መንግስት “ሌብነት” ለመዋጋት በሀገራዊ ኮሚቴ ጥናት እያደረገ መሆኑን አስታውቋል

ጠቅላይ ሚንስትር ዐቢይ ስለ ሰላም ስምምነቱ “ምን እንደሚመጣ ከወዲሁ መናገር አይቻልም” ብለዋል

የኢትዮጵያ ርዕሰ ብሄር ፕሬዝዳንት ሳህለ-ወርቅ ዘውዴ መስከረም 30፤ 2015 ዓ.ም በሁለቱ ም/ቤቶች መክፈቻ የመንግስትን የትኩረት አቅጣጫ አሳውቀዋል።

በዚህ የመንግስት የትኩረት አቅጣጫና በወቅታዊ ጉዳዮች ላይ ማብራሪያ ለመስጠት በህዝብ ተወካዮች ምክር ቤት የተገኙት ጠቅላይ ሚንስትር ዐቢይ አህመድ ከሀገሪቱ ጠቅላላ ምጣኔ-ሀብት እስከ ፖለቲካ ባህል፤ ከሰላም ስምምነቱ እስከ ደህንነት ስጋቶች ድረስ ከም/ቤቱ አባላት ለተነሱ ጥያቄዎች መልስና ማብራሪያ ሰጠተዋል።

የሁለት ዓመታትን ጦርነት ይገታል ተብሎ በደቡብ አፍሪካ ፕሪቶሪያ ስለተደረሰው ሰላም ስምምነትና ስጋት ጥያቄ የተነሰላቸው ጠቅላይ ሚንስትሩ፤ “ሰላምና ብልጽግናን ለማስቀጠል ሲባል ጦርነትን ማስቆም የግድ ብሏል” ብለዋል።

የኢትዮጵያን ህልውናና አንድነት የሚገዳደር ሲፈጠር ግን “መፋለም” የግድ ነው ያሉት ጠቅላይ ሚንስትር ዐቢይ፤ አሉ ያሏቸውን ሰላም የሚያስከፋቸው ኃይሎችን አሳስበዋል።

ስለ ስምምነቱ ውጤት ሲናገሩም “ምን እንደሚመጣ ከወዲሁ መናገር አይቻልም” ብለዋል። “ሌላውን ተወያይተን ፈር እናስይዘዋለን” በማለትም የስምምነቱ ቀጣይ ድርድሮችና ውይይቶች እንደሚኖሩ ጠቁመዋል።

የምክር ቤቱ አባላት የሚያወዛግቡ አካባቢዎች በፕሪቶሪያው ስምምነት “በህገ-መንግስቱ ምላሽ ይሰጣቸዋል” መባሉ ላይ ጥያቄ አንስተዋል። ጠቅላይ ሚንስትሩ ከወልቃይትና ራያ ጀርባ “ሽረባ” አለ ያሉ ሲሆን፤ ለዚህም የመንግስታቸው እጅ እንደሌለበት ተናግረዋል።

በተለይም የወልቃይት ጉዳይ ላይ አተኩረው ማብራሪያ የሰጡት ጠቅላይ ሚንስትር አብይ፤ ወልቃይት “የሁለት ህዝቦች ድልድይ ነው” መሆኑን አስምረዋል።

ወዝግቡ በህግ አግባብና በምክክር የሚፈታ ነው ብለዋል። ለወልቃይት “ዲሞክራሲያዊ እድል” መሰጠት አለበት ሲሉም ውዝግቡ በስምምነት እልባት እንደሚያገኝ ጠቁመዋል።

በአጠቃላይ መንግስታቸው ከስምምነቱ ማግስት ሶስት ጉዳዮች ላይ አተኩሮ እየሰራ መሆኑን ያሳወቁት ጠቅላይ ሚንስትሩ፤ እርዳታ ማቅረብ፣ የወደሙ መሰረተ-ልማቶችን መገንባት እና ተፈናቃዮች መመለስ ላይ መጠመዱን ተናግረዋል።

ጠቅላይ ሚንስትር ዐቢይ አህመድ ስለ ሀገሪቱ ሰላምና ደህንነት ሲያብራሩ በተለይም ሸኔ ስለተባለው ታጣቂ ቡድን “ፍላጎቱ አይታወቅም” ብለዋል።

መንግስት “ለሰላም ሁሌም በሩ ክፍት ነው” ብለዋል። ህገ-መንግስቱን ጨምሮ በተለያዩ ጉዳዮች ላይ ለመነጋገገር በመንግስት በኩል አቋም እንዳለም ጠቁመዋል።

ጠቅላይ ሚንስትሩ በታጣቂው ላይ እየተወሰደ ስላለ እርምጃ ዝርዝር ማብራሪያ ባይሰጡም “ውጤቱ በተጠበቀው ልክ አመርቂ ባይሆንም ስራዎች እየተሰሩ ነው” ሲሉ እየተወሰደ ስላለ ወታደራዊ እርምጃ ፍንጭ ሰጥተዋል።

ህገ-መንግስታዊ መብት ስለሆነው ተንቀሳቅሶ የመስራት መብትም ከምክር ቤቱ አባላት ጥያቄ ተነስቷል።

ህገ-መንግስታዊ መብት ስለመሆኑ ያልሸሸጉት ጠቅላይ ሚንስትሩ፤ ሆኖም ለሀገር ሰላም ሲባል መጉላላት እንደ ትልቅ ነገር መታየት እንደሌለበት ገልጸዋል።

ይልቁንም መንገደኞች ለፍተሻ እንዲተባበሩ ጠቁመዋል። “ወጣቶች ብር ተከፍሏቸው አዲስ አበባን ለማሸብት ይሞክራሉ” ያሉም ሲሆን፤ በዚህም የተለያዩ የጦር መሳሪያዎች እየተያዙ ነው ብለዋል።

ስለ ኢትዮጵያ የፖለቲካ ባህል አስተያየታቸውን የሰነዘሩም ሲሆን፤ “የኢትዮጵያ የፖለቲካ ባህል ችግር አለበት” ሲሉም ብቃት መመዘኛ እንዳልሆነ ተናግረዋል።። “ሰፈር ነው የሚታየው” በማለትም “ብሄር” በፖለቲካው መንገሱን ጠቁመዋል። ይህም ባህል እየሆነ ሲሄድ አደገኛ ነው በማለት “በስራ ሳይሆን በጩኸት ለውጥ ይመጣል ብለው የሚፈልጉ ሰዎች የሚያመጡት ነው” ሲሉ አሳስበዋል።

“የሽግግር መንግስት እያሉ የሚጮሁ አሉ፤ ስትጮሁ ትኖራላችውሁ፤ የኢትዮጵያን ክንፍ ነው የምትቆርጡት፤ ጥንቃቄ እናድርግ” ብለዋል።

ስለ ሙስና በሀገሪቱ መንግስት ያነሱት ጠቅላይ ሚንስትር አብይ “ችግርን እንደ እድል የወሰዱ ሰዎች ቀይ መስመርን ቀይ ምንጣፍ አድርገዋል” በማለት ሌብነት በመንግስት መዋቅር ስር መስደዱን ለምክር ቤቱ አባላት ተናግረዋል።

 ሌብነት ከልምምድ እንደ መብት እየተወሰደ በመሆኑ መንግስት ተወያይቶ ሀገራዊ ኮሚቴ በማቋቋም ጥናት እየተደረገ መሆኑን ገልጸዋል።

“ክሱ ብዙ ነው፤ እጅ የማይጠቆምበት ሰው የለም” በማለትም ህዝቡ ማስረጃ እንዲያቀርብ ጠይቀዋል።

የውሳኔ ሃሳቡን ኢትዮጵያን ጨምሮ 14 ሀገራት የተቃወሙት ሲሆን 73 ሀገራት ደግሞ ድምፅ ከመስጠት ታቅበዋል

ይህም ጦርነቱ ከተጀመረ ወዲህ ሀገራት ያልደገፉት የውሳኔ ሀሳብ ሆኖ እንዲመዘገብ አድርጎታል

በተባበሩት መንግስታት ድርጅት ጠቅላላ ጉባኤ ትናንት ማምሻውን በሩስያ ላይ ያቀረበው አዲስ የውሳኔ ሃሳብ ተቃውሞ ገጥሞታል።

ኢትዮጵያን ጨምሮ 14 ሀገራት ሩስያ በዩክሬኑ ጦርነት ላደረሰችው ጉዳት ካሳ እንድትከፍል የሚያስገድደውን የውሳኔ ሀሳብ ተቃውመውታል።

አረብ ኤሚሬትስን ጨምሮ 73 ሀገራት በድምፀ ተአቅቦ ማለፋቸውን ተከትሎም የዩክሬን ጦርነት ከተጀመረ ወዲህ የመንግስታቱ ድርጅት ካወጣቸው አምስት የውሳኔ ሀሳቦች ሁሉ ይሁንታ የተነፈገው ሆኖ ተመዝግቧል።

የውሳኔ ሀሳቡ በጦርነቱ ለተገደሉና ለቆሰሉ ዩክሬናውያን ሞስኮ ካሳ እንድትከፍል የሚጠይቅ ነው።

በጦርነቱ የጠፋውን የሰው ህይወትና የደረሰውን የንብረት ውድመት የሚያጣራ አለም አቀፍ ቡድን እንዲዋቀርም ተመላክቷል በዚሁ የውሳኔ ሀሳብ።

ዩክሬን – “የውሳኔ ሃሳቡ ፍትህ ለማስፈን ትልቅ ተስፋ ነው”

በመንግስታቱ ድርጅት የዩክሬን አምባሳደር ሰርጌ ኪይልይስታይ፥ ሩስያ ዩክሬንን ለማፈራረስ የመጨረሻ አቅሟን ተጠቅማለች ብለዋል።

“ከመኖሪያ ህንፃዎች እስከ ትምህርት ቤቶችና ሆስፒታሎች ያላፈራረሰችው የህዝብ ተቋም የለም፤ ባለፈው ወር ብቻ የኤሌክትሪክ ማስተላለፊያ መስመሮች ላይ ጥቃት አድርሳ ግማሽ ዩክሬን በጨለማ ተውጧል” ነው ያሉት አምባሳደሩ።

የሩስያ ወታደሮች ይዘዋተው በቆዩ የዩክሬን ከተሞች የፈፀሟቸውን ወንጀሎችም በማንሳት ሞስኮ ተጠያቂ እንድትሆን የቀረበውን የውሳኔ ሀሳብ አድንቀዋል።

ዩክሬንን መልሶ የመገንባቱ ስራ ሲካሄድ በጦርነቱ ጉዳት የደረሰባቸውን የመካስ እና ፍትህን የማስፈኑ ጉዳይም እኩል ሊካሄድ እንደሚገባም አብራርተዋል።

ኬቭ በጦርነቱ የደረሰውን ጉዳት ሳትጨምር ሳትቀንስ ለአለም አቀፉ ማህበረሰብ ይፋ ለማድረግ መዘጋጀቷንም በመጥቀስ የውሳኔ ሃሳቡን ፍትህን ለማስፈን የተስፋ ብርሃን ነው ብለውታል።

ሩስያ – “የውሳኔ ሀሳቡ ህጋዊ ያልሆነና ተፈፃሚነት የሌለው ነው”

በመንግስታቱ ድርጅት ሩስያን የወከሉት ቫስሊ ንቤንዚያ በበኩላቸው፥ የውሳኔ ሀሳቡ በአለም አቀፉ ህግ ተቀባይነት የሌለውን ነገር ህጋዊ ለማስመሰል የሞከረና ተፈፃሚነት የሌለው ነገር ነው በሚል ተቃውመውታል።

ምዕራባውያን እንዳይንቀሳቀስ ያገዱትን በቢሊየን ዶላር የሚቆጠር የሩስያ ሃብት ለመዝረፍ የተቀነባበረ ነው፤ የመንግስታቱ ድርጅት ጠቅላላ ጉባኤም ይህን ዘረፋ እንዲሸፍንላቸው የውሳኔ ሃሳቡን አቀርበዋል ሲሉም ሀገራት እንዲቃወሙት ጠይቀዋል።

የውሳኔ ሀሳቡን ማፅደቅ የምዕራባውያን የጦር መሳሪያ አምራቾችን ከመጥቀምና አለምን የባሰ ውጥረት ውስጥ ከመክተት ውጭ ፋይዳ እንደሌለውም አስገንዝበዋል።

ቻይና፣ ኢራን፣ አንጎላ፣ ቬንዙዌላን ጨምሮ 16 ሀገራት ለሩስያ ድጋፋቸውን በፊርማ ገልፀው፥ ፍትህ በተገቢው የህግ ስርአት እንጂ ምንም አይነት የህግ መሰረት በሌለው የውሳኔ ሃሳብ አይደለም ብለዋል።

በፀጥታው ምክር ቤት ድምፅን በድምፅ የመሻር ስልጣን ያላት ሩስያ የሚቀርቡባትን የውሳኔ ሃሳብ ውድቅ አድርጋለች።

በጠቅላላ ጉባኤው ግን ይሄው ድምፅን በድምፅ የመሻር ስልጣን የላትም፤ ይሁን እንጂ የጠቅላላ ጉባኤው የውሳኔ ሃሳብ እንደ ፀጥታው ምክርቤት ህጋዊ አስገዳጅነት የለውም።

በካናዳ፣ ጓቲማሚላ፣ ኔዘርላንድና ዩክሬን አነሳሽነት የቀረበው የትናንቱ ሩስያ የጦር ካሳ ትክፈል የውሳኔ ሀሳብ በ94 ሀገራት ድጋፍ ቢፀድቅም በሞስኮ ላይ ህጋዊ ጫና አያመጣም።

የዩክሬኑ ፕሬዚዳንት ቮልድሚር ዜለንስኪ ባስተላለፉት የቪዲዬ መልዕክት ግን ሩስያ ላደረሰችው ኪሳራ ሁሉ ካሳ መክፈሏ ከይቀሬ ነው ብለዋል።

የክሬምሊን ቃል አቀባይ ዲሚትሪ ፔስኮቭ በበኩላቸው፥ እንዳይንቀሳቀስ ያገዱትን የሩስያ ሃብት በካሳ ስም ለዩክሬን ለመስጠት ላሰቡት ምዕራባውያን የትኛውንም ምላሽ እንሰጣለን ሲሉ ዝተዋል።

የፔሎሲ የታይዋን ጉብኝት ተከትሎ የሁለቱም ኃያላን ሀገራት ግንኙነት ጥሩ የሚባል እንዳልሆነ ይታወቃል

የጆ ባይደን አስተዳደር ዋሽንግተን ከቤጂንግ ጋር ያሏት የግንኙነት መስመሮችን ክፍት እንደሚያደረግ አስታውቋል

የቻይናው ፕሬዝዳንት ዢ ቻይና ለጋራ ጥቅም ከአሜሪካ ጋር ለመስራት ፍቃደኛ ናት ማለታቸው የቻይና መንግስት ቴሌቪዥን ዘግቧል፡፡

ፕሬዝዳንቱ በትናንትናው እለት በተዘጋጀውና በአሜሪካ – ቻይና ግንኙነት ዙሪያ ትኩረት የሚያደረገው የጋራ ብሔራዊ ኮሚቴ ስብሰባ ላይ እንደተናገሩት ከሆነ ሁለቱም ኃያላን ሀገራት ግንኙነታቸውንና ትብብር በማጠናከር ለዓለምና መረጋጋት ትልቅ ሚና መጫወት አለባቸው ብለዋል፡፡

ዢ ይህን መልዕክት ያስተላለፉት በቅርቡ በኢንዶኔዥያ በሚካሄደው ቡድን-20 ስብሰባ ከፕሬዝዳንት ጆ ባይደን ሊያደርጉት ከሚችሉት ውይይት በፊት መሆኑ ነው፡፡

ጆ ባይደን በበኩላቸው “አሜሪካ ከቻይና ጋር ግጭ አትፈልግም” ሲሉ ተደምጠዋል።

ፕሬዝዳንት ዢ ለሶስተኛ ጊዜ የቻይና መሪ ሆነው መመረጣቸውን ተከትሎ ዋሽንግተን ከቤጂንግ ጋር ያሏት የግንኙነት መስመሮችን ክፍት ማድረግ አስፈላጊ መሆኑን አጽንዖት ሰጥተውም ተናግራል ፕሬዝዳንቱ።

የአሜሪካ ምክር ቤት አፈ ጉባኤ ፔሎሲ የታይዋን ጉብኝት ተከትሎ የሁለቱም ሀገራት ግንኙነት ጥሩ የሚባል እንዳልሆነና በበርካታ ዛቻዎች የታጀበ መሆኑ ይታወቃል፡፡

በተለይም በፔሎሲ ጉብኝት ምክንያት የተበሳጨችው ቻይና እና ከአሜሪካ ጋር ወታደራዊ ትብብርን ጨምሮ በአየር ንብረት ለውጥ ዙሪያም ንግግርና ውይይት የነበራት ቢሆንም ሁሉንም ማቋረጧ የሚታወስ ነው፡፡ 

ከዚህ ባለፈም የፕሬዝዳንት ዢ ሺን ፒንግ አስተዳደር፤ ሀገሪቱ ከአሜሪካ ጋር የነበራትን የድንበር አልባ ወንጀል መከላከል፣ ስደተኞችን የማጓጓዝ፣ አደገኛ ዕጽ ዝውውር መከላከል እና ሌሎች ስምንት የትብብር መስኮችን ማቋረጡን ገልጾ ነበር፡፡

አሜሪካ በበኩሏ የቻይና ድርጊት ተገቢ እንዳለሆነ ስትሞግት ቆይታለች፡፡

ያም ሆኖ የሁለቱም ኃያላን ሀገራት መሪዎች አሁን ላይ አዲስ ተረክ ይዘው መምጣታቸው የሀገራቱ ግንኙነት ወደ ተሻለ ደረጃ ያደርሷል ተብሏል፡፡

በተለይም ሀገራቱም ሀገራት ከተባበሩ ለዓለም ሰላም የሚያበረክቱት አስተዋጽኦ ከፍተኛ እንደሆነ ይታመናል፡፡

የተባበሩት መንግስታት ድርጅት(ተመድ) ዋና ኃላፊ ከአሜሪካ-ቻይና ትብብር ውጭ የዓለም አቀፍ ቁልፍ ጉዳዮችን ለመፍታት የሚደረግ ‘ምንም መንገድ የለም’ ብለው እንደሚያምኑ በቅርቡ መናገራቸው አይዘነጋም፡፡

ፑቲን፤ በቀጣይ የዢ የስልጣን ዘመን ሞስኮ-ቤጂንግ ግንኙነት ይበልጥ ተጠናክሮ እንደሚቀጥል ተስፋ አለኝ ብለዋል

የሩሲያ ፕሬዝዳንት ፑቲን እና የቻይናው አቻቸው ዢ መልካም የሚባል ግንኙነት ያላቸው መሪዎች ናቸው

የሩሲያ ፕሬዝዳንት ቭላደሚር ፑቲን ለሶስተኛ ዙር የስልጣን ዘመን መሪ ሆነው ለተመረጡት የቻይናው ፕሬዝዳንት ዢ ጂንፒንግ የእንኳን ደስ አልዎት መልእክት አስተላለፉ፡፡

ፑቲን በቀጣይ የዢ ጂንፒንግ የስልጣን ዘመን ሞስኮ-ቤጂንግ ግንኙነት ይበልጥ ተጠናክሮ እንደሚቀጥል ያላቸው ተስፋም ገልጸዋል፡፡

 “በሀገራቱ መካከል ያለውን… ስትራቴጂያዊ ትብብር ለማጠናከር ያለመ ገንቢ ውይይታችንን እና የቅርብ የጋራ ስራችንን ለመቀጠል ደስተኛ ነኝ” ማለታቸውንም ነው በክሬምሊን በኩል የወጣው መግለጫ የሚያመለክተው፡፡

የሩሲያው ፕሬዝዳንት አክለው፤ ለ ዢ “ብልጽግና እና አዲስ ስኬቶች” እንደሚመኙ ተናግረዋል::

ሞስኮ እና ቤጂንግ በተለይም ከቅርብ አመታት ወዲህ ከምዕራቡ ዓለም ጋር ባለቸው ግንኙነት የቅርብ አጋሮች ሆነው ብቅ ያሉበት አጋጣሚ ተፈጥረዋል።

በሀገራቱ መሪዎች መካከል ያለው ግንኙነትም እንዲሁ መልካም የሚባል እንደሆነ ይነገራል፡፡

መሪዎቹ በቅርቡ በኡዝቤኪስታን መዲና ሳማርካንድ ተገናኝተው በሀገራቱ መካከል ያለውን ሁለንተናዊ ትብብር ለማጎልበት እንደሚሰሩ መናገራቸው አይዘነጋም፡፡

ቭላድሚር ፑቲን እና ዢ ጂንፒንግ “ዓለምን በበላይነት ለመቆጣጠር የሚደረገው ሙከራ” አንቀበልም የሚል የጋራ አቋም ያላቸው መሪዎች መሆናቸው ይታወቃል፡፡

በሌላ በኩል ቻይና ከዩክሬን ጦርነት ጋር በተያያዘ ከዓለም አቀፉ ማህበረሰብ የመነጠል አደጋ ለተጋረጠባት ሩሲያ ያላትን ድጋፍ በተለያዩ ዓለም አቀፍ መድረኮች ስታንጸባርቅ ይስተዋልል፡፡

 ቻይና በዩክሬን ጦርነት ጉዳይ አብዛኛው ጊዜ የመሃል አቋም ስታራምድና በሞስኮ ላይ የሚደረገው ዘመቻ ስትቃወም ነው የምትታየው፡፡

ይህም አሜሪካን ጨምሮ በምዕራባውያን ዘንዳ ባይወደድም፤ ፑቲን የቻይናው መሪ ዢ በዩክሬን ጉዳይ የሚያንጸባርቁት “ሚዛናዊ አቋም” እንደሚያደንቁ በቅርቡ መግለጻቸው ይታወሳል፡፡

በተጨማሪም ሀገራቱ ለዓለም ተምሳሌት የሆነ ገደብ የለሽ ትብብር ለማድረግ ከስምምነት መድረሳቸው አይዘነጋም፡፡

እናም የአሁኑ የፕሬዝዳንት ዢ ጂንፒንግ ለሶስተኛ የስልጣን ዘመን መሪ ሆኖ መመረጥ በሞስኮ-ቤጂንግ መካካል ያለውን ጥሩ የሚባል ግንኙነት ወደ ከፍተኛ ደረጃ ያደርሷል ተብሎ ይጠበቃል፡፡

ታይዋን ልዩነቶችን በሰላማዊ፣ ፍትሃዊ እና በተጨባጭ መንገድ እንዲፈቱ ጠይቃለች

ቻይና “የታይዋን ነጻነትን” ለመቃወም የሚያሽችል ህገ-መንግስታዊ ማሻሻያ አድርጋለች

ታይዋን፤ ቻይና “አሮጌ አስተሳሰብን ማስወገድ አለባ” አለች፡፡

ታይፔ ይህን ያለችው ጉበኤውን ሲያካሂድ የሰነበተው የቻይና ኮሚኒስት ፓርቲ የታይዋን ነጻነትን በተመለከተ ያለውን ተቃውሞ በህገ መንግስቱ ላይ ካረጋገጠ በኋላ ነው፡፡

የታይዋን የድንበር ተሸጋሪ ፖሊሲዎች አስፈጻሚ አካል የሆነው የመይንላንድ ጉዳዮች ምክር ቤት ባወጣው መግለጫ “የቻይና ኮሚኒስት መንግስት አዲሱ አመራር የወረራ እና የመጋጨት አስተሳሰቡን አስወግዶ ልዩነቶችን በሰላማዊ፣ ፍትሃዊ እና በተጨባጭ መንገድ እንዲፈቱ እንጠይቃለን” ብሏል፡፡

የቻይና ኮሚኒስት ፓርቲ በህገ-መንግስቱ ላይ “የታይዋን ነጻነትን” ለመቃወም የሚያሽችለው ህገ-መንግስታዊ ማሻሻያ አድርጓል፡፡

ማሻሻያው ቅዳሜ ዕለት በፓርቲው ብሔራዊ ኮንግረስ ላይ ከ 2ሺህ በላይ ተወካዮች ያሳለፉት ውሳኔ አካል ነው መባሉን ኤኤፍፒ ዘግቧል፡፡

ለአንድ ሳምንት የቆየው ይህ የኮሙኒስት ፓርቲ ጉባኤ ፕሬዝዳንት ዢ ጂንፒንግን ፓርቲውን በቀጣዮቹ አምስት ዓመታት በሊቀመንበርነት እንዲመሩ በመምረጥ በትናንትናው እለት መጠናቀቁ ይታወቃል፡፡

የፓርቲው ጠቅላላ ጉባኤ ከዚህ በተጨማሪም ቻይናን ከፈረንጆቹ 2012 ዓመት ጀምሮ በሬዝዳንትነት እየመሩ ላሉት ዢ ጂንፒንግን ተጨማሪ ስልጣንም እንደሰጠም ሽንዋ ዘግቧል።

ፕሬዝዳንቱ በቀጣዮቹ አምስት ዓመታት ውስጥ ቻይናን ሲመሩ ከኮሙንስት ፓርቲ ጽንሰ ሀሳብ ባለፈ ለቻይናዊያን ይበጃል የሚሉትን ሀሳብ ወደ ተግባር መቀየር እንዲችሉ ፈቃድም ሰጥቷል።

ፓርቲው 25 አባላት ያሉት የፖሊት ቢሮ እና አዲስ ሰባት የማዕከላዊ አባላት የተመረጡ ሰዎችን ያሳወቁ ሲሆን በፖሊት ቢሮ አንድም ሴት አለማካተታቸው አነጋገሪ ሆነዋል፡፡

ቻይና ሴት የፖሊት ቢሮ አባል የሌለው ካቢኔ ስታዋቅር በ25 ዓመታት መጀመሪያው ነው ተብሎለታል፡፡

ፕሬዝዳንት ዢ ጂንፒንግን በፓርቲው ጉባኤ መዝጊያ ፕሮግራም ላይ ባደረጉት ንግግር ለቻይና ድል እንደሚዋጉ እና እንደሚሰሩ ተናግረዋል።

በኮሮና ቫይረስ ፣ በሩሲያ እና ዩክሬን ጦርነት እየተፈተነ ያለውን ኢኮኖሚ ማስታግስ እንዲሁም የታይዋን ጉዳይ ለፕሬዝዳንት ሺ ፒንግ ዋነኛ ትኩረት የሚሰጡባቸው ጉዳዮች ናቸው።

ሩሲያ የዩክሬኑን ግዙፍ ግድብ እንዳትመታ ምእራባውያን እንዲያስጠነቅቋት ፕሬዝዳንት ዘለንስኪ ጠየቁ

ሩሲያ ከሁለት ሺህ በላይ መካናይዝድ ጦሯን ግድቡ ወደሚገኝበት አካባቢ አሰማርታለች

ሩሲያ የዩክሬኑን ኖቫ ካኮቭካ የተሰኘውን ግዙፍ ግድብ እንዳትመታ ምእራባውያን እንዲያስጠነቅቋት ፕሬዝዳንት ዘለንስኪ ጠይቀዋል፡፡

ኖቫ ካኮቭካ የተሰኘው ግድብ ከተመታ ከኤሌክትሪክ አገልግሎት በተጨማሪ ዜጎች በውሀ ሊጥለቀለቁ እንደሚችሉ ተሰግቷል።

ስምንት ወራት የሞላው የሩሲያ እና ዩክሬን ጦርነት በየጊዜው አዳዲስ ክስተቶችን ማስተናገዱን ቀጥሏል።

ሩሲያ ባለፉት ሁለት ሳምንታት ውስጥ በዩክሬን ዋና ዋና ከተሞች የሚገኙ መሰረተ ልማቶችን ጥቃት በማድረስ ላይ እንደሆነች ተገልጿል።

በዚህ የሩሲያ ጥቃትም ከ30 በመቶ በላይ የሚሆነው የዩክሬን የሀይል መሰረተ ልማቶች መውደማቸውን ፕሬዝዳንት ዘለንስኪ ተናግረዋል።

የሩሲያ ጥቃት መቀጠሉ ያሳሰባቸው የዩክሬን ፕሬዝዳንት ኖቫ ካኮቭካ የተሰኘው ግዙፉ የዩክሬን ግድብ እንዳይመታባቸው ሞስኮን ተማጽነዋል።

ፕሬዝዳንቱ አክለውም ይህ ለደቡብ ዩክሬን ግዛቶች ዋነኛ የሀይል ምንጭ የሆነው ይህ ግዙፍ ግድብ ከተመታ የኤሌክትሪክ አገልግሎት ከመቋረጡ ባለፈ በርካታ ዜጎች ሊጥለቀለቁ እንደሚችሉ ፕሬዝዳንቱ ጠቁመዋል።

ሩሲያ በዚህ የዩክሬን ግድብ አካባቢ ከሁለት ሺህ በላይ መካናይዝድ ጦሯን ማስጠጋቷ ግድቡን ልታወድም እንደምትችል ፕሬዝዳንት ዘለንስኪ ስጋታቸውን ገልጸዋል።

በመሆኑም ምዕራባውያን እና ተመድ ሩሲያ የዩክሬንን ግድብ እንዳትመታ ጫና እንዲያደርጉ ፕሬዝዳንት ዘለንስኪ ጠይቀዋል።ሩሲያ ከአንድ ወር በፊት የዩክሬን ግዛት የሆኑ አራት ግዛቶችን በህዝበ ውሳኔ ወደ ሞስኮ መጠቅለሏ ይታወሳል።

የመንግስታቱ ድርጅት ባሳለፍነው ሳምንት የሩሲያን ህዝበ ውሳኔ የሚቃወም ውሳኔ በአብላጫ መወሰኑም አይዘነጋም።

ቻይና “ጥቃት ከፈጸመች” አሜሪካ ታይዋንን እንደምትከላከል ፕሬዝዳንት ጆ ባይደን በድጋሚ አስጠነቀቁ።

ፕሬዝዳንቱ ከሲቢኤስ ጋር በነበራቸው ቃለ መጠይቅ የአሜሪካ ኃይሎች ታይዋንን ይከላከላሉ ወይ ተብለው ሲጠየቁ “አዎ” ብለው መልሰዋል።

እሑድ በተሰራጨው ቃለ መጠይቅ የአሜሪካ ፖሊሲ እንዳልተለወጠ ዋይት ሐውስ በድጋሚ እንዲናገር አስገድዶታል።

የዋሽንግተን ፖሊሲ ሁሌም “ስትራቴጂካዊ አሻሚነት” ያለው ሲሆን ታይዋንን ለመከላከል ቃል ባይገባም አማራጩን ደግሞ ሙሉ ለሙሉ አያስቀርም።

ታይዋን በምሥራቅ ቻይና የባሕር ዳርቻ ላይ የምትገኝ ራስ ገዝ ደሴት ስትሆን ቤይጂንግ የግዛቴ አካል ናት ስትል ትገልጻለች።

በጉዳዩ ላይ ዋሽንግተን ቁርጥ ያለ አቋም ሳትይዝ ለረዥም ጊዜ በዲፕሎማሲያዊ ዥዋዥዌ ተጉዛለች። በአንድ በኩል ከቤይጂንግ ጋር ላላት ግንኙነት መሠረት የሆነውን የአንድ ቻይና ፖሊሲ ታከብራለች።

በዚህ ፖሊሲ ታይዋን የቻይና አካል ስትሆን አቋሙም መገዳደሪያ የለውም። ስለዚህ አሜሪካ ታይዋንን እንደ የተለየ አገር ዕውቅና የማትሰጥ ሲሆን ከደሴቱ ጋር ምንም አይነት ዲፕሎማሲያዊ ግንኙነትም የላትም። ነገር ግን የጠበቀ ግንኙነት ፈጥራለች።

አሜሪካ ከግዛቲቱ ጋር ባላት ውል መሰረት ለታይዋን የጦር መሳሪያ ትሸጣለች። ውሉ ደሴቲቱ ራሷን የምትከላከልበትን መንገድ ማቅረብ ያስፈልጋል ይላል።

ባይደን ከሲቢኤስ ቴሌቪዥን 60 ደቂቃ ከተሰኘው ፕሮግራም ጋር በነበራቸው ቃለ ምልልስ ይህንን በድጋሚ አስረግጠዋል።

“የአንድ-ቻይና ፖሊሲ አለ። ታይዋንም ነጻነቷ ላይ ራሷ ትወስናለች። እኛ አንንቀሳቀስም፣ ነፃነታቸውን አናበረታታም። ይህ የራሳቸው ውሳኔ ነው” ብለዋል።

ባይደን ታይዋን ጥቃት ከደረሰባት ለመከላከል ወታደራዊ ጣልቃ ገብነት እንደሚኖር በግንቦት ወር ተመሳሳይ አስተያየት ሰጥተዋል። ዋይት ሐውስም በፍጥነት አሜሪካ ከረዥም ጊዜ ፖሊሲዋ አትወጣም በማለት በፍጥነት ምላሽ ሰጥቶ ነበር።

አሁንም ዋይት ሐውስ ባይደንን የሚቃረን መግለጫ አውጥቷል። “ፕሬዝዳንቱ ከዚህ ቀደምም በዚህ ዓመት መጀመሪያ ላይ በቶኪዮ ይህንኑ ተናግረዋል። የታይዋን ፖሊሲ እንዳልተለወጠም ግልፅ አድርገዋል። ይህ እውነት ነው” ብሏል።

ይህ ግን በአንድ ዓመት ውስጥ ፕሬዝደንቱ ከይፋዊ የአገሪቱ አቋም ርቀው ለወታደራዊ እርምጃ ቃል ሲገቡ ይህ ለሦስተኛ ጊዜ ነው። በጥቅምት እና በግንቦት ተመሳሳይ አስተያየት ሰጥተዋል።

በዚህ ወር መጀመሪያ ላይ ዩናይትድ ስቴትስ ለታይዋን 1.1 ቢሊዮን ዶላር የሚያወጡ የጦር መሳሪያዎች እና ፀረ ሚሳኤሎች ለመሸጥ ተስማምታለች። ይህም የቻይናን ክፉኛ አስቆጥቷል።

የዩናይትድ ስቴትስ ምክር ቤት አፈ ጉባዔ ናንሲ ፔሎሲ በነሐሴ ወር በደሴቲቱ ያደረጉት አወዛጋቢ ጉብኝት በአሜሪካ እና በቻይና መካከል ያለውን ውጥረት አባብሶታል። ባይደን ጉብኝቱን ቀደም ብለው “ጥሩ ሃሳብ አይደለም” ብለው ነበር።

በምላሹ ቤይጂንግ በታይዋን ዙሪያ ለአምስት ቀናት የቆየ ወታደራዊ ከበባ በማድረግ ልምምድ አካሂዳለች።

ዩናይትድ ስቴትስ ወደ ደሴቲቱ ሚሳኤል መተኮሱን ብትናገርም ቤይጂንግ ግን ይህንን አላረጋገጠችም። ቻይና የተኮሰችው ሚሳኤሎች ምንም አይነት ስጋት እንዳልፈጠሩ ታይዋን ተናግራለች።

ቀደም ብሎ ተቀርጾ እሑድ በተላለፈው ቃለ መጠይቅ ሩሲያ በዩክሬን ጦርነት የኬሚካል ወይም የታክቲካል የጦር መሳሪያ እንዳትጠቀም ባይደን አስጠንቅቀዋል።

በልውውጡ ፤ ታሊባን ለ17 ዓመታት ያክል በአሜሪካ እጅ የቆየው የጦር አዛዥ ባሻር ኑርዛይን ተቀብሏል

የጦር አዛዡ ባሻር ኑርዛይን ታሊባን ወደ ትጥቅ ትግል ሲገባ ለቡድኑ “የጦር መሳሪያ ድጋፍ” ሲያደረግ የነበረ ነው ተብሏል

ታሊባን በአሜሪካ እጅ የነበረውን የጦር አዛዥ ለማስፈታት ከሁለት አመት በላይ ታስሮ የነበረውን አሜሪካዊ የባህር ኃይል አርበኛ ለዋሽንግተን አሳልፎ መስጠቱን አስታወቀ፡፡

የአፍጋኒስታን የውጭ ጉዳይ ሚኒስትር አሚር ካን ሙታቂ በካቡል ለጋዜጠኞች እንደተናገሩት “ዛሬ ማርክ ፍሬሪችስ ለአሜሪካ ተላልፎ ተሰጥቷል ፤ እኛም የጦር መሪው ሃጂ ባሻር ኑርዛይ በካቡል አየር ማረፊያ ተሰጥቶናል” ብለዋል።

ልውውጡ የተከናወነው “ከረጅም ድርድር በኋላ” መሆኑን የገለጹት ሚኒስትሩ፤ በካቡል ዓለም አቀፍ አውሮፕላን ማረፊያ አንድ የሀገራችን ልጅ ወደ ሀገሩ ሲመለስ የነበረውን አስደናቂ ስነ ስርዓት በማየታችን ደስተኛ ነን ሲሉ ተናግረዋል፡፡

ኑርዛይ በአውሮፕላን ማረፊያው ሲደርስ በአዲሱ የአፍጋኒስታን እስላማዊ ኢሚሬትስ (አይኢኤኤ) መንግስት የጀግና አቀባበል እንደተደረገለትም ኤኤፍፒ ዘግቧል፡፡

በማህበራዊ የትስስር ገጾች በመዘዋወር ላይ ያሉ ፎቶዎች የሚያሳትም፤ኑርዛይን የአበባ ጉንጉን በያዙና ጭንብል በለበሱ የታሊባን ባለስልጣናት አቀባበል ሲደረግለት ነው፡፡

ለበርካታ አመታት በአሜሪካ እጅ የቆየው የጦር አዛዡ ባሻር ኑርዛይ ወደ ሀገሩ ከተመለሰ በኋላ በሰጠው መግለጫ የታሊባን አመራሮች እሱን ለመስፈታት የተጓዙት የድርድር ርቀት አድንቋል፡፡

“ታሊባን ጠንካራ ቁርጠኝነቱን ባያሳይ ኖሮ ዛሬ እዚህ ባልነበርኩ ነበር” ብሏል ኑርዛይ።

ባሻር ኑርዛይ – ከሄሮይን ኮንትሮባንድ ጋር በተያያዘ ለ17 ዓመታት በአሜሪካ ታስሮ የቆየ የጦር አዛዥ ሲሆን ማርክ ፍሬሪችስ ደግሞ እንደፈረንጆቹ በ2020 ታፍኖ ተወስዶ በታሊባን ቁጥጥር ስር የቆየ የአሜሪካ የባህር ኃይል አርበኛ ነው፡፡

የአሜሪካ የባህር ኃይል አርበኛው ማርክ ፍሬሪችስ በአፍጋኒስታን ውስጥ በግንባታ ፕሮጀክቶች ላይ በሲቪል መሃንዲስነት ሲሰራ የነበረ እንደሆነም ነው የአሜሪካ የውጭ ጉዳይ ሚኒስቴር የገለጸው፡፡

ኑርዛይ በታሊባን ውስጥ ምንም አይነት ኦፊሴላዊ ቦታ አልነበረውም ነገር ግን በ 1990 ዎቹ ውስጥ ጠንካራው እንቅስቃሴ ብቅ ባለበት ወቅት “ጦር መሳሪያዎችን ጨምሮ ለታሊባን ጠንካራ ድጋፍ ያደረግ ነበር” ያሉት ደግሞ የአፍጋኒስታን መንግስት ቃል አቀባይ ዛቢሁላህ ሙጃሂድ ናቸው፡፡

ከአንድ አመት በፊት የአሜሪካና አጋሮቿ ጦር ከ20 ዓመታት ወታደራዊ ጣልቃ ገብነት በኋላ አፍጋኒስታንን ለቀው መውጣታቸውን ተከትሎ፤ ታሊባን አፍጋኒስታንን እያስተዳደረ እንደሚገኝ የሚታወቅ ነው፡፡ 

ፕሬዝዳንት ቮሎዲሚር ዘሌንስኪ፤ የሩሲያ ኃይሎች በኢዚዮም የጦር ወንጀል ፈጽመዋል ሲሉ ከሰዋል

ኢዚዮም በተባለ ስፍራ 450 የሚጠጉ በጅምላ ተቀብረው የነበሩ አስክሬኖች እንደተገኙ መረጃዎች እየወጡ ነው

ሞስኮ፤ የሩሲያ ኃይሎች በዩክሬን ካርኪቭ ግዛት የጦር ወንጀል ፈጽመዋል የሚለውን ውንጀላ “ውሸት” ነው አለች፡፡

የሩሲያ ኃይሎች በዩክሬን ኃይሎች የመልሶ ማጥቃት እርምጃ የዩክሬኗ ካርኪቭ ግዛት መልቀቃቸውን ተከትሎ ኢዚዮም በተባለ ስፍራ 450 የሚጠጉ በጅምላ ተቀብረው የነበሩ አስክሬኖች እንደተገኙ መረጃዎች እየወጡ ነው፡፡

በጉዳዩ ላይ ምላሽ የሰጡት የክሬምሊን ቃል አቀባይ ዲሚትሪ ፔስኮቭ ክሱ መሰረተ ቢስ ነው ሲሉ ውድቅ አድርገዋል፡፡

ዲሚትሪ ፔስኮቭ፤ ክሱ “በቡቻ ውስጥ እንደነበረው ተመሳሳይ ነው፤ ‘ውሸት ነው’ እናም በዚህ ተረት ውስጥ ያለውን እውነት እንዲታወቅ እናደርጋለን” ሲሉም ለጋዜጠኞች ተናግረዋል፡፡

የሩሲያው ቃል አቀባይ ይህን ይበሉ እንጅ የኪቭ ባለስልጣናት በቦታው የጦር ወንጀል እንደተፈጸመ እንደሚያምኑ ይህንንም ሰንደው ለማስቀመጥ እየሞከሩ እንደሆነ በመደመጥ ላይ ናቸው፡፡

ፕሬዝዳንት ዘሌንስኪ በቦታው ላይ የሚገኙ መርማሪዎች በእጃቸው የታሰሩ አስክሬኖችን ጨምሮ በርካታ የማሰቃየት ድርጊት የተፈጸመባቸው ሰዎች ለመኖራቸው አመላካች የሆኑ ማስረጃ ማግኘታቸውን ተናግረዋል፡፡

በጅምላ መቃብሩ ውስጥ አብዛኞቹ ንጹሀን ዜጎች ፣ ሴቶችና ህጻናትም ይገኙበታል ተብሏል።

ይህ በእንዲህ እንዳለ የሩሲያ ኃይሎች ፈጽመውታል የተባለው ድርጊት በዓለም አቀፉ ማህበረሰብ በኩልም ቢሆን በከፍተኛ ደረጃ የተወገዘ ሆኗል፡፡

የአሜሪካ ብሄራዊ ደህንነት ቃል አቀባይ ጆን ኪርቢ፣ በኢዚዮም ደን መቃብሮች መገኘታቸው “እጅግ አስደንጋጭ ነው” ብለዋል።

 ድርጊቱ አስደንጋጭና የሩሲያ ኃይሎች ዩክሬን ውስጥ ከፈጸሟቸው ጭካኔ የተሞሉ ወንጀሎች ጋር የሚመሳሰል ነው ያሉት ቃል አቀባዩ፤ አሜሪካ የጦር ወንጀል በመሰነድ ድጋፍ መስጠት እንደምትቀጥልም ተናግረዋል፡፡

የፈረንሳዩ ፕሬዝዳንት ኢማኑኤል ማክሮን በበኩላቸው “የተፈጸመውን እጅግ እናወግዛለን” ብለዋል።

በኢዚዮም ተገኘ በተባለው የጅምላ መቃብር “እጅጉን መደንገጡ” የገለጸው ደግሞ የአውሮፓ ህብረት ነው፡፡

ህብረቱ የተፈጸመውን ድርጊት አጥብቆ እንደሚያወግዝ የገለጹት የአውሮፓ ህብረት ከፍተኛ ተወካይ ጆሴፕ ቦሬል፤ ድርጊቱ ዓለም አቀፍ ህግጋቶችን የጣሰ መሆኑ ተናግረዋል፡፡

 “በሩሲያ ኃይሎች የሚፈጸመው ኢሰብዓዊ ድርጊት የዓለም አቀፍ የሰብአዊ ህግጋትን እና የጄኔቫን ስምምነቶችን የጣሰ ነው፤ በአስቸኳይ መቆም አለበት” ብለዋል ጆሴፕ ቦሬል፡፡

አክለውም ፤የአውሮፓ ህብረት በዩክሬን ውስጥ እየተፈጸመ ላለው ወንጀል ሩሲያን ተጠያቂ ለመድረግ የሚደረጉ ሁሉንም ጥረቶችን ይደግፋል ብለዋል፡፡ 

አልሸባብ በቅርቡ አንድ ሆቴል በመክበብ 21 ሰዎችን መግደሉ ይታወሳል

የሶማሊያ ፕሬዝደንቱ አልሸባብን ለማጥፋት ጠንካራ እንቅስቃሴ እየታየ መሆኑን ተናግረዋል

በሶማሊያ መንግስት የሚደገፉ ሚሊሻዎች ቢያንስ 45 የአልሸባብ ታጣቂዎችን መግደላቸውን ሮይተርስ ዘግቧል።

ግድያው የአልቃይዳ አጋር በሆነው ቡድን እና በፌዴራል መንግስት በሚደገፉ ሚሊሻዎች መካከል ከፍተኛ ግጭት የታየበት የግዛት የቅርብ ጊዜ ክስተት ነው ተብሏል።

አልሸባብ በሶማሊያ የሸሪዓ ህግን በጥብቅ እንዲተገበር ለማስገደድ ከአስር አመታት በላይ ጦርነት ከፍቷል።

ቡድኑን ለማጥፋት በአካባቢውም ሆነ በግዛቱ ሃይሎች ጥረት ቢደረግም ቡድኑ በመላ ሀገሪቱ ብጥብጥ ማድረጉን እንደቀጠለ ነው። 

ባለፈው ወር ታጣቂ ቡድኑ በዋና ከተማዋ ሞቃዲሾ የሚገኘውን ሆቴል ለ30 ሰአታት ከበባ በማድረግ በትንሹ 21 ሰዎች ሲገደሉ ከመቶ በላይ ማቁሰሉ ይታወሳል።

በሰኔ ወር የአልሸባብ ታጣቂዎች ከኢትዮጵያ ጋር በሚያዋስኗቸው አቅራቢያ እና አዋሳኝ መንደሮች ላይ በርካታ ጥቃቶችን ፈጽመው ከ12 በላይ ሰዎች መሞታቸው ተዘግቧል።

 በጥቃቱ በደርዘን የሚቆጠሩ የቡድኑ ታጣቂዎችም ተገድለዋል።

ፕሬዝዳንት ሀሰን ሼክ መሀሙድ ግን አርብ ዕለት ሀገራቸው ከአልሸባብ ጋር በምታደርገው ትግል ትልቅ ስኬት እያየች ነው ብለዋል።

ፕሬዝደንቱ አልሸባብን ለማጥፋት ጠንካራ እንቅስቃሴ እየታየ መሆኑን ተናግረዋል።

ታይዋን በቻይና እንዳትወረር ከጦር መሳሪያ በተጨማሪ የአሜሪካ ሰራዊት አባላት እንደሚሳተፉም አስታውቀዋል

በታይዋን ጉዳይ ቻይና ከአሜሪካ ጋር ያላትን ወታደራዊ ትብብርም ማቋረጧን ማስታወቋ ይታወሳል

የአሜሪካው ፕሬዝዳት ጆ ባይደን ጦራቸው ታይዋንን ከቻይና ወረራ እንደሚከላከል አስታወቁ።

ፕሬዝዳንት ባይደን ከሲ.ቢ.ሲ ቴሌቪዥን ጋር በነበራቸው ቆይታ ታይዋንን ተበመለከተ ለቀረበላቸው ጥያቄ፤ ቻይና ታይዋን ላይ ያልተጠበቀ ጥቃት ከከፈተች ጦራቸው ራስ ገዝ የሆነችውን ታይዋንንን ለመከላከል ወደ ስፍራው ሊያቀና ይችላል ብለዋል።

ጉዳዩ ላይ ተጨማሪ ማብራሪያ የተጠየቁት ባይደን ባይደን፤ ከዩክሬን በተለየ በጦር መሳሪያ መደፍ ብቻ ሳይሆን የአሜሪካ ወታደሮች ታይዋንን ለመከላከል ወደ ስፍራው እንደሚያቀኑ አረጋግጧል።

ፕሬዝዳንት ጆ ባይደን በግንቦት ወር በጃፓን አድርገውት በነበረው ጉብኝት ላይ ቻይና በታይዋን ላይ ወረራ ከፈጸመች፤ አሜሪካ ወታደራዊ አጸፋ ለመስጠት ዝግጁ መሆኗን መናራቸውም የሚታወስ ነው።

የቻይና መከላከያ ሚኒሰቴር ከወራት በፊት በበታይዋን ጉዳይ እንደማይደራደር እና ውጊያ መግጠም ካለባትም ለመግጠም ዝግጁ መሆኑን ለአሜሪካ መግለጹ ይታወሳል።

የቻይናው መከላከያ ሚኒስትር ዌዪ ፈንጊሄ፤ ከአሜሪካው የመከላከያ ሚኒስትር ሎልዩድ አውስቲን ጋር ከኢስያ የደህንነት ጉባዔ ጎን ለጎን ተገናኝተው ባደረጉት ውይይት፤ ታይዋንን ከቻይና መገንጠል የቻይና ወታደር “ማንኛውንም አይነት ዋጋ በመክፈል ከመዋጋት ውጭ ምርጫ እንዳይኖረው ያደርጋል” ሲሉ ነበር የተናገሩት።

“ህዝባዊ ነፃ አውጪ ጦር” በመባል የሚጠራው የቻይና ጦር የሀገሩን ብሔራዊ ሉዓላዊነትና የግዛት አንድነትን ከማስጠበቅ በቀር ሌላ ምርጫ እንደማይኖረውም ሚኒስትሩ በወቅቱ አሜሪካን አሳስበዋል።

የአሜሪከ አፈ-ጉባኤ ናንሴ ፔሎሲ ባሳለፍነው ሐምሌ ወር ቻይና የግዛቷ አድርጋ የምትቆጥራትን ታይዋንን መጎብኘታቸውን ተከትሎ ቻይና አሜሪካ እና ታይዋን ጋር ያላት ግንኙነተ በከፍተኛ ደረጃ መሻከሩ የሚታወስ ነው።

ይህንን ተከትሎም ከአሜሪካ ጋር ወታደራዊ ትብብሮችን ማቋረጧን ያሳወቀች ሲሆን ከአሜሪካ ጋር የነበራትን የድንበር አልባ ወንጀል መከላከል፣ ስደተኞችን ማጓጓዝ፣ አደገኛ እጽ ዝውውር መከላከል እና ሌሎች ስምንት የትብብር መስኮችን አቋርጣለች።

የዩክሬን ሰላም አስከባሪ ኃይል ሀገራቸው ከሩሲያ ጋር ጦርነት መጀመሯን ተከትሎ ወደ ኪቭ ለመመለስ ተገደዋል ተብሏል

ወታደሮቹ በተመድ ሰላም ማስከበር ተልዕኮ ስር በዲሞክራቲክ ኮንጎ ነበሩ

በአፍሪካ የነበሩ የዩክሬን ወታደሮች በኢትዮጵያ አየር መንገድ ወደ ሀገራቸው ተመለሱ።

የመንግስታቱ ድርጅት በዲሞክራቲክ ኮንጎ ያለውን አለመረጋጋት ለመቆጣጠር ከተለያዩ ፈቃደኛ ሀገራት የተውጣጣ ሰላም አስከባሪ ጦር ማሰማራቱ ይታወሳል።

በዚህ ተልዕኮ ስራ ጦር ካዋጡ ሀገራት መካከል አንዷ አሁን ላይ ከሩሲያ ጋር ጦርነት ውስጥ ያለችው ዩክሬን ትገኝበታለች።

ሀገራቸው ከሩሲያ ጋር የገጠመችውን ጦርነት ለመመከት በሚል በዲሞክራቲክ ኮንጎ የነበሩ 250 የዩክሬን ወታደሮችም ወደ ሀገራቸው ተመልሰዋል።

እነዚህ ወታደሮች ወደ ሀገራቸው ሲመለሱ በተመድ ዓመቻችነት ሲሆን የኢትዮጵያ አየር መንገድ ወታደሮቹን ካጓጓዙ አየር መንገዶች መካከል አንዱ መሆኑን ቢቢሲ ዘግቧል።

በተመድ ስር ያለው የሰላም ማስከበር ተልዕኮ በዲሞክራቲክ ኮንጎ ዜጎች ተቃውሞ እያስተናገደ ሲሆን፤ ሰላም አስከባሪ ጦሩ ዜጎችን ከአማጺያን ጥቃት አልታደገም በሚል አየተተቸ ይገኛል።

የሀገሬው ዜጎችም ሰላም አስከባሪ ጦሩ ሀገራቸውን ለቆ እንዲወጣ በሰላማዊ ሰልፍ በመጠየቅ ላይ ሲሆን ይህ ሰላም አስከባሪ ጦር ከሁለት ወራት በፊት 36 ተቃዋሚዎችን ተኩሶ ገድሏል ተብሏል።

ከዚሁ ተቃውሞ ጋር በተያያዘም በኬንሺያሳ ያለው የተመድ ሰላም ማስከበር ተልዕኮ ቃል አቀባይ የዲሞክራቲክ ኮንጎን ሉዓላዊነት የሚጋፋ አስተያየት ሰጥቷል በሚል ሀገሪቱቱን ለቆ እንዲወጣ ተደርጓል።

ተመድ በዓለም ላይ ፈቃደኛ ከሆኑ ሀገራት ጦር በማዋጣት በ12 ሀገራት ላይ የሰላም ማስከበር ተልዕኮ ያለው ሲሆን ለ22 ዓመት የቆየው እና ብዙ ገንዘብ ወጪ የተደረገበት ስምሪቱ በዲሞክራቲክ ኮንጎ ያለው ነው።

አሜሪካ ከሩሲያ ጋር የሚወዳጁ የአፍሪካ ሀገራትን እንዳትቀጣም ፕሬዝዳንቱ አሳስበዋል

ፕሬዝዳንት ሲሪል ራማፎዛ ከአሜሪካው ፕሬዝዳንት ጋር በዋሸንግተን ተወያይተዋል

አፍሪካ ምን ማድረግ እንዳለባት ማንም ሊያዛት እንደማይገባ የደቡብ አፍሪካው ፕሬዝዳንት ተናገሩ።

የሩሲያ ዩክሬን ጦርነት ከተጀመረ ሰባተኛ ወሩ ላይ የሚገኝ ሲሆን ጦርነቱን ተከትሎ ምዕራባዊያን ሩሲያን ከተቀረው ዓለም ለመነጠል የተለያዩ ጫናዎችን እያደረጉ ያገኛሉ።

አሜሪካንን ጨምሮ ምዕራባዊያን ሀገራት ዩክሬን በሩሲያ ላይ ድልን እንድትቀዳጅ የጦር መሳሪያ ድጋፍ ከመስጡ ጎን ለጎን በሞስኮ ላይ ማዕቀብ በመጣል ላይ ናቸው።

ይህ በዚህ እንዳለም አፍሪካን ጨምሮ ከሩሲያ ጋር ወዳጅነትን በሚመሰርቱ ሀገራት ላይ ግንኙነታቸውን እንዲያቋርጡ የተለያዩ ጫናዎችን በማድረግ ላይ ናቸው።

የደቡብ አፍሪካው ፕሬዝዳንት ሲሪል ራማፎዛ ወደ ዋሸንግተን ተጉዘው በነጩ ቤተ መንግስት ከአሜሪካ አቻቸው ጋር ተወያይተዋል።

ሩሲያ የየትኛውም የዓለማችን ባለጸጋ ሀገር ጋር የተለየ ግንኙነት የላትም ያሉት ፕሬዝዳንት ራማፎዛ አሜሪካም በአፍሪካ የተለየ ተጽዕኖ ማድረግ እንደሌለባት አክለዋል።

የአፍሪካ ሀገራት ከሩሲያ ጋር ያላቸውን ግንኙነት እንዲያቋርጡ ተጽዕኖ ልታደርግ እንደማይገባ የተናገሩት ፕሬዝዳንት ሲሪል ራማፎዛ አፍሪካ ምን ማድረግ እንደሚገባት ማንም መናገር አይችልም ሲሉም አክለዋል።

አሜሪካ አፍሪካ ከሩሲያ ጋር ያላትን ግንኙነት እንድታቋርጥ የተለያዩ ጫናዎችን እያደረገች ሲሆን በአንድ ወር ውስጥ በተመድ የዋሸንግተን ተወካይ አምባሳደር ሊንዳ ቶማስ እና የሀገሪቱ ውጭ ጉዳይ ሚኒስትር አንቶኒ ብሊንከን ወደ አፍሪካ በመምጣት ስድስት ሀገራትን ጎብኝተው መመለሳቸው ይታወሳል።

የመሪዎቹ ወደ አፍሪካ መምጣት ዋና አላማው ከሩሲያ ጋር ጠያላቸውን ግንኙነት እንዲያቋርጡ ጫና መፍጠር ሲሆን አፍሪካ ከሩሲያ ከአፈር ማዳበሪያ እና ስንዴ ውጪ ሌሎች ምርቶችን መግዛት እንደማይችሉ ተናግረውም ነበር።

የፈረንሳዩ ፕሬዝዳንት ኢማኑኤል ማክሮን በምዕራብ አፍሪካ ባደረጉት ጉብኝት አፍሪካ በሩሲያ ላይ የተለሳለሰ አቋም አሳይተዋል በሚልም ትችት ሰንዝረዋል።

ባይደን፤ ፑቲን ኒውክሌር ከተጠቀመ “ጦርነቱን ከ2ኛው የዓለም ጦርነት ወዲህ ባልታየ ሁኔታ ይቀይረዋል” ሲሉ ተናግረዋል

ጆ ባይደን፤ “ፑቲን ቀይ መስመሩን ማለፍ የለበትም” ሲሉ አስጠንቅቀዋል

የአሜሪካው ፕሬዝዳንት ጆ ባይደን፤ቭላድሚር ፑቲን የኒውክሌር ጦር መሳሪያ እንዳይጠቀሙ አስጠነቀቁ፡፡

ፕሬዝዳንቱ ከሲቢኤስ ቴሌቪዥን ጋር ባረደጉት ቆይታ የታክቲካል የኒውክሌር መሳሪያ መጠቀም አደገኛ ሁኔታ ሊያስከትል ይችላል ብለዋል፡፡

ታክቲካል ኒውክሌር በመባል የሚታወቁት የአጭር ርቀት መሳሪያዎች ሲሆኑ፣ ስትራቴጂክ ኒውክሌር ደግሞ የረዥም ርቀት ተስወንጫፊ መሳሪያዎችን ያካትታሉ።

ፑቲን የኒውክሌር ጦር መሳሪያ ከተጠቀሙ “ጦርነቱን ከሁለተኛው የዓለም ጦርነት ወዲህ ባልታየ ሁኔታ ይቀይረዋል” ያሉት ባይደን፤ “ፑቲን ቀይ መስመሩን ማለፍ የለባቸውም!” ሲሉም አስጠንቅቀዋል፡:

ፑቲን የኒውክሌር መሳሪያ በዩክሬን ለመጠቀም አስበው ከሆነ ምን መልዕክት ማስተላለፍ ይፈልጋሉ ተብለው በሲቢኤስ የተጠየቁት ባይደን ጋዜጠኛውን “ተው! ተው! ተው!” ሲሉ ታይተዋል።

ፕሬዝዳንት ጆ-ባይደን አሜሪካ የኒውክሌር ጥቃትን ተከትሎ ምን እርምጃ እንደምትወስድ በግልጽ ባይናገሩም “ዓለም ላይ ታይተው ከሚታወቁ ቀውሶች ሁሉ የባሰ ይሆናል፤ የሚከሰተውን ጉዳት ያህልም ምላሽ እንሰጣለን” ብለዋል።

የአሜሪካው ፕሬዝዳንት ይህን ይበሉ እንጅ፤ የክሬምሊን ባለስልጣናት የሶሞኑ መግለጫዎች የሚያመለለክቱት በተቃራኒው ነው፡፡

በዩክሬን ላለው ቀውስ አሜሪካን ጨመሮ ለኪቭ የጦር መሳሪያ ድጋፍ የሚያደርጉትን ምዕራባውያን ተጠያቂ የሚያደርጉት የሩሲያው መሪ ፑቲን፤ በዩክሬን ምድር ያሰብነውን ዓላማ ከማሳከት የሚገታን ኃይል የለም እያሉ ነው፡፡

በዚህም ዩክሬንን ሽፋን ደረገው የሩሲያ እና አሜሪካ ፍጥጫ አደገኛ ሁኔታ እንዳያስከትል ተሰግተዋል፡፡አሜሪካ በሩሲያ-ዩክሬን ጦርነት ለኪቭ የሚያስፈለግ የጦር መሳሪያ በከፍተኛ ደረጃ ድጋፍ ከሚልኩ ሀገራት አንዷ መሆኗ ይታወቃል፡፡

ፕሬዝዳንቱ ፤አሜሪካ 3 ቢሊዮን ዶላር የሚገመት የጦር መሳሪያ ድጋፍ ለዩክሬን እንደምትሰጥ በቅረቡ መግለጻቸው ይታወሳል፡፡

ድጋፉ ዩክሬን ፤በአየር መከላከያ እንዲሁም የመድፍ ስርዓቶችና ጥይቶችን እንድታጎለብት ብሎም ከረዠም ርቀት ጥቃቶች እራሷን መከላከል እንደምትችል ለማረጋገጥ የሚያስችል መሆኑንም ፕሬዝዳንቱ ገልጸው ነበር፡፡

በሶማሊያ ፖለቲከኛች መካከል የነበረው ሽኩቻ “አልሻባብ እንዲያንሰራራ” እድል የፈጠረ መሆኑ ይነገራል

የሶማሊው ፕሬዝዳንት ፤ “አሜሪካ በሶማሊያ ዘላቂ ልማት እና እድገት ውስጥ ስትራቴጂካዊ አጋር ነች” ብለዋል

አሜሪካ እና ሶማሊያ ሽብርተኝነት ለመዋጋት የሚያደርጉት ትብብር አጠናክረው እንደሚቀጥሉ ገለጹ፡፡

ለይፋዊ ስራ ጉብኝት በአሜሪካ የሚገኙት የሶማሊያው ፕሬዝዳንት ሀሰን ሼክ መሀሙድ ከአሜሪካው የውጭ ጉዳይ ሚኒስትር አንቶኒ ብሊንከን ጋር ተገናኝተው በተለያዩ ጉዳዮች ዙሪያ ተወያይተዋል፡፡

ሽብርተኝነትን መዋጋት፣ የሶማሊያ ድረቅ እና መልካም አስተዳደር ፕሬዝዳንቱ ከአሜሪካው የውጭ ጉዳይ ሚኒስትር ጋር በነበራቸው ቆይታ የመከሩባቸው አንኳር ጉዳዮች ናቸው፡፡

በውይይታቸው በተለይም ከሶማሊያ አልፎ የቀጠናው ስጋት የሆነውን ሽብርተኝነት ለመዋጋት ሀገራቱ የሚያደርጉት ትብብር አጠናክረው ለመቀጠል መስማማታቸው ፕሬዝዳንት ሀሰን ሼክ መሀሙድ በትዊተር ገጻቸው ያጋሩት መረጃ ያመለክታል፡፡

“አሜሪካ በሶማሊያ ዘላቂ ልማት እና እድገት ውስጥ ስትራቴጂካዊ አጋር ነች”ም ብለዋል ፕሬዝዳንቱ፡፡

አሁን አሁን ከነበረበት ሁኔታ እያንሰራራ እየመጣ እንደሆነ የሚነገርለት አልሻባብን አደጋ ለመግታት በሚል፤ አሜሪካ በታጣቂ ቡድኑ ላይ የተለያዩ እርምጃዎች በመውሰድ ላይ መሆኗ የሚታወቅ ነው፡፡

በተጨማሪም ፕሬዝዳንት ባይደን የቀጠናው ስጋት የሆነውን አልሻባብ ለመምታት 600 የሚሆኑ የሃገራቸውን ወታደሮች ወደ ሶማሊያ እንደሚልኩ ማስታወቃቸው የሚታወስ ነው።

የአሜሪካ ጦር በድጋሚ በሶማሊያ እንዲሰማራ የማድረግ ውሳኔ በየሶማሊያው ፕሬዝዳንት ሀሰን ሼክ መሀሙድ ተቀባይነት ማግኘቱም አይዘነጋም፡፡

ሶማሊያ አሁንም በአልሻባብ እየተፈተነች ነው። በተለይም ከምርጫ ጋር በተያያዘ በሃገሪቱ ፖሊተከኞች መካከል የነበረው ሽኩቻ ለሰላምና ጸጥታ ይሰጥ የነበረውን ትኩረት አላልቶት እንደነበር በርካቶች ያነሳሉ።

አሁኑ ላይ አሜሪካ በአልሻባብ ላይ የምትወስዳቸው እርምጃዎች አሜሪካ ቡድኑን ከማዳከም አንጻር ትልቅ ሚና እንደሚጫወት ይታመናል፡፡

የአሜሪካን ሚና እንደ ትልቅ የአጋርነት መገለጫ አድረጎ የሚወስደው የፕሬዝዳንት ሀሰን ሼክ መሀሙድ አስተዳደር በቅረቡ “ለመረጋጋትና ሽብርተኝነትን ለመዋጋት በምናደርገው ትግል አሜሪካ ወትሮም ቢሆን ታማኝ አጋራችን ናት” ሲል በትዊተር ገጹ ላይ ባወጣው ጽሁፍ ማጋራቱም የሚታወስ ነው፡፡

ፕሬዝዳንት ኢሳያስ፤ ጉብኝቱ በኤርትራ እና ቻይና መካከል ያለውን ስትራቴጂካዊ ግንኙነት የሚያጎለብት መሆኑ ተናግረዋል

የቻይናው ፕሬዝዳንት ዢ ጂንፒንግ ፕሬዝዳንት ኢሳያስ አፈወርቂ በቻይና ጉብኝት እንዲያደርጉ መጋበዛቸው ይታወሳል

የኤርትራው ፕሬዝዳንት ኢሳያስ አፈወርቂ ከቻይና የምስራቅ አፍሪካ ልዩ መልዕክተኛ አምባሳደር ሹ ቢንግን ጋር በአስመራ ተናገገሩ፡፡

ፕሬዝዳንቱ ከልዩ መልዕክተኛው ጋር በነበራቸው ቆይታ በሁለትዮሽ እና ቀጠናዊ ጉዳዮች ዙሪያ ዘለግ ያለ ውይይት ማድረጋቸው የኤርትራ ማስታወቂያ ሚኒስትሩ የማነ ገ/መስቀል አስታውቀዋል፡፡

ሚኒስትሩ በትዊተር ገጻቸው ባጋሩት ጽሁፍ “ሁለቱ ወገኖች በኤርትራ ቅድሚያ በሚሰጣቸው የልማት መስኮች የሁለትዮሽ ትብብራቸውን ማጠናከር በሚቻልበት ሁኔታ ተወያይተዋል” ብለዋል፡፡

ኤርትራ እና ቻይና በቀጣናዊ ትስስራቸው ማዕቀፍ ውስጥ የልማት ትብብር ለማካሄድ መስማማተቸውም ጭምር ተናግረዋል ፡፡

ጉብኝቱ በኤርትራ እና ቻይና መካከል ያለውን ስትራቴጂካዊ ግንኙነት የበለጠ ለማጎልበት የሚያችል እንደሆነ ፕሬዝዳንት ኢሳያስ በውይይቱ መናገራቸውም ሚኒስትሩ ገልጸዋል፡፡

ኤርትራ እና ቻይና በተለያዩ መስኮች በትብብር የሚሰሩ ሀገራት መሆናቸው ይታወቃል፡፡

የቻይና ውጭ ጉዳይ ሚኒስትር ዋንግ ዪ በየካቲት በኤርትራ ባደረጉት ይፋወዊ የስራ ጉብኝት፤ በማዕድን ልማት፣ በምጽዋና አሰብ ወደቦች ልማት፣ በሰው ኃይል አቅም ግንባታ እና በመሰረተ ልማት ዘርፍ በጋራ ለመስራትም ከስምምነት መድረሳቸው የሚታወስ ነው፡፡

በተጨማሪም በውይይቱ ወቅት ቻይና ለኤርትራ ተጨማሪ የ100 ሚሊየን ዩዋን ድጋፍ ማድረጓን የውጭ ጉዳይ ሚኒስትሩ ዋንግ ዪ በወቅቱ መግለጻቸው አይዘነጋም።

ፕሬዝዳንት ኢሳያስ በበኩላቸው የቻይናን የ100 ዓመታት የጋራ ተጠቃሚነት መርህ ጉዞ እና በዓለም ዐቀፍ ሕጎች ማዕቀፍ ውስጥ ሆና ዓለምን ሚዛናዊ ለማድረግ የምታደርውን ጥረት አድንቀዋል።

የቻይናው ፕሬዝዳንት ዢ ጂንፒንግ ፐሬዝዳንት ኢሳያስ አፈወርቂ በቻይና ጉብኝት እንዲያደርጉ ግብዣ እንደላኩላቸውም የኤርትራው የማስታወቂያ ሚኒስትር የማነ ገብረመስቀል በትዊተር ገጻቸው አስፍረው ነበር፡፡

ኤርትራ፤ ቻይና በዓለም አቀፍ መድረክ የምታራምዳቸው አቋሞች በመደገፍ የምትታወቅ ሀገር መሆኗም ይታወቃል፡፡

አለምአቀፉ ማህበረሰብ ባለፈው ሀሙስ የተደረሰውን ተኩስ አቁም በአዎንታ ተቀብሎታል

አርመኒያ እና አዘርቤጃን ናጋርኖ ካራባክ በተባለው ተራራማ ግዛት ምክነያት ከፈረንጆቹ 1988 ጀምሮ ፍጥጫ ውስጥ ነበሩ

በቅርቡ በድጋሚ በተቀሰቀሰው የአርመን እና የአዘርቤጃን ጦርነት ከ200 በላይ ወታደሮች ተገደሉ፡፡

ሮይርስ እንደዘገበው የአርመንያ ጠቅላይ ሚኒስትር ፓሲኒያን በአርመን እና አዘርቤጃን መካከል በተቀሰቀሰው ጦርነት 135 ወታደሮች መገደላቸውን አረጋግጠዋል፡፡

አሁን 135 ወታደሮች ህይወታቸው አልፏል፤ ብዙዎች ቆስለዋል ያሉት ጠቅላይ ሚኒስትር ፓሺኒያን “እንዳለመተል ሆኖ ይህ የመጨረሻ አይደለም” ሲሉ ተናግረዋል፡፡

ሀለቱ ሀገራት በፈረንጆቹ 2020 ካደሩጉት ደምአፋሳሽ የስድስት ሳምንት ጦርነት ወዲህ በተቀሰቀሰው ጦርነት 71 ወታደሮች እንደተገደሉባት አዘርቤጃን ሪፖርት አድርጋለች፡፡

እስካሁን በሁለቱም ሀገራት የተገደሉ ወታደሮች ቁጥር ከ200 በላይ ሆኗል፡፡

አርመኒያ እና አዘርቤጃን ናጋርኖ ካራባክ በተባለው ተራራማ ግዛት ምክነያት ከፈረንጆቹ 1988 ጀምሮ ፍጥጫ ውስጥ ነበሩ፡፡ በፈረንጆቹ 1994 በተካሄድ የሰላም ድርድር ተኩስ አቁም የተፈራረሙ ቢሆንም ከዚያ ወዲህ አልፎ አልፎ ግጭት ውስጥ ሲገቡ ቆይተዋል፡፡

በቅርቡ የተጀመረውን ግጭት በሚመለከት ግን ሁለቱም ሀገራት ግጭቱን በመጀመር እየተካሰሱ ይገኛሉ፡፡ አርመን፣ የአዘርቤጃን ሃይሎች ናጎርኖ ካራባክን አልፈውጥቃት በመክፈት አርመን ውስጥ ቦታ ይዘዋል የሚል ክስ ስታቀርብ፣አዘርቤጃን ደግሞ ለተፈጸመባት ትንኮሳ ምላሽ መስጠቷን ትገልጻለች፡፡

አለምአቀፉ ማህበረሰብ ባለፈው ሀሙስ የተደረሰውን ተኩስ አቁም በአዎንታ ተቀብሎታል፡፡

ኤስሲኦ በሩሲያ እና ቻይና የተመሰረተ የጸጥታ ጥምረት ነው

ፕሬዝደንቱ ይህን ያሉት በኡዝቤክስታን በተካሄደው የኤስሲኦ ስብሰባ ላይ ከተካፈሉ በኋላ ነው

የቱርኩ ፕሬዝደንት ኤርዶጋን የኔቶ አባል የሆነችውን ሀገራቸው የሻንጋይ ኮኦፐሬሽን ኦርጋናይዜሽን(ኤስሲኦ) አባልጰየማድረግ አላማ እንዳላቸው ተናግረዋል።

ኤስሲኦ በሩሲያ እና ቻይና የተመሰረተ የጸጥታ ጥምረት ነው።

ፕሬዝደንቱ ይህን ያሉት በኡዝቤክስታን በተካሄደው የኤስሲኦ ስብሰባ ላይ ከተካፈሉ በኋላ መሆኑን ሮይተር ዘግቧል።

“በዚህ እርምጃ ከእነዚህ ሀገራት ጋር ያለን ግንኙነት ወደ ልዩ ቦታ ይደርሳል” ብሐዋል ፕሬዝደንት ኤርዶጋን።

ቱርክ በአሁኑ ወቅት ቻይና ሩሲያ ህንድ ፓኪስታን ኢራን ኪሪጊስታን ፓጃኪስታን ካዛኩስታን እና ኡዝቤኪስታን ያሉበት የጸጥታ ጥምረት የውይይት አጋር ነች።

በስብሰባው ላይ ከፕሬዝደንት ፒቲን ጋር የተነጋገሩት ኤርዶጋን በደቢብ ቱርክ በሚገኘው የኑክሌር ጣቢያ ጉዳይ የነበረውን ግጭት ለመፍታት ከስምምነት መድረሳቸውን ገልጸዋል።

በፈረንቹ 2001 የተቋቋመው በሩሲያ እና ቻይና የነበረ ሲሆን ከተመሰረተ ከአራት አመት በኋላ ህንድ እና ፓኪስታንን አካቷል፤ ይህም በቀጣናው ያለውን የምእራባውያን ጫና ለመቋቋም አላማ ያደረገ ነበር፡፡

ግብጽ፣ አረብ ኢምሬትስ፣ ኳታር ፣ ባህሬን እና ኩዌት ድርጅቱን በአጋርነት ተቀላቅለዋል

የምስራቅ ሀገራት ስብስብ የሆነው የሻንጋያ ትብብር ድርጅት ዓመታዊ ጉባኤ በኡዝበኪስታን ተካሂዷል

በአሜሪካ እና አውሮፓ ህብረት የሚመራውን የዓለም ተጽዕኖ ለመመከት የተቋቋመው የሻንጋይ ትብብር ድርጅት ዓመታዊ ጉባኤውን በኡዝበኪስታን አካሂዷል።

በሳመርካንድ ከተማ በተካሄደው በዚህ ጉባኤ ላይ የቻይና፣ ሩሲያ፣ ህንድ፣ ኢራን፣ ቱርክ እና ሌሎችም ሀገራት ፕሬዝዳንቶች እና ጠቅላይ ሚኒስትሮች ተሳትፈውበታል።

የሩሲያ ፕሬዝዳንት ቭላድሚር ፑቲን ድርጅቱን በአጋርነት ተቀላቀሉት የተባበሩት አረብ ኢምሬት፣ ግብጽ፣ ኳታር ፣ ባህሬን እና ኩዌት እንኳን ደህና መጡ ብለዋል።

ቤላሩስን ጨምሮ በርካታ የዓለማችን ሀገራት ወደዚህ ድርጅት ለመቀላቀል ፍላጎት እያሳዩ ሲሆን ኢራን በይፋ ድርጅቱን መቀላቀሏም ተገልጿል።

ፕሬዝዳንት ፑቲን በጉባኤው ላይ ባደረጉት ንግግር የሻንጋይ ትብብር ድርጅት የዓለምን ችግር ለመፍታት የተቋቋመ እንጂ ቡድን የመመስረቻ መድረክ አይደለም ብለዋል።

ለዓብነትም ድርጅቱ የዓለም ምግብ ችግሮችን፣ ሽብርተኝነትን እና የህይል እጥረቶችን ለመፍታት ይሰራል ሲሉም ፕሬዝዳንት ፑቲን አክለዋል።

በአፍሪካ፣እስያ እና ደቡብ አሜሪካ ሀገራት መካከል በራሳቸው በብሄራዊ የመገበያያ ገንዘባቸው ሰፊ የንግድ ልውውጥ መፍጠር የድርጅቱ ዋነኛ አላማ እንደሆነም ተገልጿል።

ሞስኮ በዩክሬን በጀመረችው ጦርነት ምክንያት ማዕቀቦች እንደተጣሉባት የገለቱት ፕሬዝዳንት ፑቲን ከ300 ሺህ ቶን በላይ የአፈር ማዳበሪያ ያለምንም ክፍያ ለታዳጊ ሀገራት እንደምታሰራጭም ተናግረዋል።

የቻይናው ፕሬዝዳንት ሺ ፒንግ በበኩላቸው ቤጂንግ 1 ነጥብ 5 ቢሊዮን ዩዋን እርዳታ ለታዳጊ ሀገራት የሰብዓዊ ድጋፎችን እንደምታደርግ በጉባኤው ላይ ገልቷል።

ሻንጋይ የትብብር ድርጅት በፈረንጆቹ 2001 ላይ በቻይናዋ ሻንጋይ የተቋቋመ ሲሆን ኡዝቤኪስታን፣ ቻይና፣ ሩሲያ፣ ህንድ፣ ፓኪስታን፣ ታጂኪስታን፣ ኪርጊስታን፣ እና ካዛኪስታን ደግሞ መስራች ሀገራት ናቸው።

አፍጋኒስታን፣ ኢራን፣ ቤላሩስ እና ሞንጎሊያ በታዛቢነት ድርጅቱን የተቀላቀሉ ሲሆን አርመኒያ፣ አዛርባጂያ፣ ቱርክ፣ ስሪላንካ፣ ቻምቦዲያ እና ኔፓል ደግሞ ድርጅቱን ለመቀላቀል በሂደት ላይ እንደሆኑ ተገልጿል።

ከዓለማችን ህዝብ ቁጥር ውስጥ ግማሽ ገደማ የሖነው በዚህ ድርጅት ውስጥ በመደራጀት ላይ ሲሆኑ የድርጅቱ ሊቀመንበርነትን አባል ሀገራቱ በዙር እየመሩት ይገኛሉ።

የኡዝቤኪስታን ፕሬዝዳንት ሻቭካት ሚርዚቭ የወቅቱ የሻንጋይ የትብብር ድርጅትን በሊቀመንበርነት በመምራት ላይ ይገኛሉ።

የጀርመኑ መሪ ኦላፍ ሾልዝ የአውሮፓ ሀገራት በኔቶ ጥላ ስር ሆነው ኃላፊነታቸው እንዲወጡ አሳስበዋል

የሩስያ-ዩክሬን ጦርነት ጀርመን የመከላከያ ፖሊሲዋን እንድትለውጥ አስገድዷል

የጀርመኑ መራሄ መንግስት ኦላፍ ሾልዝ ሀገራቸው የአውሮፓን ጸጥታ ለመምራት የሚያችላት ግዙፍ ሆነ የታጠቀ ጦር ለመገንባት ዝግጁ ነች አሉ፡፡

ኦላፍ ሾልዝ፤ በሀገሪቱ ከፍተኛ ባለስልጣኖች ፊት ባደረጉት ንግግር “ጀርመን ከፍተኛ የኢኮኖሚ አቅም ያላትና በአህጉሪቱ መሃል ያለች ሀገር እንደመሆኗ፤ ሰራዊታችን በአውሮፓ ውስጥ የመደበኛ መከላከያ የማዕዘን ድንጋይ መሆን አለበት” ሲሉ ተደምጠዋል፡፡

የሩስያ-ዩክሬን ጦርነት ፤ ጀርመን በመከላከያ ፖሊሲዋ ላይ ለውጥ በማድረግ ጦሯን ይበልጥ ለማጠናከር የ100 ቢሊዮን ዩሮ ልዩ ተጨማሪ ፈንድ ለማድረግ ያስገደደ መሆኑ ይታወቃል፡፡

የቀድሞ የመከላከያ ሚኒስትር ጀርመን በወዳጆቿ የተከበበች ሀገር ናት የሚል የተሳሳተ እምነት እንደነበራቸው ያነሱት ኦላፍ ሾልዝ፤ ጀርመን ከራሷ አልፎ የአውሮፓን ደህንነት የሚያረጋጋ ጦር የመገንባቷ ጉዳይ ግድ መሆኑም አንስተዋል፡፡

“ጀርመን ለአህጉራችን ደህንነት የመሪነት ሀላፊነት ለመወጣት ዝግጁ መሆኗን በግልጽ እና በታማኝነት እያሳየን ነው” ብለዋል ኦላፍ ሾልዝ።

ኦላፍ ሾልዝ፤ የአውሮፓ ሀገራት በሰሜን አትላንቲክ የጦር ቃል ኪዳን ድርጅት (ኔቶ) ጥላ ስር ሆነው የበለጠ ኃላፊነት ሊወጡ እንደሚገባም አሳስበዋል።

“እኛ አውሮፓውያን በኔቶ ውስጥ የበለጠ ሀላፊነት መውሰድ አለብን፤ ዘመናዊ እና ብቃት ያለው ጦር ያሏቸው ሁለቱ የአውሮፓ ሀገራት ፊንላንድ እና ስዊድን በቅርቡ ወደ ኔቶ መቀላቀላቸው በጣም ጥሩ ነው” ማታቸውም ዩሮ ኒውስ ዘግቧል፡፡

 ኦላፍ ሾልዝ ባለፈው አመት በአፍጋኒስታን እንደነበረው እንደ ኢራቅ ፣ ማሊ እና ኒጀር በመሳሰሉና የአውሮፓ ምክር ወይም የስልጠና ተልእኮዎችን የሚያስፈልጋቸው ሀገራት ላይ ተልእኮዎችን ለመወጣት የሚያስችሉ “የአውሮፓ ዋና መስሪያ ቤቶች” ማቋቋም እንደሚደግፉም ተናግረዋል፡፡

ለዩክሬን ወታደራዊ ድጋፍ ለመላክ ዘግይተዋል ተብለው ሲተቹ የነበሩት የጀርመኑ መራሄ መንግስት፤ አሁን ላይ ለኪቭ የሚያደርጉት ድጋፍ አጠናክረው መቀጠላቸው የሚታወቅ ነው፡፡

የጀርመን መራሄ መንግስት ኦላፍ ሾልዝ ሀገራቸው ለዩክሬን አዲስ የጦር መሳሪያ ልታበረክት መሆኑን እና በቅርቡ እንደሚላክላት መናገራቸውም ይታወሳል።

ኦላፍ ሾልዝ ሃምሌ ላይ በዩክሬን ጉብኝት ማድረጋቸው የሚታወስ ሲሆን ሀገራቸው ዩክሬንን ለማገዝ ዝግጁ መሆኗን ለፕሬዝዳንት ዘለንስኪ መግለጻቸውም አይዘነጋም

ኤስሲኦ ተሰኘው የጸጥታ ቡድን የተመሰረተው በፈረንጆቹ 2011 ነበር

በአሜሪካ የሚደገፈው የአረብ-እስራኤል ጥምረት ኢራን ከሩሲያ ስትራቴጂካዊ ግንኙነት እንድትመሰርት ገፋፍቷታል ተብሏል

የአሜሪካን የኢኮኖሚ ማእቀብ ለመቋቋም ጥረት እያደረገች ያለችው ኢራን በሩሲያ እና በቻይና የሚመራው የሴንትራል እሲያ የጸጥታ አካል ቋሚ አባል ለመሆን ቀርባለች፡፡

ባለፈው ሃሙስ የኢራን የውጭ ጉዳይ ሚኒስትር ሁሴን አሚርአብዶላሂያን ስብሰባውን በዚህ ሳምንት ያካሄደውን የሻንጋይ ኮኦፐሬሽን ድርጅት(ኤስሲኦ) ለመቀለቀል የሚያስችል መግባባቢያ ሰነድ መፈረማቸውን ሮይተርስ ዘግቧል፡፡

በፈረንቹ 2001 የተቋቋመው በሩሲያ እና ቻይና የነበረ ሲሆን ከተመሰረተ ከአራት አመት በኋላ ህንድ እና ፓኪስታንን አካቷል፤ ይህም በቀጣናው ያለውን የምእራባውያን ጫና ለመቋቋም አላማ ያደረገ ነበር፡፡

ውጭ ጉዳይ ሚኒስትሩ በኢንስታግራም ገጻቸው እንደጻፉት ኢራን የኤስሲኦ ሙሉ አባል ለመሆን በመፈረም፣ ኢራን የኢኮኖሚ፤የንግድ እና የኢነርጅ ትብብር የምታደርግበት አዲስ ምእራፍ ውስጥ ገብታለች ሲሉ ጽፈዋል፡፡

የኢራን ፕሬዝደንት ኢብራሂም ሬኢሲ በኡዝቤክስታን የተካሄውን የተካፈሉ ሲሆን በወቅቱም ከሩሲያው ፕሬዝደንት ፑቲን ጋር ተገናኝተው የነበሩ መሆኑን የኢራን ሚዲያዎች ዘግበዋል፡፡

አውዛጋቢ በሆነው የኢራን የኑክለር ጉዳይ ምእራባውያን የጣሉባትን መእቀብ የምትቋቋምበትን መንገድ የኤስሲኦ አባልት እንዲረዷት መጠየቋን ተከትሎ ነበር ወደ ቡድኑ እንድትገባ የተፈቀደላት፡፡

 ያእደገ የመጣው ማእቀብ እና በአሜሪካ የሚደገፈው የአረብ-እስራኤል ጥምረት የኢራኑን መሪ ከሩሲያ ጋር ኢኮኖሚያዊ እና ስትራቴጂካዊ ግንኙነት እንድትመሰርት እንደገፋፋቸው ዘገባው ጠቅሷል፡፡

“ኢራን ከሩሲያ ጋር ያላትን ግንኙነት ከኢኮኖሚ እስከ ኤሮስፔስ እና የፖለቲካ ዘርፎች ለማሳደግ ቆርጣ ተነስታለች” ሲሉ ራይሲ ለፑቲን በስብሰባቸው ወቅት ተናግረዋል።

“በቴህራን እና በሞስኮ መካከል ያለው ትብብር በአገሮቻችን ላይ በዩኤስ ማዕቀቦች ላይ የተጣለውን ውስንነት በእጅጉ ያስወግዳል”ብለዋል።

የሀገሪቱ ፓርላማ በአደጋ ወቅት በጠላት ኢላማዎች ላይ የኒውክሌር ጥቃት እንድትፈጽም የሚፈቅ ህግ አጽድቋል

በኒውክሌር ጉዳይ ድርድር የለም ያሉት ኪም ጆንግ ኡን “ሰላም ሊገኝ የሚችለውም በኃይል ብቻ ነው” ብለዋል

የሰሜን ኮሪያው መሪ ኪም ጆንግ ኡን ሀገራቸውን “የኒውክሌር የታጠቀች ሀገር” ሆናለች ሲሉ አወጁ፡፡

ኪም ጆንግ ኡን ሊቀለበስ የማይችል ነው ባሉት ውሳኔያቸው፤ ሀገራቸው የኒውክሌር የታጠቀች ሀገር የሆነችበትን አዲስ ህግ ይፋ አድርገዋል።

” ሀገራችን የኒውክሌር ጦር መሳሪያ ባለቤት ሆናለች” ብለዋል ኪም ጆንግ ኡን።

“በአዲሱ ህግ መሰረት የኒውክሌር ጦር መሳሪያዎቻችን ጉዳይ መደራደር የማይታሰብ ነው፤ ሰላም ሊገኝ የሚችለውም በኃይል ብቻ ነው” ሲሉም አክለዋል፡፡

“ሀገራችንን ከኒውክሌር ነፃ ለማድረግ ምንም አይነት ድርድር አይኖርም” ሲሉም ነው የተደመጡት ኪም ጆንግ ኡን፡፡

የሀገሪቱ ፓርላማም ዛሬ ረፋድ ላይ ሀገሪቱ አደጋዎች በሚጋረጡባት ወቅት በጠላት ኢላማዎች ላይ የኒውክሌር ጥቃትን እንድትጀምር የሚፈቅደውን ህግ አጽድቋል፡፡

በዚህም ሰሜን ኮሪያ የኒውክሌር ጦር መሳሪያ መያዝን እንደ ህጋዊ ጉዳይ ፣አስፈላጊና መሰረታዊ መብት አድርጋ በመመልከት ባጸደቀችው አዲስ ህግ ራሷን “የኒውክሌር ጦር መሳሪያ ያላት ሀገር” መሆኗ አውጃለች ሲል የኮሪያ ሴንትራል ኒውስ ኤጀንሲ ዘግቧል፡፡

ነገር ግን በአዲሱ ህግ መሰረት የኒውክሌር ጦር መሳሪያን ከማንም ጋር እንደማትጋራ እንዲሁም የአቶሚክ ቴክኖሎጂ እና ቁሳቁስ እንደማታስተላልፍም አስታውቃለች።

ሰሜን ኮሪያ ከ2017 ወዲህ ለመጀመሪያ ጊዜ የኒውክሌር ሙከራ ለማድረግ በዝግጅት ላይ እንደምትገኝ ታዛቢዎች እየገለጹ ነው።

እንደፈረንጆቹ በ2018 የቀድሞ የአሜሪካ ፕሬዝዳንት ዶናልድ ትራምፕና ሌሎች መሪዎች ሰሜን ኮሪያ ኒውክሌር ማበልጸጓን እንድትተው ኪም ጆንግ ኡንን ለማሳመን ያደረጉት ጥረት እንዳልተሳካ የሚታወስ ነው፡፡

እድሜያቸው 55 እና ከዛ በላይ የሆኑ አሜሪካዊያን ሀገራቸው በትክክለኛው መንገድ ላይ ናት ብለው ያምናሉ ተብሏል

የአሜሪካው ሞንማውዝ የተሰኘው ዩንቨርስቲ በአሜሪካ ወቅታዊ ሁኔታ ላይ ያጠናውን ጥናት ይፋ አድርጓል

ከ80 በመቶ በላይ አሜሪካዊያን ሀገራቸው በተሳሳተ መንገድ ላይ እንዳለች እንደሚያምኑ ጥናት አመለከተ።

የአሜሪካው ሞንማውዝ ዩንቨርስቲ ባሳለፍነው ሀምሌ ወር ላይ አሜሪካዊያን አሁን ባለው አስተዳድር  ላይ ያላቸውን አመለካከት ለማወቅ ጥናት አካሂዷል

በዚህ ጥናት ላይ 978 ሰዎች የተሳተፉ ሲሆን በጥናቱ ከተሳተፉ ሰዎች መካከል ከ80 በላይ ያህሉ አሜሪካ በተሳሳተ መንገድ እየተጓዘች እንደሆነ ያምናሉ።

በጥናቱ ከተሳተፉት ውስጥ እድሜያቸው 55 እና ከዛ በላይ ከሆናቸው ሰዎች ውስጥ 16 በመቶዎቹ ግን ሀገራቸው በትክክለኛው መንገድ ላይ መሆኗን ያምናሉ ሲል ዘ ሂል የተሰኘው የአሜሪካው ሚዲያ ዘግቧል።

በዚህ ጥናት መሰረት አሜሪካ በታሪኳ በህዝቧ ዝቅተኛ ግምት የተሰጠው የጥናት ውጤት አሳይታለች ተብሏል።

ዩንቨርሲቲው ግንቦት ወር ላይ ተመሳሳይ ጥናት ማካሄዱ የተገለጸ ሲሆን በሀምሌ ወር ላይ የተገኘው የጥናት ውጤት ግን ሀገራቸው በተሳሳተ ጎዳና ላይ እንደሆነች የሚያምኑ አሜሪካዊያን ቁጥር በ9 በመቶ ጨምረዋል።

የጥናቱ ተሳታፊዎች ከመላው የአሜሪካ ግዛቶች የተካተቱ ሲሆን በዚህ ጥናት መሰረት አሜሪካ በታሪኳ ከፍተኛው ችግር ላይ ትገኛለች ተብሏል።

በትናቱ ከተሳተፉ ሰዎች ውስጥ 92 በመቶ የሚሆኑት የሪፐብሊካን ፓርቲ ደጋፊዎች አሜሪካ በተሳሳተ መንገድ ላይ ነች ብለው ያምናሉም ተብሏል።

በጥናቱ ከተሳተፉ የሪፐብሊካን ፓርቲ ደጋፊዎች ውስጥ 6 በመቶዎቹ ብቻ ሀገራቸው በትክክለኛውም መንገድ ላይ ናት የሚል አመለካከት እንዳላቸው ተገልጿል።

በአሜሪካ የጋዝ ምርቶች ዋጋ ማሻቀብ፣ እና የኑሮ ውድነቱ የአሜሪካዊያን ዋነኛ የወቅቱ ችግር እንደሆነም በጥናቱ የተሳተፉ ሰዎች ተናግረዋል።

ይሄንንም ተከትሎ በጥናቱ ከተሳተፉ አሜሪካዊያን ውስጥ 38 በመቶ የሚሆኑ አሜሪካዊያን በቅርቡ የሚካሄደውን የኮንግረስ ምርጫ ዲሞክራቶች እንዲቆጣጠሩት ሲፈልጉ 36 በመቶዎቹ መላሾች ደግሞ ኮንግረሱን ሪፐብሊካኖች እንዲይዙት እንደሚፈልጉም ጥናቱ ያሳያል።

ሩሲያ ከጦርነቱ ከተጀመረ በኋላ ከበርካታ ሀገራት ጋር በሩብል ለመገበያየት ተስማምታለች

ከዓለም ዙሪያ

2022/9/12 13:28 GMT

ሩሲያ ጦርነቱ ከተጀመረ በኋላ ከበርካታ ሀገራት ጋር በሩብል ለመገበያየት መስማማቷ ይታወሳል

ዶላን ከገበያ የማስወጣት እንቅስቃሴ የማይቀር ነው ሲሉ ፕሬዝደንት ፑቲን ተናግረዋል፡፡

ፕሬዝደንት ፑቱን በኢኮኖሚ ጉዳዮች ላይ ትኩረት አድርገው ንግግር ባሰሙበት ወቅት ሩሲያ ከምእራባውያን የተሰነዘሩባትን መእቀቦች መቋቋም መቻሏን መግጻቸውን የሩሲያው አርቲ ዘግቧል፡፡

ሩሲያ ማእቀቦቹን የተቋቋመችው የተለያዩ የመከላከያ መንገዶችን በመጠቀም ነው ብለዋል ፑቲን፡፡

በቀጣይ የኢኮኖሚ አቅጣጫዎች ላይ የተናገሩት ፑቲን ዶላርን ከመገበያያነት የማስወጣት እንቅስቃሴ የማይቀር ነው ሲሉ ተናግረዋል፡፡

ሩሲያ በዩክሬን ላይ “ልዩ ወታደራዊ ዘመቻ” ከጀመረች በኋላ አሜሪካን ጨምሮ ምእራባውያን በሺዎች የሚቆጠሩ ማእቀቦችን ጥለውባታል፡፡ ሩሲያ ከጦርነቱ ከተጀመረ በኋላ ከበርካታ ሀገራት ጋር በሩብል ለመገበያየት ከስምምነት መድረሷ ይታወሳል፡፡

ሩሲያ ምእራባውያን ለሚገዙት ጋዝ በሩሲያ ገንዘብ ሩብል እንከፍሉ በማድረግ እና ከዚህም አለፍ ሲል የጋዝ ማስተላለፊያ መስመሮችን በመዝጋት በምእራባውያን ሀገራት የአጸፋ እርምጃ ወስዳለች፡፡ በቅርቡ ለጥገና በሚል የዘጋችው ጋዝን ከሩሲያ ወደ ጀርመን የሚደውስደው ኖርድ ስትሪም 1 የተሰኘውን የጋዝ ማስተላለፊያ መስመር እንደማትከፍት መግለጽ ይታወሳል፡፡

ጀርመን በሩሲያ ውሳኔ በእጅጉ አዝናለች፡፡

ሩሲያ እውቅና የሰጠቻቸው ሉሃንስክ ግዛት አሁን ሙሉበሙሉ ነጻ የወጣ ሲሆን የዶምባስ ግዛትን ሙሉ ለሙሉ ነጻ ለማውጣት ጦርነት እያካሄደች ትገኛለች፡፡

ዩክሬን በቅርቡ በሩሲያ ሃይሎች ላይ ድል በመቀዳጀት የተወሰኑ ቦታዎች ማስለቀቋን እየገለጸች፤ ነገርግን ሩሲያ ቦታ የለቀቀችው ጦሯን በደንብ ለማደራጀት ነው ብላለች፡፡

በዳግማዊት ንግሥት ኤልዛቤጥ ሥርዓተ ቀብር ላይ የቻይና መንግሥት ተወካዮች እንዲገኙ የቀረበው ግብዣ እንዲሰረዝ የዩናይትድ ኪንግደም ፖለቲከኞች እና የምክር ቤት አባላት ጠየቁ።

የቻይና መንግሥት ተወካዮች በቀብር ሥነ ሥርዓቱ ላይ እንዲገኙ በዩናይትድ ኪንግደም (ዩኬ) መንግሥት መጋበዛቸው አሳስቦናል በማለት ለአገሪቱ የውጭ ጉዳይ ቢሮ ደብዳቤ ከጻፉት መካከል የወግ አጥባቂው ፓርቲ ጉምቱ አባላት ይገኙበታል።

የምክር ቤት አባላቱ በቻእና አነሳ በሆኑት ዊገር ሙስሊም ማኅብረሰብ አባላት ላይ “የዘር ማጥፋት” ወንጀል የሚያስጽሙት ባለሥልጣንት መጋበዛቸው አሳሳቢ ነው ብለዋል።

የፊታችን ሰኞ መስከረም 09/2015 ዓ.ም. በሚከናወነው የንግሥቲቱ ሥርዓተ ቀብር ላይ እንዲገኙ ለቻይናው ፕሬዝዳንት ዢ ጂንፒንግ ይፋዊ ጥሪ የቀረበ ቢሆንም ፕሬዝዳንቱ ግን ይገኛሉ ተብሎ አይጠበቅም።

ፕሬዝዳንቱ በዚህ ሳምንት ከሁለት ዓመታት በኋላ በመጀመሪያቸው በሆነው የውጭ አገር የሥራ ጉብኝት ጉዟቸው ወደ ካዛኪስታን እና ኡዝቤኪስታን አቅንተዋል።

የቻይናው ‘ሳውዝ ቻይና ሞርኒን ፖስት’ ጋዜጣ ዲፕሎማቲክ ምንጮቹን ጠቅሶ እንደዘገበው ከሆነ በቀብር ሥነ ሥርዓቱ ላይ ምክትል ፕሬዝዳንት ዋንግ ኪሻን ይገኛሉ ተብሎ ይጠበቃል።

በንግሥቷ ቀብር ላይ ማን ይገኛል?

በንግሥቲቱ የቀብር ሥነ ሥርዓት ላይ ወደ 500 የሚጠጉ ርዕሳነ ብሔራት እና የውጭ አገር ተወካዮች ይገኛሉ ተብሎ ይጠበቃል።

አብዛኞቹ መሪዎች በንግድ አውሮፕላን በረራዎች እንዲመጡ የተጠየቁ ሲሆን፤ ምዕራብ ለንደን ከሚገኝ ቦታ በአውቶብስ እንደሚጓጓዙም ተነግሯቸዋል ተብሏል።

በዕለቱ በቀብር ሥነ ሥርዓቱ ላይ ከሚገኙት መካከል ከመላው አውሮፓ የሚመጡ ንጉሣውያን ቤተሰብ አባላት ይገኙበታል።

የቤልጂየም፣ የኔዘርላንድስ፣ የስፔን ነገሥታት የሚገኙ ሲሆን፣ የኖርዌይ፣ የስዊድን፣ የዴንማርክ እና የሞናኮ ንጉሣውያን ቤተሰቦችም በቀብሩ ላይ እንዲገኙ ጥሪ ቀርቦላቸዋል።

ከአገራት መሪዎች መካከል የአሜሪካ ፕሬዝዳንት ጆ ባይደን ከእነ ባለቤታቸው በቀብር ሥነ ሥርዓቱ ላይ እንደሚገኙ ዋይት ሐውስ አረጋግጧል።

ከኮመንዌልዝ አገራት መሪዎች መካከል የአውስትራሊ፣ የካናዳ እና የኒው ዚላንድ ጠቅላይ ሚንስትሮች ጥሪውን ተቀብለዋል።

የጀርመን፣ የጣሊያን፣ የፈረንሳይ፣ የደቡብ ኮሪያ፣ የብራዚል እና የቱርክ ፕሬዝዳንቶችም እንደሚገኙ ይጠበቃል።

ያልተገባዙትስ እነማን ናቸው?

ከሩሲያ፣ ከቤላሩስ እና ከሚያንማር በዩናይትድ ኪንግደም ንግሥት የቀብር ሥነ ሥርዓቱ ላይ እንዲገኙ የተጋበዙ ባለሥልጣንት የሉም።

ፕሬዝዳንት ቭላድሚር ፑቲን በንግሥቲቱ ቀብር ላይ የመገኘት ዕቅድ እንደሌላቸው ቃል አቀባያቸው ቀደም ሲል ተናግረው ነበር።

ዩናይትድ ኪንግደም ከሶሪያ፣ ከቬንዙዌላ እና ከአፍጋኒስታን ጋር ሙሉ ዲፕሎማሲያዊ ግንኙነት ስለሌላት ከእነዚህ አገራት በሥነ ሥርዓቱ ላይ የሚገኝ አይኖርም።

ሰሜን ኮሪያ፣ ኢራን እና ኒካራጉዋ ደግሞ አምባሳደሮቻቸውን ብቻ እንዲልኩ ተጋብዘዋል።

በሩሲያና በቻይና መርከቦች መካከል የመረጃ ልውውጥ እና የኢላማ ተኩስ የልምምዱ አካል ናቸው

የጦር ልምምዱ በሩሲያና በቻይና ባህር ኃሎች መካከል ያለውን ትብብር ለማጠናከር ያለመ ነው

የቻይና እና የሩሲያ ባህር ኃይሎች በፓስፊክ ውቂያኖስ ላይ ታክቲካዊ የውጊያ ልምምድ ማድረጋቸው ተገለፀ።

በጦር ልምምዱ ላይ የሩሲያ ባህር ኃይል አባላት ከቻይና አቻቸው ጋር የኮሙዩኒኬሽን እና ሌሎችም ወታደራዊ ልምምዶችን ማድረጋቸውን አር.ቲ ዘግቧል።

በልምመዱም በቻይና እና በሩሲያ የጦር መርከቦች መካከል ግንኙነት እንዴት መለዋወጥ እንደሚችል፣ የባህር ላይ የተኩስ ልምምድ እና የጦር መርከብ ሄሊኮፕተር ድጋፍ አሰጣጥ ላይ ልምምድ አድርገዋል።

የውጊያ ልምምዱ በቤጂንግ እና በሞስኮ የባህር ኃይሎች መካከል ያለውን ትብብር ለማጠናከር ታስቦ የተዘጋጀ ነው ተብሏ።

በተጨማሪም ልምምዱ የእሲያ-ፓስፊክ ቀጠናን ሰላም እና መረጋጋት ለማስጠበቅ እና በሁለቱ ሀገራት መካከል ያለውን ኢኮኖሚያዊ እንቅቃሴዎችን ለመጠበቅ ያለመ ነው።

የቻይና እና የሩሲያ ወታደሮች ከሳምንታት በፊት ሩሲያ አስተናጋጅነት በተካሄደው የቮሶቶክ 2022 ወታደራዊ ልምምድ ላይ የጋራ ልምምድ አድርገው እንደነበረ ይታወሳል።

በዚሁ ልምምድ ላይ የቻይና እና የሩሲያ ወታደሮች በጋራ ወታደራዊ የኢላማ ተኩስ ልምምድ ማድረጋቸው ተገልጿል።

በዚህም የሩሲያ የፓስፊክ የባህር ኃይል እና የቻይና ባህር ኃይል ከጦር መርከቦች ላይ በመሆን የምድር ላይ ኢላማዎችን የመምታት የተኩስ ልምምድ አካሂደዋል ነው የተባለው።

በወቅቱም ቻይን ቻይና የጦር ልምምዱ ከወቅቱ የሩሲያ እና ዩክሬን ጦርነት ጋር እንደማይገናኝ መግለጿ ይታወሳል።

ዩክሬን የረጅም ርቀት ተተኳሽ የጦር መሳሪያ እንዲሰጣት ለአሜሪካ ጥያቄ አቅርባለች

የሩሲያ እና ዩክሬን ጦርነት ከተጀመረ 206ኛ ቀኑ ላይ ይገኛል

ለዩክሬን የረጅም ርቀት መሳሪያ ማስታጠቅ ቀይ መስመርን ነው ስትል ሩሲያ አስጠነቀቀች፡፡

ከስድስት ወር በፊት የተጀመረው የሩሲያ ዩክሬን ጦርነት አሁንም እንደቀጠለ ሲሆን ሀያላን ሀገራት ጎራ ለይተው ድጋፍ በማሰባሰብ ላይ ይገኛሉ፡፡

በዚህ ጦርነት ሩሲያ እንድትሸነፍ አሜሪካ እና የአውሮፓ ሀገራት ለዩክሬን የተለያዩ ዘመናዊ የጦር መሳሪያዎችን በማስታጠቅ ላይ ናቸው፡፡

ዩክሬንም ከነዚህ ሀገራት የሚደረግላትን የጦር መሳሪያ በመጠቀም በሩሲያ ተይዘው የነበሩ ቦታዎችን መልሳ በማስለቀቅ ላይ ስትሆን አሜሪካ የረጅም ርቀት ተምዘግዛጊ የጦር መሳሪያዎች እንዲሰጧት ጠይቃለች፡፡

ሩሲያ በበኩሏ ለዩክሬን የረጅም ርቀት ተምዘግዛጊ የጦር መሳሪያ ማስታጠቅ ማለት ቀይ መስመርን ማለፍ ነው ስትል አስጠንቅቃለች፡፡

የሩሲያ ውጭ ጉዳይ ሚኒስቴር ቃል አቀባይ እንዳሉት አሜሪካ ለዩክሬን የረጅም ርቀት የጦር መሳሪያ ካስታጠቀች ሞስኮ ራሷን ለመከላከል ስትል እርምጃ ትወስዳለች ማለታቸውን ሮይተርስ ዘግቧል፡፡

የአሜሪካ መከላከያ ዋና አዛዥ ሊዮድ ኦስቲን ሀገራቸው ለዩክሬን ተጨማሪ የ675 ሚሊዮን ዶላር ግምት ያላቸው የጦር መሳሪያዎች ልትሰጥ እንደምትችል ተናግረዋል፡፡

የዩክሬን ፕሬዝዳንት ቮሎዶሚር ዘለንስኪ በበኩላቸው ከአሜሪካ እና ምዕራባዊያን በሚደረግላቸው የጦር መሳሪያ ድጋፍ በሩሲያ ጦር ተይዘው የነበሩ አካባቢዎችን እያስለቀቁ መሆኑን ገልጸዋል፡፡

በሩሲያ የተያዙ ሌሎች የዩክሬን ግዛቶችን ለማስለቀቅም የረጅም ርቀት የጦር መሳሪያዎች እና ሌሎች አጋዥ መሳሪያዎች ድጋፍ እንዲደረግላቸው ለአሜሪካ እና አውሮፓ ህብረት ሀገራት ጥያቄ አቅርበዋል፡፡

ለሰባት ወራት በዘለቀው የሩሲያ ጦርነት ከሁለቱም ወገኖች በርካታ ወታደሮች እና ንጹሃን የተገደሉ ሲሆን ከ10 ሚሊዮን በላይ ዜጎች ደግሞ ወደ ጎረቤት ሀገራት እንደተሰደዱ ተመድ ገልጿል፡፡ 

ጠቅላይ ሚኒስትር ማግዳሊና አንደርሰን የስልጣን መልቀቂያ ደብዳቤ ለፓርላማው አስገብተዋል

ጠቅላይ ሚኒስትሯ መልቀቂያ ያስገቡት ፓርቲያቸው በምርጫ መሸነፉን ተከትሎ ነው

የስዊድኗ ጠቅላይ ሚኒስትር የስልጣን መልቀቂያ ደብዳቤ አስገቡ ፡፡

ባለፈው እሁድ በስዊድን የህግ አውጪ ምክር ቤት ምርጫ ተካሂዶ የነበረ ሲሆን ሀገሪቱን በጠቅላይ ሚኒስትርነት የሚመሩት አንደርሰን ፓርቲ በምርጫው ተሸንፏል፡፡

ይሄንን ተከትሎም ጠቅላይ ሚኒስትር አንደርሰን የግድ መንግስታቸውን አፍርሰው በምርጫው ላሸነፈው ቀኝ ዘመም ፓርቲዎች ስልጣን ማስረከብ ይጠበቅባቸዋል፡፡

በዛሬው ዕለትም ጠቅላይ ሚኒስትር አንደርሰን ለሀገሪቱ ህግ አውጪ ምክር ቤት የስልጣን መልቀቂያ ደብዳቤ ማስገባታቸውን ቢቢሲ ዘግቧል፡፡

የስዊድን ግራ ዘመመም ፓርቲዎች ከዚህ በፊት የነበረውን ምርጫ አሸንፈፈው ጠቅላይ ሚኒስትር ማግደሊና አንደርሰንን በጠቅላይ ሚኒስትርነት ሾመው የነበረ ሲሆን አሁን በተካሄደው ምርጫ ደግሞ ቀኝ ዘመም ፓርቲዎች በጠባብ ልዩነት አሸንፈዋል፡፡

ግራ ዘመም ፓርቲዎች ምርጫውን 173 ለ176 ድምጽ ልዩነት የተሸነፉ ሲሆን የሞደሬት ፓርቲ መሪ የሆኑት ኡልፍ ክሪሰትረሰን አዲስ መንግስት እንደሚመሰርቱ ይጠበቃልም ተብሏል፡፡

ላለፉት 11 ወራት ስዊድንን በጠቅላይ ሚኒስትርነት የመሩት አንደርሰን የኑሮ ውድነት፣ የስደተኞች አያያዝ እና የግድያ ወንጀሎች መበራከት በምርጫው እንዲሸነፉ ዋነኛ ምክንያቶች እንደሆኑ ተገልጿል፡፡

የስዊድን ቀኝ ዘመም ፓርቲዎች በሀገራቸው አጥፊዎች ረጅም ዓመት የሚቆይ እስር እንዲፈረድባቸው ማድረግ ፣ስደተኞች ለሀገራቸው ደህንነት አደጋ በማይሆኑበት መንገድ እንዲያዙ እና ሌሎችንም ጉዳዮች የምረጡኝ ቅስቀሳቸው ዋነኛ አጀንዳዎች ነበሩ፡፡

ኦላፍ ሾልዝ፤ ፑቲን በተቻለ ፍጥነት ወደ “ዲፕሎማሲያዊ መፍትሄ” እንዲመጡ አሳስበዋል
የጀርመኑ መራሄ መንግስት ኦላፍ ሾልዝ “ሩሲያ ከዩክሬን ምድር ሙሉ በሙሉ ለቃ እንድትወጣ” ፑቲንን ጠየቁ፡፡

ኦላፍ ሾልዝ ከፑቲን ጋር በነበራቸው 90 ደቂቃ በፈጀ የስልክ ቆይታ ፤ “ፑቲን በተቻለ ፍጥነት ተኩስ አቁመው ወደ ዲፕሎማሲያዊ መፍትሄ እንዲመጡና ወታደራቸው ሙሉ በሙሉ ከዩክሬን ምድር በማውጣት የዩክሬን ግዛት ሉዓላዊነት እንዲያከብሩ” ማሳሰባቸው ቃል አቀባያቸው ስቴፈን ሃበስተሬት አስታውቋል፡፡

ኦላፍ ሾልዝ በተጨማሪም ሩሲያ በተደጋጋሚ የምትወቅሰውን እህል ከዩክሬን ወደ ውጭ የመላክ ጉዳይ የተደረሰውን የእህል ስምምነት እንድታከብር ፑቲንን መናገራቸውም ኤኤፍፒ ዘግቧል።

ፑቲን የእህል ስምምነቱን እንዳያጣጥሉ እና ሙሉ በሙሉ መተግበሩን እንዲቀጥሉም የጀርመኑ መራሄ መንግስት ኦላፍ ሾልዝ ተማጽነዋል፡፡

ኦላፍ ሾልዝ አሁን ላይ የጦርነቱ የስህበት ማዕከል ስለሆነው የዛፖሪዝሂያ የኒውክሌር ኃይል ማመንጫ ጣቢያ ደህንነት ጉዳይ በተመለከተም ለፑቲን ጥያቄ አንስተው ተወያይተዋል፡፡

በዚህም የጀርመኑ መሪ ፑቲን “ምንም አይነት መባባስ እንዲያስወግዱና በዓለም አቀፍ የአቶሚክ ኢነርጂ ኤጀንሲ የተመከሩትን እርምጃዎች (ነጻ ቀጠና እንዲቋቋም) ሙሉ በሙሉ እንዲተገብሩ” ጠይቀዋል።

የጀርመኑ መራሄ መንግስት ኦላፍ ሾልዝ ከፑቲን ጋር ዘለግ ያለ ቆይታ ያደረጉት፤ ሞስኮ በርሊን ለዩክሬን የጦር መሳሪያዎችን በመላክ ቀይ መስመር እየጣሰች ነው የሚል ማስጠንቀቅያ በሰጠቀችበት ማግስት መሆኑ ነው፡፡

በጀርመን የሩሲያ አምባሳደር ሰርጌይ ናቼቭ ፤ የዩክሬን መንግስት ጀርመን ስሪት አውዳሚ ጦር መሳሪያዎችን እየታጠቀ መሆኑ ሀቅ ነው ማለታቸው አይዘነጋም፡፡
የጦር መሳሪያዎች በሩሲያ ጦር ላይ ብቻ ሳይሆን በዶንባስ ክልል በሚገኙ ንጹሃን ዜጎችን ለማጥቃት እየዋሉ እንደሆነም ነበር የተናገሩት አምባሳደሩ፡፡

የጀርመን መራሄ መንግስት ኦላፍ ሾልዝ ሀገራቸው ለዩክሬን አዲስ የጦር መሳሪያ ልታበረክት መሆኑን እና በቅርቡ እንደሚላክላት መናገራቸው ይታወሳል።

ኦላፍ ሾልዝ ሃምሌ ላይ በዩክሬን ጉብኝት ማድረጋቸው የሚታወስ ሲሆን ሀገራቸው ዩክሬንን ለማገዝ ዝግጁ መሆኗን ለፕሬዝዳንት ዘለንስኪ በገልጸውላቸዋል።

ጀርመን ቀይ መስመር አልፋለች ስትል ሩሲያ አስጠነቀቀች
ጀርመንም ለዩክሬን ጦር መሳሪያ ለማቅረብ በሚል ፖሊሲ እስከ ማሻሻል ደርሳ እንደነበረ ይታወሳል።

ሩሲያም በተለያዩ ጊዜያት ከምእራባውያን ለዩክሬን ያበረከቷቸው የረጅም ርቀት ሮኬትን ጨምሮ ይለያዩ የጦር መሳሪያዎችን አወደምኩ ማለቷ አይዘነጋም።

የቻይናው መሪ ዢ ዢንፒንግ እና የሩሲያው አቻቸው ቭላድሚር ፑቲን በዩክሬን ስላለው ጦርነት እና በሌሎች “ዓለም አቀፋዊ እና ክልላዊ ጉዳዮች” ዙሪያ በሳምንቱ መጨረሻ እንደሚወያዩ ክሬምሊን ገለጸ።

መሪዎቹ በኡዝቤኪስታን የሚወያዩ ሲሆን ለምዕራቡ ዓለም “አማራጭ” በሚያሳየው ስብሰባ ላይ ነው የሚገናኙት ብሏል ክሬምሊን።

ዢ ከኮሮናቫይረስ ወረርሽኝ መከሰት በኋላ የመጀመሪያውን የባሕር ማዶ ጉብኝታቸውን እያደረጉ ነው።

ጉብኝቱ ዢ ሦስተኛ የሥልጣን ዘመን ለማግኘት በሚጥሩበት እና ፑቲን ከምዕራቡ ዓለም ጋር ያላቸው ግንኙነት በዩክሬን ጦርነት ምክንያት ዝቅተኛ ደረጃ በደረሰበት ወቅት የሚካሄድ ነው።

ዢ የሦስት ቀን ጉብኝታቸውን በካዛኪስታን ረቡዕ ጀምረዋል።

ከዚያም ለሁለት ቀናት በሚቆየውና በሳምርካንድ በሚካሄደው የሻንጋይ የትብብር ድርጅት (ኤስሲኦ) ስብሰባ ላይ ከፕሬዝዳንት ፑቲን ጋር ይገናኛሉ።

ፑቲን ከሕንድ፣ ከፓኪስታን፣ ከቱርክ እና ከኢራን መሪዎች ጋርም ይገናኛሉ።

ከቻይናው መሪ ጋር የሚያደርጉት ውይይት “በተለየ መልኩ ጠቃሚ ነው” ሲሉ የክሬምሊን የውጭ ጉዳይ ፖሊሲ ቃል አቀባይ ዩሪ ኡሻኮቭ ተናግረዋል።

ጉባኤው እየተካሄደ ካለው “ትልቅ የፖለቲካ ለውጥ ጀርባ የሚደረግ ነው” ብለዋል።

ኤስሲኦ እአአ በ2001 ከቀድሞ የሶቪየት ማዕከላዊ እስያ አራት አገራት ጋር የተመሠረተ ነው።

ቻይና እና ሩሲያ ድርጅቱን ለምዕራባውያን ቡድኖች እንደ አማራጭ ለማቀረብ ደፋ ቀና ሲሉ ቆይተዋል።

የዢ ጉብኝት ዜሮ ኮቪድ የተባለው ፖሊሲ በቀጠለበት እና በቻይና በአንዳንድ አካባቢዎች አሁንም የእንቅስቃሴ ገደብ በተጣለበት ወቅት ነው።

የተቀረው ዓለም ከቫይረሱ ጋር አብሮ መኖርን በመማር ወደ ቀድሞ  ሕይወት ሲመለስ ቤጂንግ ድንገተኛ ሁኔታ በተፈጠረ ቁጥር ሁሉንም ከተሞቿን እና ግዛቶችን መዝጋቷን ቀጥላለች።

ዢ ለመጨረሻ ጊዜ ከአገር ውጭ ጉብኝት ያደረጉት እአአ ጥር 2020 ምያንማርን ለመጎብኘት ሲያቀኑ ነው።

ይህም የመጀመርያው የእንቅስቃሴ ገደብ በውሃን ከመጣሉ ጥቂት ቀናት ቀደም ብሎ ነበር።

ከዚያን ጊዜ ጀምሮ በቻይና ለመቆየት የተገደዱ ሲሆን ሐምሌ ላይ ከዋናው ቻይና ውጭ ወደ ሆንግ ኮንግ አቅንተዋል።

ፑቲንም በውጭ አገራት ያልተለመደ ጉዞ እያደረጉ ነው።

የሩሲያ ወታደሮች ዩክሬንን ከወረሩ በኋላ በሐምሌ ወር ቴህራን ላይ ከቱርክ እና ከኢራን መሪዎች ጋር ካደረጉት ስብሰባ ወዲህ ይህ ሁለተኛው የውጭ ጉብኝታቸው ነው።

ሁለቱ መሪዎች በዚህ ዓመት ለሁለተኛ ጊዜ ነው የሚገናኙት። ለመጨረሻ ጊዜ የተገናኙት በየካቲት ወር ቤጂንግ ባዘጋጀችው የክረምት ኦሊምፒክ ነው።

በየካቲት የተካሄደውን ስብሰባ ተከትሎ ሁለቱ መሪዎች በጋራ ባወጡት መግለጫ በአገሮቻቸው መካከል ያለውን ወዳጅነት “ገደብ የለሽ” ብለውታል።

ሩሲያ ከቀናት በኋላ ዩክሬንን ወረረች። ቻይና ወረራውን ማውገዟንም ሆነ መደገፏን አልገለፀችም።

ቤጂንግ ለጦርነቱ ተጠያቂዎቹ ሁለቱም ወገኖች ናቸው ትላለች።

ቻይና በሩሲያ ላይ የተጣለው ዓለም አቀፍ ማዕቀብ አካል አይደለችም። በሁለቱ አገራት መካከል ያለው የንግድ ልውውጥም እያደገ መሄዱን ቀጥሏል።

ከዩክሬን ወረራ በኋላ ሕንድ እና ቻይና ከሩሲያ የሚያስገቡት ነዳጅ ጨምሯል።

ቻይና ከምዕራቡ ዓለም እና በተለይም ከአሜሪካ ጋር ያላትን ግንኙነት በቅርብ ወራት ወዲህ ውጥረት ነግሦበታል።

የታይዋን ጉዳይ ደግሞ ነገሩን አባብሶታል። ቻይና ደሴቱን የግዛቴ አካል ነው ትላለች።

የአሜሪካ ምክር ቤት አፈ ጉባኤ ናንሲ ፔሎሲ ደሴቲቱን መጎብኘታቸውን ተከትሎ “ምላሽ ለመስጠት” በሚል ቤጂንግ በታይዋን ዙሪያ ለአምስት ቀናት የሚቆይ ወታደራዊ ልምምድ አድርጋለች።

የቻይናን ጉዳይ የሚከታተሉ ባለሙያዎች እንደሚሉት በእንቅስቃሴ ገደብ እና ኢኮኖሚ መቀዛቀዝ ምክንያት ተግዳሮቶች ቢኖርባቸውም፣ ዢ ከሁለት ዓመት በኋላ ቻይናን ለቀው ለመውጣት መወሰናቸው በአመራሩ ላይ ያላቸውን እምነት ያሳያል።

ተንታኞች እንደሚሉት በመጪው ጥቅምት በሚካሄደው የቻይና ኮሚኒስት ፓርቲ ኮንግረስ ታይቶ በማይታወቅ ሁኔታ ለሦስተኛ ጊዜ እንዲመረጡ ይጠብቃሉ።

የሻንጋይ የትብብር ድርጅት ማነው?

ኤስሲኦ በቻይና፣ ሩሲያ፣ ካዛኪስታን፣ ኪርጊስታን፣ ታጃኪስታን እና ኡዝቤኪስታን የተመሠረተ የአውሮፓ እና እስያ አገራት የፖለቲካ ፣ የምጣኔ ሀብት እና የደኅንነት ድርጅት ነው።

ኢራን በ2001 የተቋቋመውን ድርጅት ለመቀላቀል ፍላጎት አላት።

ቻይና በቤልት ኤንድ ሮድ ፕሮጀክቶቿ በቀጠናው ትልቅ መዋዕለ ንዋይ የምታፈስ ሲሆን አባላቱ በንግድ ዙሪያ ይወያያሉ።

ቤጂንግ ከአውሮፓ ጋር ለምታደርገው የንግድ ልውውጥ አዳዲስ የባቡር መስመሮችን ለመዘርጋት የምትፈልግ ሲሆን የመካከለኛው እስያ አገራት ደግሞ ከቻይና ጋር የበለጠ ግንኙነት ለመፍጠር ጉጉት አላቸው።

ኪርጊስታን በ2023 ከቻይና እና ኡዝቤኪስታን ጋር የሚያገናኛትን አዲስ የባቡር መስመር ዝርጋታ እንደምትጀምር አስታውቃለች።

ጀርመን ለዩክሬን የጦር መሳሪያዎችን በመላኳ ነው ከሩሲያ ማስጠንቀቂያ የደረሳት

በበርሊን የሩሲያ አምባሳደር ጀርመን ለዩክሬን ያቀረበቻቸው የጦር መሳሪያዎች ነጹሃን እየተጎዱበት ነው ብለዋል

ጀርመን ለዩክሬን የጦር መሳሪያዎችን በመላክ ቀይ መስመር እየጣሰች ነው ሲሉ በበርሊን የሩሲያ አምባሳደር አስጠነቀቁ።

በጀርመን የሩሲያ አምባሳደር ሰርጌይ ናቼቭ፤ የዩክሬን መንግስት ጀርመን ስሪት አውዳሚ ጦር መሳሪያዎችን እየታጠቀ መሆኑ ሀቅ ነው ብለዋል።

ነገር ግን በእነዚህ የጦር መሳሪያዎች በሩሲያ ጦር ላይ ብቻ ሳይሆን በዶንባስ ክልል በሚገኙ ንጹሃን ዜጎችን ለማጥቃት እየዋሉ ነው፤ ይህ ደግሞ ቀይ መስመርን መጣስ ነው ማለታቸውን አር.ቲ ዘግቧል።

የጀርመን መራሄ መንግስት ኦላፍ ሾልዝ ሀገራቸው ለዩክሬን አዲስ የጦር መሳሪያ ልታበረክት መሆኑን እና በቅርቡ እንደሚላክላት መናገራቸው ይታወሳል።

አዲሱ የጦር መሳሪያ “ሱፐር ሞዴል ዊፐን” በመባል እንደሚጠራም መራሄ መንግስቱ የተናገሩ ሲሆን፤ በተጨማሪም ትልቅ የአየር መከላከያ ስርዓት፤ ራዳር እና ድሮኖች ለዩክሬን እንደሚላኩ አረጋግጠዋል።

የጀርመን መራሄ መንግስት ኦላፍ ሾልዝ ሃምሌ ላይ በዩክሬን ጉብኝት ማድረጋቸው የሚታወስ ሲሆን ሀገራቸው ዩክሬንን ለማገዝ ዝግጁ መሆኗን ለፕሬዝዳንት ዘለንስኪ በገልጸውላቸዋል።

ዩከሬን እና ሩሲያ ወደ ጦርነት መግባታቸውን ተከትሎ የተለያዩ የአውሮፓ ሀገራት ለዩክሬን የጦር መሳሪያ ድጋፍ በማድረግ ላይ ይገኛሉ።

ጀርመንም ለዩክሬን ጦር መሳሪያ ለማቅረብ በሚል ፖሊሲ እስከ ማሻሻል ደርሳ እንደነበረ ይታወሳል።

ሩሲያም በተለያዩ ጊዜያት ከምእራባውያን ለዩክሬን ያበረከቷቸው የረጅም ርቀት ሮኬትን ጨምሮ ይለያዩ የጦር መሳሪያዎችን አወደምኩ ማለቷ አይዘነጋም።

አንጋፋው ዲፕሎማት ሰርጌ ላቭሮቭ “በፑቲን ምትክ በጠቅላላ ጉባዔው ሩሲያን ወክለው በመሳተፍ ላይ ናቸው” ተብሏል
ለተባበሩት መንግስታት ድርጅት ጉባዔ የአሜሪካ ቪዛ ሲጠይቁ የቆዩት የሩሲያ ልዑካን ወደ ኒውዮርክ ለመሳተፍ የሚያችላቸው ቪዛ አግኝተዋል፡፡

የሩሲያው የውጭ ጉዳይ ሚኒስትር ሰርጌ ላቭሮቭ እና የሩሲያ ልዑካን ቡድን አባላት በኒውዮርኩ ስብሰባ ለመሳተፍ የሚያስችላቸው ቪዛ ማግኘታቸው የሩሲያ የውጭ ጉዳይ ሚኒስቴር አስታውቋል፡፡

ሩሲያ፤ 77 ኛው የተባበሩት መንግስታት ድርጅት ጠቅላላ ጉባዔ ለሚወክላት ልዑክ የቪዛ ጥያቄ ማቅረቧን ካቀረበች ብትቆይም አሁን ላይ የዘገየ ምላሽ ማግኘቷ ሮይተርስ ዘግቧል፡፡ሞስኮ፤ አሜሪካ በጠቅላላ ጉባኤው ሙሉ በሙሉ የሩሲያ ተሳትፎን ለመከላከል እየሞከረች ነው የሚል ክስ ስታሰማ መቆየቷም አይዘነጋም፡፡

“አሜሪካ ግዴታዎቿ እየጣሰች ነው” ሲሉም ነበር የከሬምሊን ሰዎች ዋሽንግተንን የወቀሱት፡፡
የሩሲያው ፕሬዝዳንት ቭላድሚር ፑቲን ዘንድሮ በሚካሄደው የተመድ ጠቅላላ ጉባዔ ላይ እንደማይገኙ ቀድመው መግለጻቸው ይታወሳል።

በዚህ መሰረት በጉባዔው ሩሲያን የሚወክሉት ከፑቲን ቀጥሎ ወዳጆቻቸው “ጠንካራው ዲፕሎማት” የሚሏቸው፤ ምዕራባውያን ደግሞ “አደገኛው” የሚሏቸው የዓለም አቀፍ ግንኙነት ምሩቁ ሰርጌ ላቭሮቭ ሆነዋል።

ሰርጌ ላቭሮቭ የሀገራቸው የውጭ ጉዳይ ሚኒስትር የሆኑት በአውሮፓውያኑ 2004 ነበር። የ77 ዓመቱ ሰርጌ ላቭሮቭ የውጭ ጉዳይ ሚኒስትር ከመሆናቸው በፊት ለ10 ዓመታት ማለትም ከአውሮፓውያኑ 1994 እስከ 2004 በተባበሩት መንግስታት ድርጅት የሩሲያ ቋሚ መልዕክተኛ ነበሩ።

ሩሲያን በተባበሩት መንግስታት ድርጅት 77 ኛው ጠቅላላ ጉባዔ ላይ የወከሉት ሰርጌ ላቭሮቭ በሀገራቸው ውጭ ጉዳይ መስሪያ ቤት መስራት የጀመሩት በ22 ዓመታቸው ሲሆን በድምሩ ለግማሽ ክፍለ ዘመን (ለ 50 ዓመታት) ያገለገሉም ናቸው።

77 ኛው የተባበሩት መንግስታት ድርጅት ጠቅላላ ጉባዔ በፈረንጆቹ ከዛሬ መስከረም 13 እስከ 20 በኒውዮርክ እንደሚካሄድ የወጣው መርሃ ግብር ያመለክታል።

ሞስኮ የኪቭ ጦር በሰላማዊ ሰዎች ላይ “አስከፊ” የሚሉ በደሎች እየፈጸመ ነው ስትል ከሳለች

ፕሬዝደንት ዜለንስኪ በመልሶ ማጥቃት 6 ሺህ ስኩዌር ኪሎ ሜትር ቦታ ከሩሲያ ኃይሎች ነጻ ወጥቷል ብለዋል

ሩሲያ በዩክሬን የውጊያ ግንባሮች ላይ “መጠነ ሰፊ ጥቃቶች” እያደረስኩ ነው አለች፡፡

የሩሲያ መከላከያ ሚኒስቴር የሩሲያ ኃይሎች በዩክሬን ጦር ላይ “የአየር፣ የሮኬት እና መድፍ የተቀናጀ ከፍተኛ ጥቃት እያደረሱ ነው” ብሏል፡፡

የክሬምሊን ባለስልጣናት የኪቭ ጦር መልሶ በያዘው ግዛት ውስጥ በሲቪሎች ላይ በደል ፈጽሟል ሲሉ ከሰዋል።

የፕሬዚዳንት ቭላድሚር ፑቲን ቃል አቀባይ በካርኪቭ ክልል በሰላማዊ ሰዎች ላይ “አስከፊ” የሚሉ በደሎች መፈጸማቸው የሚያመላክቱ ዘገባዎች እየወጡ መሆኑን ተናግረዋል።

https://facebook.com/KeAlemiZuriya

“ብዙ የቅጣት እርምጃዎች እየተወሰዱ ነው…ሰዎች እየተሰቃዩ ፣ እየተንገላቱ ነው “ሲሉም ነው ዲሚትሪ ፔስኮቭ ለጋዜጠኞች የተናገሩት።

ባለፈው ሳምንት የዩክሬን ኃይሎች የወሰዱት እርምጃን ተከትሎ የሩሲያ ጦር በዩክሬን ካርኪቭ ግዛት ውስጥ ከሚገኙት ሁለት አካባቢዎች (ባላክሊያ እና ኢዚየም ) ለማፈግፈግ መገደዳቸው ሮይተርስ መዘገቡ የሚታወስ ነው፡፡

በዚህም የዩክሬን ባለስልጣነት ወታደሮቻቸው ለሩሲያ ኃይሎች ወሳኝ አቅርቦት ማዕከል የሆነችውን ኩፒያንስክ መቆጣጠራቸው ሲገልጹ ቆይተዋል፡፡

ፕሬዝደንት ቮሎዲሚር ዜለንስኪ በሰጡት መገለጫ ወታደሮቻቸው በወሰዱት የመልሶ ማጥቃት እርምጃ “6 ሺህ ስኩዌር ኪሎ ሜትር ቦታ ከሩሲያ ነጻ መውጣቱ” ተናግረዋል።

የዩክሬን ባለስልጣነት ይህን ይበሉ እንጂ፤የተወሰደው የማፈግፈግ እርምጃ በምስራቅ ዩክሬን የመትገኘውን ዶንባስ ግዛት ነጻ ለማውጣት የሚያስችል በቂ ዝግጅት ለማድረግ ያለመ መሆኑን የምትገለጸው ሩሲያ በዩክሬን ምድር ፈለገቸውን ዓለማ ከመፈጸም የሚያግዳት ኃይል እንደሌለ በመግለጽ ላይ ናት፡፡

ሩሲያ፤ “ዓላማዬን እስከማሳካ የሚቆም ወታደራዊ ዘመቻ የለም” ስትል በትናንትናው እለት መግለጿም አይዘነጋም፡፡

የክሬምሊን ቃል አቀባይ ዲሚትሪ ፔስኮቭ ለጋዜጠኞች እንደተናገሩት “ልዩ ወታደራዊ ዘመቻው መጀመሪያ ላይ የተቀመጡት አላማዎች እስኪሳኩ ድረስ ይቀጥላል” ብለዋል።

አሁን ላይ የሩሲያ አየር፣ ሮኬቶችና መድፍ ኃይሎች የኩፒያንስክ እና ኢዚዩም የከተማ ማዕከሎችን ጨምሮ በዩክሬን የጦር ኃይሎች ይዞታወች ላይ መጠነ ሰፊ ጥቃት በመሰንዘር ላይ እንደሆኑም ተናግረዋል።

ቃል አቀባዩ ከኪቭ ጋር ሊኖሩ ስለሚችሉ የሰላም ንግግሮች ተጠይቀውም፤ በሞስኮ እና በኪቭ መካከል የሚደረጉ “የድርድር ተስፋዎች የሉም” የሚል ምላሽ መስጠታቸው ኤኤፍፒ ዘግቧል።

የዋሸንግተን መጠባበቂያ ነዳጅ ክምችት ዝቅ ያለው በዩክሬን ሩሲያ ጦርነት ምክንያት የነዳጅ ዋጋ በመናሩ ነው

የአሜሪካ መጠባበቂያ ነዳጅ ከ40 ዓመት በኋላ ቅናሽ ማሳየቱ  ተገለጸ።
የሩሲያ ዩክሬን ጦርነት ከተጀመረ ስድስት ወራት ያለፈው ሲሆን ጦርነቱ በዓለም ምግብ እና ነዳጅ ዋጋ ላይ ጭማሪ እንዲመዘገብ ምክንያት ሆኗል።

 ጦርነቱ በዓለም ዲፕሎማሲ ላይ የተለያዩ መፋለሶችን ያስከተለ ሲሆን ሀገራት ከትብብር ይልቅ ጎራ ለይተው እንዲሰለፉ እያደረገም ይገኛል።
ባለፈው ሳምንት ብቻ 8 ነጥብ 4 ሚሊዮን በርሜል ነዳጅ ከመጠባበቂያዋ በማውጣት ለዜጎቿ እንዲሸጥ አድርጋለች።

አሜሪካ ከአንድ ዓመት በፊት በመጠባበቂያ ክፍሏ ያስቀመጠችው ነዳጅ 621 ሚሊዮን በርሜል ነዳጅ ነበር።

ይሁንና በሩሲያ ዩክሬን ጦርነት መከሰትን ተከትሎ ባጋጠመ የነዳጅ ዋጋ መናር ምክንያት ኢኮኖሚውን ለማረጋጋት በሚል ከመጠባበቂያ ክፍሏ እያወጣች በመሸጥ ላይ እንደምትገኝ ብሉምበርግ ዘግቧል።
አሁን ላይ የአሜሪካ መጠባበቂያ ነዳጅ ክምችት መጠን 434 ሚሊዮን በርሜል ላይ ደርሷልም ተብሏል።

ከፈረንጆቹ 1984 ዓመት ጀምሮ የአሜሪካ መጠባበቂያ ነዳጅ ክምችት መጠን አሁን ካለበት መጠን ዝቅ ብሎ እንደማያውቅ በዘገባው ላይ ተጠቅሷል።

የአሜሪካ የነዳጅ አጠቃቀም መጠን በዚሁ ከቁጠለ ብሄራዊ የነዳጅ አጠቃቀም መጠን ወደ 358 ሚሊዮን በርሜል ዝቅ ይላል ተብሏል።

የዓለም ቀዳሚ ሰባት የበለጸጉ ሀገራት ስብስብ የሆነው የቡድን ሰባት ሀገራት በሩሲያ ነዳጅ ላይ የዋጋ ተመን ማውጣታቸው ይታወሳል
ሩሲያ በበኩሏ ነዳጇን በሚያዋጣት ዋጋ ብቻ እንደምትሸጥ ገልጻ ወደ አውሮፓ የምትልከውን ነዳጅ ሙሉ ለሙሉ ማቋረጧ አይዘነጋም። 

የከዓለም ዙሪያ ቤተሰብ ይሁኑ
ቴሌግራም፡ https://t.me/KeAlemiZuriya
ዩቲዩብ: https://youtube.com/c/Kealemizuriya
ድረገፅ: https://kealemizuriya.data.blog
ትዊተር: https://twitter.com/KeAlemiZuriya
ፌስቡክ: https://www.facebook.com/KeAlemiZuriya
ኢንስታግራም: https://www.instagram.com/Kealemizuriya

የሩሲያ መከላከያ ሚኒስቴር የሩሲያ ኃይሎች በዩክሬን ጦር ላይ “የአየር፣ የሮኬት እና መድፍ የተቀናጀ ከፍተኛ ጥቃት እያደረሱ ነው” ብሏል፡፡

የክሬምሊን ባለስልጣናት የኪቭ ጦር መልሶ በያዘው ግዛት ውስጥ በሲቪሎች ላይ በደል ፈጽሟል ሲሉ ከሰዋል።

የፕሬዚዳንት ቭላድሚር ፑቲን ቃል አቀባይ በካርኪቭ ክልል በሰላማዊ ሰዎች ላይ “አስከፊ” የሚሉ በደሎች መፈጸማቸው የሚያመላክቱ ዘገባዎች እየወጡ መሆኑን ተናግረዋል።

“ብዙ የቅጣት እርምጃዎች እየተወሰዱ ነው…ሰዎች እየተሰቃዩ ፣ እየተንገላቱ ነው “ሲሉም ነው ዲሚትሪ ፔስኮቭ ለጋዜጠኞች የተናገሩት።

ባለፈው ሳምንት የዩክሬን ኃይሎች የወሰዱት እርምጃን ተከትሎ የሩሲያ ጦር በዩክሬን ካርኪቭ ግዛት ውስጥ ከሚገኙት ሁለት አካባቢዎች (ባላክሊያ እና ኢዚየም ) ለማፈግፈግ መገደዳቸው ሮይተርስ መዘገቡ የሚታወስ ነው፡፡

በዚህም የዩክሬን ባለስልጣነት ወታደሮቻቸው ለሩሲያ ኃይሎች ወሳኝ አቅርቦት ማዕከል የሆነችውን ኩፒያንስክ መቆጣጠራቸው ሲገልጹ ቆይተዋል፡፡
ፕሬዝደንት ቮሎዲሚር ዜለንስኪ በሰጡት መገለጫ ወታደሮቻቸው በወሰዱት የመልሶ ማጥቃት እርምጃ “6 ሺህ ስኩዌር ኪሎ ሜትር ቦታ ከሩሲያ ነጻ መውጣቱ” ተናግረዋል።

የዩክሬን ባለስልጣነት ይህን ይበሉ እንጂ፤የተወሰደው የማፈግፈግ እርምጃ በምስራቅ ዩክሬን የመትገኘውን ዶንባስ ግዛት ነጻ ለማውጣት የሚያስችል በቂ ዝግጅት ለማድረግ ያለመ መሆኑን የምትገለጸው ሩሲያ በዩክሬን ምድር ፈለገቸውን ዓለማ ከመፈጸም የሚያግዳት ኃይል እንደሌለ በመግለጽ ላይ ናት፡፡

ሩሲያ፤ “ዓላማዬን እስከማሳካ የሚቆም ወታደራዊ ዘመቻ የለም” ስትል በትናንትናው እለት መግለጿም አይዘነጋም፡፡

የክሬምሊን ቃል አቀባይ ዲሚትሪ ፔስኮቭ ለጋዜጠኞች እንደተናገሩት “ልዩ ወታደራዊ ዘመቻው መጀመሪያ ላይ የተቀመጡት አላማዎች እስኪሳኩ ድረስ ይቀጥላል” ብለዋል።

አሁን ላይ የሩሲያ አየር፣ ሮኬቶችና መድፍ ኃይሎች የኩፒያንስክ እና ኢዚዩም የከተማ ማዕከሎችን ጨምሮ በዩክሬን የጦር ኃይሎች ይዞታወች ላይ መጠነ ሰፊ ጥቃት በመሰንዘር ላይ እንደሆኑም ተናግረዋል።

ቃል አቀባዩ ከኪቭ ጋር ሊኖሩ ስለሚችሉ የሰላም ንግግሮች ተጠይቀውም፤ በሞስኮ እና በኪቭ መካከል የሚደረጉ “የድርድር ተስፋዎች የሉም” የሚል ምላሽ መስጠታቸው ኤኤፍፒ ዘግቧል።

በአርመን እና በአዘርባጃን መካከል ጦርነት ተቀስቅሶ 49 ወታደሮች ተገደሉ
አርመን እና አዘርባጃን ጦርነት እንዲቀሰቀስ በማድረግ እርስበርሳቸው እየተካሰሱ ነው

የአርመኒያ ጠቅላይ ሚኒስቴር ኒኮል ፓሺኒያን በትናንትናው እለት ከአዘርባጃን ጋር በነበረው ጦርነት 49 የአርመን ወታደሮች ተገድለዋል ሲሉ መናገራቸውን ሮይተርስ ዘግቧል።

በአርመን ፖርላማ ቀርበው ንግግር ያደረጉት ጠቅላይ ሚኒስትሩ አዘርባጃን የአርመንን ይዞታዎች ማጥቃቷን እና ጦርነቱ አሁንም መቀጠሉን ተናግረዋል።
ሁለቱ ሀገራት ግጭቱ ወደ ጦርነት እንዲያመራ በማድረግ እርስበርሳቸው እየተካሰሱ ነው።

በአርመን እና አዘርባጃን መካከል ለአስርት አመታ ያሰቆጠረው አለመግባባት ኒጋርኖ ካራባክ በተባለ ቦታ መጀመሩ ይታወሳል።

በኒጋርኖ ካራባክ የተመረው የሁለቱ ሀገራት ጦርነት ቆሞ የነበረ ቢሆንም በድጋሚጨሊቀሰቀስ ችሏል።
ሪሲያ እና አሜሪካ ሁለቱም ሀገራት ግጭቱን ከማባባስ እንዲቆጠቡ አሳስበዋል።

አፍሪካ ህብረት “ተፋላሚ ወገኖች በአስቸኳይ ተኩስ ለማቆም እንዲሰሩና የፊት ለፊት ንግግር እንዲያካሄዱ” ጥሪ አቅርቧል

የኢትዮጵያ መንግስት ጦርነቱ በድጋሚ ከመቀስቀሱ በፊት ከህወሓት ጋር ያለቅደመ ሁኔታ በየትኛውም ቦታ እንደሚደራደር መግለጹ ይታወሳል

ህወሓት በአፍሪካ ህብረት ጥላ ስር በሚካሄደው የሰላም ድርድር ሂደት ውስጥ ለመሳተፍ ዝግጁ መሆኑን ትናንት ባውጣው መግለጫ አስታውቋል፡፡

 ህወሓት አቶ ጌታቸው ረዳን እና ጀነራል ጻድቃን ገ/ትንሳኤን ያከተተ ተደራዳሪ ቡድን መሰየሙን ይፋ ማድረጉ ይታወቃል፡፡

ህወሐት ትናንት ማምሻው በትግራይ የውጭ ግንኙነት ጸ/ቤቱ በኩል ባወጣው መግለጫ ፤ የተሰየመው ተዳራዳሪ ቡድን ወደፊት በሚደረገው ድርድር “የትግራይን መንግስት” የሚወከል ስልጣን ተሰጥቶታለል ብሏል፡፡

ህወሓት የተሰየመው ተደራዳሪ ቡድን “ሳይዘገይ ወደ ድርድር እንደሚገባ”ም ጠቁሟል፡፡

የአፍሪካ ህብረት በትግራይ ለተፈጠረው ችግር መፍትሔ “አያመጣም” ሲል የነበረው ህወሓት፤ በትናንትናው መግለጫው ግን በአፍሪካ ህብረት ጥላ ስር በሚደረግ ድርድር ላይ እንደሚሳተፍ ገልጿል፡፡

ጦርነቱን በድርድር ለመፍታት ሲያደርግ የነበረው የአፍሪካ ህብረት የህወሓት መግለጫ በአወንታ እንደሚመለከው አስታውቋል፡፡

የአፍሪካ ህብረት ኮሚሽን ሊቀ መንበር ሙሳ ፋኪ፤የትግራይ ክልል መንግስት ግጭቱን በሰላማዊ መንገድ ለመፍታትና በአፍሪካ ህብረት በሚመራ የሰላም ሂደት ለመሳተፍ ፍቃደኝነት ማሳየቱን በበጎ እንደሚቀበሉት አስታውቀዋል፡፡

እርመጃው በኢትዮጵያ ሰላም ለማስፈን ጥሩ እድል የሚፈጥር ነው ያሉት ሙሳ ፋኪ፤ “ተፋላሚ ወገኖች በአስቸኳይ ተኩስ ለማቆም እንዲሰሩና በአፍሪካ ህብረት መሪነት የፊት ለፊት ንግግር እንዲያካሄዱ” ጥሪ አቅርበዋል።

ፊት ለፊት የሚደረገው ድርድር በሁለቱም ወገኖች ተቀባይነት ያላቸው “ዓለም አቀፍ አጋሮችን ያካተተ” እንደሚሆንም ፍንጭ ሰጥተዋል የአፍሪካ ህብረት ኮሚሽን ሊቀ መንበሩ ሙሳ ፋኪ፡፡

የተባበሩት መንግስታት ድርጅትም ህወሓት በአፍሪካ ህብረት ጥላ ስር በሚደረገው የሰላም ሂደት ላይ ለመሳተፍ ባሳየው ፍላጎት ደሰተኛ መሆኑን ገልጿል፡፡

የተመድ ዋና ጸሃፊ አንቶኒዮ ጉቴሬዝ ፤ ሁለቱም ወገኖች ይህንን የሰላም እድል በመጠቀም ግጭትን በማቆም ለውይይት እንዲመርጡ ጠይቀዋል።

ሁለቱም ወገኖች፤ “በቅን ልቦና እና ሳይዘገዩ በአፍሪካ ህብረት የሚመራውን ሂደት በንቃት እንዲሳተፉና ውይይቱ እንዲካሄድ ምቹ ሁኔታዎችን እንዲፈጥሩ እናበረታታለን” ብለዋል ዋና ጸሃፊው፡፡

ተመድ በአፍሪካ ህብረት የሚመራውን የሰላም ሂደት ለመደገፍ ያለውን ዝግጁነት በድጋሚ አረጋግጠዋል፡፡

የሰሜን ኢትዮጵያ ግጭትን በተመለከተ ተደጋጋሚ መግለጫዎች ስያወጣ የነበረው አውሮፓ ህብረት በበኩሉ የትግራይ ክልል መንግስት ጦርነቱ ባስቸኳይ እንዲቆምና በአፍሪካ ህብረት በሚመራው የሰላም ሂደት ለመሳተፍ ዝግጁ መሆኑን መግለጹ በበጎ እንደሚመለከተው ገልጿል፡፡

የአውሮፓ ህብረት ምክትል ፕሬዝዳንት ጆሴፕ ቦሬል በትዊተር ገጻቸው ባጋሩት ጽሁፍ “እድሉ ሁሉም ሊጠቀሙበት ይገባል” ብለዋል፡፡

ህዝባዊ ወያነ ሓርነት ትግራይ (ህወሓት) ባወጣው መግለጫ ውጊያ ለማቆምና ያልተፈቱ ጉዳዮችን በውይይት ለመፍታት ዝግጁ መሆኑን ማስታወቁን “እናበረታታለን” ያሉት ደግሞ የአሜሪካው የውጭ ጉዳይ ሚኒስቴር አንቶኒ ብሊንከን ናቸው፡፡

 “ኤርትራና ሌሎችም ግጭቱን ከማቀጣጠል ሊቆጠቡ ይገባል” ሲሉም አክለዋል፡፡

አሜሪካ የኢትዮጵያን አንድነት፣ ሉዓላዊነት እና የግዛት አንድነት ትደግፋለች ያሉት ውጭ ጉዳይ ሚኒስትሩ፤ አሜሪካ ከሀገሪቱ ጋር ወደነበራት “ጠንካራ አጋርነት” መመለስ እንደምትሻ ም አስታውቀዋል።

ሌላው የትግራይ ክልል መንግስት ለውይይት ያወጣው መግለጫ ሚበረታታ መሆኑ የገለጸው ደግሞ፤ የኢትዮጵያ ሁኔታን በቅርበት ሲከታታል እንደነበር የገለጸው የምስራቅ አፍሪካ በይነ መንግስታት /ኢጋድ/ ነው፡፡

የኢጋድ ዋና ጸሃፊው ዶ/ር ወርቅነህ ገበየሁ በግጭት ውስጥ ያሉት ኃይሎች በአፍሪካ ህብረት መሪነት ለሚደረግ የሰላም ንግግር ለመመለስ ባሳዩት ፈቃደኝነት መደሰታቸው ገልጸዋል፡፡

“ኢጋድ ሁለቱም ወገኖች ለተኩስ ማቆምና ለሽምግልና ያሳዩት ቁርጠኝነት ይቀበላል”ም ነውም ያሉት ዋና ጸሃፊው፡፡

በፌደራል መንግስቱ እና በህወሓት መካከል የነበረው ጦርነት ለወራት ጋብ ብሎ የነበረ ቢሆንም ጦርነቱ በድጋሚ ሊቀሰቀስ ችሏል፤ ጦርነቱን በመጀመር አንደኛቸው ሌላኛቸውን በመክሰስ ላይ ናቸው፡፡

የኢትዮጵያ መንግስት በድጋሚ ጦርነት ከመቀስቀሱ በፊት ያለምንም ቅድመ ሁኔታ በየትኛው ቦታ ከህወሓት ጋር እንደሚደራደር መግለጹም ይታወሳል፡፡

ህወሓትም በተመሳሳይ ለድርድር ዝግጁ መሆኑን ቢገልጽም ህወሓት በአፍሪካ ህብረት ላይ እምነት እንደሌላው ሲገልጽ ቆይቶ ነበር፡፡

የቡድን ሰባት አባል ሀገራት በሩሲያ ነዳጅ ላይ የዋጋ ተመን ማውጣታቸው ይታወሳል

ሩሲያ የተጣሉባት ማዕቀቦች የማይነሱ ከሆነ ወደ አውሮፓ ነዳጅ እንደማትልክ ገልጻለች።

የሩሲያ ዩክሬን ጦርነት ከተጀመረ ስድስት ወራት ያለፈው ሲሆን ጦርነቱ በዓለም ምግብ እና ነዳጅ ዋጋ ላይ ጭማሪ እንዲመዘገብ ምክንያት ሆኗል።

 ጦርነቱ በዓለም ዲፕሎማሲ ላይ የተለያዩ መፋለሶችን ያስከተለ ሲሆን ሀገራት ከትብብር ይልቅ ጎራ ለይተው እንዲሰለፉ እያደረገም ይገኛል።

አሜሪካ እና የአውሮፓ ህብረት በሩሲያ ዩክሬን ጦርነት ላይ በተለያየ መንገድ በመሳተፍ ላይ ሲሆኑ በሩሲያ ላይ ከስድስት ሺህ በላይ ማዕቀቦችን ጥለዋል።

ሩሲያም የአጸፋ እርምጃ በመውሰድ ላይ ስትሆን ማዕቀቡ ለአውሮፓ ሀገራት የምታቀርበውን ጋዝ ሽያጭ እክል አስከትሏል።

ይሄንን ተከትሎም 40 በመቶ ለሚሆኑ የአውሮፓ ሀገራት ነዳጅ ስታቀርብ የነበረችው ሩሲያ በማዕቀቡ ምክንያት ለአውሮፓውያን ነዳጅ መላክ አለመቻሏን በተደጋጋሚ ገልጻለች።

በነዳጅ ዕጥረት እየተፈተነ ያለው የአውሮፓ ህብረትም በሩሲያ ላይ የጣለውን ማእቀብ እስከማላላት ቢደርስም በሩሲያ ላይ የተጣሉት ሁሉም ማዕቀቦች እስካልተነሱ ድረስ ሩሲያ ምንም አይነት ነዳጅ እንደማትልክ ራሺያ ቱዴይ ዘግቧል።

የሩሲያ ፕሬዝዳንት ቃል አቀባይ ድሚትሪ ፔስኮቭ ዛሬ በሰጡት መግለጫ የአውሮፓ ሀገራት እና ኩባንያዎች በሩሲያ ላይ የጣሉት ማዕቀብ ሳይነሳ አንዲት ጠብታ ነዳጅ አንልክም ሲሉ ተናግረዋል።

የአውሮፓ ባለ ግዙፍ ኢኮኖሚ ባለቤት የሆኑት ጀርመን፣ ፈረንሳይ፣ ብሪታንያ፣ ቤልጂየም እና ሌሎች ሀገራት በነዳጅ ዕጥረት እየተፈተኑ ናቸው ተብሏል።

እነዚህ ሀገራት ሩሲያ ነዳጇን እንደጦር መሳሪያ እየተጠቀመችበት ነው ሲሉም ሞስኮን ከሰዋል።

የዓለማችን ሰባቱ ባለ ግዙፍ ኢኮኖሚ ባለቤት የሆኑት የቡድን ሰባት አባል ሀገራት ከሰሞኑ  በሩሲያ ነዳጅ ላይ የዋጋ ተመን ማውጣታቸው ይታወሳል።

እነዚህ ሀገራት ሩሲያ ነዳጇን በተተመነላት ዋጋ መሰረት ለአውሮፓ ሀገራት እንድትሸጥ የወሰኑ ቢሆንም ሩሲያ በበኩሏ ምንም አይነት ነዳጅ ወደ አውሮፓ አልሸጥም የሚል ውሳኔ አሳልፋለች።