጅ እና በትራንስፖርት መስኮች እንደሚፈራራሙ ኤኤፍፒ ዘግቧል፡፡

የፈረንሳዩ ጉብኝት ፕሬዝዳንቱ ስልጣን ከያዙ በኋላ ያደረጉት የመጀመሪያ አለምአቀፍ ጉብኝት ነው፡፡

ባይደን በጉብኝታቸው ወቅት ኢራን ኒውከሌር እንዳይኖራት መስራት የሚለው ጉዳይ አንደኛው አጀንዳ ነበር

ኢራን አሜሪካ ፕሬዝዳንት ጆ ባይደን የመካከለኛው ምስራቅ ጉብኝት ወቅት ውጥረት ለመፍጠር የኢራን ፍራቻን ወይም ኢራኖፎቢያን ተጠቅማች ስትል ከሳለች፡፡

የኢራን የውጭ ጉዳይ ሚኒስቴር እሁድ እለት ፕሬዝዳንት ጆ ባይደን በመካከለኛው ምስራቅ ጉብኝታቸው ወቅት ያቀረቡትን ተከታታይ ውንጀላዎች ውድቅ ማድረጉን ሲጂቲኤን ዘግቧል፡፡ ኢራን አሜሪካ “ኢራኖፎቢያ”ን ቀጣናዊ ውጥረት ለመፍጠር ተጠቅማለች የሚል ክስ አቅርባለች፡፡

የኢራን የውጭ ጉዳይ ሚኒስቴር ቃል አቀባይ ናስር ካናኒ የባይደን ጉብኝት አስመልክቶ በሰጡት መግለጫ “አሜሪካ በድጋሚ በቀጠናው ውጥረት እና ቀውስ ለመፍጠር ፈልጋለች”፡፡

 ባይደን ወደ መካከለኛው ምስራቅ ባደረጉት ጉብኝት ኢራን በተግባሯ ቀጣናውን እንዳይረጋጋ እያደረገች ነው የሚል ክስ ሰንዝረዋል፤ አሜሪካ “ቴህራን የኒውክሌር ጦር መሳሪያ እንዳታገኝ” እንደሚያደርጉ፣ ተናግረዋል፡፡

በመግለጫው ላይ ካናኒ የአሜሪካ ፕሬዝዳንት መግለጫ መሠረተ ቢስ እና በቀጠናው ውስጥ ውጥረቶችን ከማስነሳት እና ከመፍጠር ፖሊሲ ጋር የተጣጣመ ነው ብለዋል ።

ቃል አቀባዩ አሜሪካ በክልሉ ሀገራት የውስጥ ጉዳይ ላይ በምታደርገው ተከታታይ ጣልቃ ገብነት፣ ተደጋጋሚ ወታደራዊ ወረራ እና ከፍተኛ የጦር መሳሪያ ሽያጭ በቀጣናው ውጥረት እና ቀውስ ለመፍጠር እየሞከረች ነው በማለት አውግዘዋል።

በመግለጫው ባለፉት አስርት አመታት የፍልስጤምን ህዝብ መብት ሲጣስ አሜሪካ ለእስራኤል የምታደርገውን “ጭፍን እና ያልተገደበ ድጋፍ” አውግዘዋል።

ካናኒ እንደተናገሩት ኢራን የኒውክሌር ቴክኖሎጅን አለምአቀፍ ህግን መሰረት ባደረገ መልኩ እንደምትጠቀም እና ማእቀቡ እንዲነሳ እንደምትጥር ገልጸዋል፡፡

ወደ ኒውክሌር መርሃ ግብሩ ስንመጣ ካናኒ የኢራንን የኒውክሌር ቴክኖሎጂን በሰላማዊ መንገድ የመጠቀም ስትራቴጂካዊ ፖሊሲ በአለምአቀፍ የህግ ማዕቀፍ ውስጥ ደግሟል እና ኢራን ማዕቀቡን ለማንሳት ድርድርዋን እንደምትቀጥል ተናግሯል።

ኢራን ለአካባቢው ፀጥታ፣ ሰላም፣ መረጋጋት እና ልማት ገንቢ ጥረቶችን ለማቅረብ ከአካባቢው ጎረቤቶች ጋር የሚደረገውን ውይይት እና ትብብር እንደምትቀበል በመግለጫው ተጠቅሷል።

የአሜሪካው ፕሬዝዳንት ከሰሞኑ እስራኤል እና ሳኡዲ አረቢያን ጨምሮ በመካከለኛው ምስራቅ ሀገራት ጉብኝት አድርገዋል፡፡ ባይደን በጉብኝታቸው ወቅት ኢራን ኒውከሌር እንዳይኖራት መስራት የሚለው ጉዳይ አንደኛው አጀንዳ ነበር፡፡

ሳዑዲ አረቢያ የነዳጅ ምርቷን በቀን ወደ 13 ሚሊዮን በርሜል ለማሳደግ መወሰኗን አስታወቀች

ትናንት በተካሄደው የገልፍ ሀገራት-አሜሪካ የልማትና ደህንነት ጉባዔ ላይ ትኩረት ከነበሩት ውስጥ አንዱ የነዳጅ ጉዳይ ነበር።

የሳዑዲ ልዑል አልጋ ወራሽ መሃመድ ቢን ሰልማን፤ “ዘላቂ ልማትን ለማምጣት የአየር ንብረት ለውጥ ተግዳሮቶች ያገናዘበ ሚዛናዊ አካሄድ መከተልን ይጠይቃል” ብለዋል።

ከነዳጅ ጋር ተያይዞ ሊያጋጥም የሚችል እጥረትን ለመቅረፍም ሳዑዲ አረቢያ የነዳጅ ምርቷን በቀን ወደ 13 ሚሊዮን በርሜል ለማሳደግ መወሰኗንም አስታውቀዋል።

የኢሚሬትስ ፕሬዝዳንት ለ1443 የሂጅራ ስኬት ለሳውዲ ንጉስ የደስታ መልእት አስተላልፈዋል

የተባበሩት አረብ ኤሚሬቶች ፕሬዝዳንት ሼክ መሃመድ ቢን ዛይድ ሀገራቸው በመካከለኛው ምስራቅ ቀጠና መረጋጋት ላይ ዋነኛ አጋር ሆና እንደምተጥል አረጋገጡ።

የገልፍ ሀገራት-አሜሪካ የልማትና ደህንነት ጉባዔ በዛሬው እለት በሳዑዲ አረቢያ ጄዳህ ተካሂዷል።

በጉባዔው ላይ የአሜሪካ ፕሬዝዳንት ጆ ባይደን፣ የሳዑዲ ልዑል አልጋ ወራሽ መሃመድ ቢን ሰልማን እና የአረብ ኢሚሬትስ ፕሬዝዳንት መሃመድ ቢን ዛይድን ጨምሮ ሌሎችም የገልፍ ሀገራት መሪዎች ተሳትፈዋል።

በመካከለኛው ምስራቅ ቀጠና ለሩሲያ፣ ለቻይናና ለኢራን ክፍተት አንሰጥም- ፕሬዝዳንት ባይደን
የተባበሩት አረብ ኤሚሬቶች ፕሬዝዳንት ሼክ መሃመድ ቢን በጉባዔው ላይ ንግግር ያደረጉት፤ ሀገራቸው በቀጠናው ሀገራት መካከል ያለውን ትብብር ለማሳደግ እንዲሁም አለም አቀፋዊ ሰላምና መረጋጋትን ለማስፈን እና የጋራ ችግሮችን ለመጋፈጥ ፍላጎት እንዳላት አረጋግጠዋል።

አረብ ኢሚሬትስ በአለም አቀፍ ግንኙነት ላይ የምትከተለው ፖሊሲ በሚዛናዊነት ላይ የተመሰረተ እና ከአለም ሀገራት ጋር የጋራ የጥቅም መሰረትን በማስፋት ለሀገራዊ ልማትና ሰላምና መረጋጋት ግቦችን ማስፈን መሆኑን አስረድተዋል።

ሼክ መሀመድ ቢን ዛይድ እንዳሉት “በቀጠናችንም ሆነ በአለም አቀፍ ደረጃ ያጋጠሙ ተግዳሮቶች ትልቅነት ለማንም የተሰወረ አይደለም” ያሉ ሲሆን፤ “እንዚህን ተግዳሮቶች ለመቋቋም እና የህዝቦቻችንን ምኞት ለማሳካት የጋራ ጥረቶችን ማጠናከር ይጠይቃል” ብለዋል።

የተባበሩት አረብ ኤሚሬቶች ፕሬዝዳንት አክለውም ለ1443 የሂጅራ ስኬት ለሳዑዲ አረቢያው ንጉስ ሳልማን ቢን አብዱላዚዝ አል ሳኡድ የደስታ መልእክት አስተላልፈዋል።

ጉባዔውን በንግግር የከፈቱት የሳዑዲ ልዑል አልጋ ወራሽ መሃመድ ቢን ሰልማን፤ “ይህ የመሪዎች ጉባኤ ሀገሮቻችንን ከአሜሪካ ጋር ያላቸውን ግንኙነት ለማጠናከር አዲስ ምዕራፍ እንደሚከፍት ተስፋ እናደርጋለን” ብለዋል።

“ዘላቂ ልማትን ለማምጣት የአየር ንብረት ለውጥ ተግዳሮቶች ያገናዘበ ሚዛናዊ አካሄድ መከተልን ይጠይቃል” ያሉት መሃመድ ቢን ሰልማን፤ የአየር ንብረት ለውጥ ተግዳሮቶች ለመቋቋም የካርበን ልቀተን መቀነስ ልቀትን መሰረት ያደረገ አሰራር መከተላቸውን አስታውቀዋል።

ፕሬዝዳንት ጆ ባይደን የመካከለኛው ምስራቅ የባለ ግዙፍ ኢኮኖሚ ባለቤቷ አገር ሳኡዲ አረቢያ ገብተዋል። ጆ ምናልባት በዘመነ አሜሪካ የስልጣን ጊዜያቸው ነዳጅ ልመና የመጡ መሪ ያደርጋቸዋል። በዩክሬን ጦርነት ጉዳይ ሳኡዲ ከአፍሪካ አገሮች ጋር ተመሳሳይ ያለው አቋም የያዘች አገር ናት። የራሳችንን ጥቅም መሰረት አድርገን የምንራመድ እንጅ የማንንም ይሉይታ የምንቀበል አይደለንም ያለች አገር ናት ሳኡዲ። ሳኡዲ እንደበፈቱ አይነት
ለነ አሜሪካ የምትጨነቅ አገር አይደለችም።

ኢትዮጵያዊነት የወለደው የታማኝነት እዳ
ለ40 አመት ትልቁን የመዲናን መስጊድ ሲጠብቁ የነበሩት ሸህ መሀመድ ሀቢብ አል አፋር መሞታቸውን የሳኡዲ መንግስት ዓሳውቋል።

በአረቡ አለም ውስጥ ኢትዮጵያዊነት
የታማኝነት እዳ ነው። በማንኛውም መንገድ ስማችን ሊጎድፍ ይችላል። በድህነታችን ላይ ሊሳለቁብን ይችላሉ። ሴት እህቶቻችን ለባርነት በመላካችን ሊንቁን ይችላሉ። በአንዳንድ አጥፊዎች ሊያሙን ይችላሉ። እነሱም የሚያምኑት አንድ የማይሸሸግ ነገር ግን አለን

ሙሉ ታሪካቸውን ሊንኩን ከፍታችሁ አንብቡ

ሱሌማን አብደላ

ሰሜን ኮሪያ በሩሲያ ለሚደገፉት ተገንጣይ ግዛቶች እውቅና ሰጠች

እርምጃው ለሁለቱ በሩሲያ ለሚደገፉ ተገንጣይ ግዛቶች ማለትም ለዶንቴስክን እና ለሉሃንስክ ግዛቶች የሀገርነት እውቅና በመስጠት ከሩሲያ እና ሶሪያ ቀጥሎ ሰሜን ኮሪያን 3ኛ ሀገር ያደርጋታል፡፡

ጆ-ባይደን የእስራኤል እና የፍልስጤም ግጭትን የማርገብ ጉዳይ ላይ ቅድሚያ ሰጥተው እንደሚሰሩ ተናገሩ

የአሜሪካው ፕሬዝዳንት ጆ-ባይደን የእስራኤል ጉብኝታቸውን ዛሬ ጀምረዋል።

ጆ ባይደን በአውሮፕላን ማረፊያ በተሰናዳው መድረክ ባደረጉት ንግግር “በእኔ እይታ አዲስ ባይሆንም የእስራኤላውያንም ሆነ የፍልጤማውያን የእኩልነት ነፃነት፣ ብልጽግና እና ዲሞክራሲ የወደፊት እጣ ፈንታ ለማረጋገጥ በሚጠቅመው ጉዳይ ላይ እንወያያለን” ብለዋል።

ምዕራባውያን ስጋት የሆኑት ሩሲያ እና ኢራን

ኢራን ለሩሲያ ድሮኖችን ለመስጠት እቅድ አላት ስትል አሜሪካ አስጠነቀቀች

ኢራን በጦርነት ላይ ላለችው ሩሲያ ሰው አልባ የጦር አውሮፕላኖችን (ድሮን) ልትሰጥ ነው ሲሉ አንድ ከፍተኛ የአሜሪካ ባለስልጣን አስጠነቀቁ።

ኢራን ሩሲያ በዩክሬን ምድር ለምታደርገው ወታደራዊ ዘመቻ ድጋፏን ለሩሲያ ስትሰጥ ቆይታለች ያሉት ባለስልጣኑ አሁን ላይ በመቶዎች የሚቆጠሩ ሰው አልባ አውሮፕላኖች (ድሮኖች) ለሩሲያ ልትሰጥ መሆኗን ደርሰንበታልም ብለዋል።
የKe alemi zuriya-ቤተሰብ ይሁኑ

👉የke alemi zuriya ሌሎች አድራሻዎች
instag:https://instagram.com/kealemizuriya
twitter:https://twitter.com/KeAlemiZuriya
YouTube:https://bit.ly/kealemizuriya
Telegram:https://t.me/KeAlemiZuriya
website:https://kealemizuriya.data.blog/
ቤተሰብ ስለሆኑ እናመሰግናለን

https://youtu.be/f-JpfvCn7DY

ፑቲን ኢራንን ሊጎበኙ ነው

የሩሲያ ፕሬዝዳንት ቭላድሚር ፑቲን ኢራንን ሊጎበኙ ነው።
ፑቲን ቴህራንን የሚጎበኙት በቀጣይ ሳምንት እንደሆነ የኢራን ፓርላማ የኢኮኖሚ ጉዳዮች ቋሚ ኮሚቴ ሰብሳቢ ተናግረዋል።

የKe alemi zuriya-ቤተሰብ ይሁኑ
👉የke alemi zuriya ሌሎች አድራሻዎች
instag:https://instagram.com/kealemizuriya
twitter:https://twitter.com/KeAlemiZuriya
YouTube:https://bit.ly/kealemizuriya
Telegram:https://t.me/KeAlemiZuriya
website:https://kealemizuriya.data.blog/
  ቤተሰብ ስለሆኑ እናመሰግናለን

ፕሬዝዳንት ባይደን በሳኡዲ አረቢያ የጉብኝት እቅዳቸው ላይ የተነሳውን ትችት ተከላከሉ

የአሜሪካው ፕሬዝደንት ጆ ባይደን በሳኡዲ አረቢያ የጉዞ እቅዳቸው ላይ የተነሳውን ትችት ተከላክለዋል፤ በሳኡዲ ቆይታቸው የመብት ጉዳይ አጀንዳ እንደሚሆንም ተናግረዋል።

ንጉስ ሳለማን በፈረንጆቹ 2018 ከተገደለው የዋሽንግቸን ፖስቱ ጋዜጠኛ ጀማል ካሾግጂ ግድያ አሉበት ተብሎ ይታመናል።

የአለማችንን ልዕል ሀያል ወንዝ ይዞ በጓሮ አትክልት መብሸቅ እራስን ማሳነስ ነው።
.
ባለፈው ሳምንት በሳኡዲ የሪያድ አምባሳደር ሌንጮ ባቲና አብረዋቸው ያሉ ዲፕሎማቶች ከሳኡዲ የውጭ
ኢንቨስትመንት ክፍል አመራሮች ጋር ኢትዮጵያ ውስጥ ያሉትን የኢንቨስትመንት አማራጮች በተመለከተ ምክክር አድርገው ነበር። ታዲያ እኒህ የሳኡዲ ባለስልጣናት እናተኮ አላወቃችሁበትም እንጅ አላህ
ሁሉንም ነገር አሟልቶ ሰቷችሁ ነበር፣ በቀላሉ የከብት መኖ ብቻ በመሸጥ ሀብታ ትሆናለችሁ ሌላውን ተውትና ግን አላወቃችሁበትም አሉ።
.
ኢትዮጵያ ስትባል መናጢ ደሀ ችጋራም ምንም የለሌላት ምድረ በዳ የምትመስለው ብዙ ኢትዮጵያዊ አለ። አገራቸውን በመሳደብ የተጠመዱም ፖለቲከኞች አሉ። ውጩ አለም ግን ምነው የኛ ሆና በሆን እያለ እንዲህ ይጎመጃል። ታዲያ ይህ ስሜት ያላደረበት የአገሬ ፖለቲከኛ አሁንም ድረስ የኢትዮጵያን ገናናነት ከማሰብ ይልቅ ሰፈሬ ትቅደም እያለ ይዘምራል። ባህር አቋርጦ፣ አህጉር የነቀነቀው ቼ ጉቬራ በተወለደባት አለም አፍሪካ ውስጥ ግን
እንዲህ አይነት ፖለቲከኛ ተወልዷል

ቱርክዬ በሽብር የተከሰሱ ኩርዶች ተላልፈው እንዲሰጧት ለስዊድን ያቀረበችው ጥያቄ ውድቅ ሆነ

አንካራ 70 የኩርድ ታጣቂዎችን እንድትሰጣት ስዊድንን ብትጠይቅም ተቀባይነት አለማግኘቷ ተገልጿል፡፡
ሆኖም ስዊድን እና ፊንላንድ የአንካራን ጥያቄዎች የማያሟሉ ከሆነ የኔቶ አባልነታቸው ጥያቄ ውስጥ እንደሚገባ ፕሬዝዳንት ኤርዶጋን አስጠንቅቀዋል፡፡
ስዊድን እና ፊንላንድ የኔቶ አባል ለመሆን ተፈራርመዋል፡፡ አባልነታቸውን ተቃውማ የነበረችው ቱርክዬም የኋላ ኋላ ጥያቄያቸውን ተቀብላለች፡፡
አሁን ግን ጥያቄዎቿ ካልተሟሉ ወደ ድጋፏን ልታነሳ እንደምትችል ነው አንካራ የዛተችው፡፡